खोज

जिल्ला प्रहरी कार्यालय कपिलवस्तुको टोलीले अबैध रुपमा भंसार चोरी पैठारीको शंकास्पद अवस्थामा फेला परेको मल सहितको मिनिट्रक नियन्त्रणमा लिई भंसार चलान गरेको छ ।

जिल्ला प्रहरी कार्यालय कपिलवस्तुको टोलीले तौलिहवा–गोरुसिंङ्गे सडकखण्ड स्थित बुद्धभुमि नगरपालिका वडा नम्बर १० चेतरादेहीमा रोकिराखेको अवस्थाको मिनिट्रक नियन्त्रण नियन्त्रणमा लिएको थियो ।

तौलिहवाबाट दाङ्ग तर्फ भंसार चोरी पैठारी गरि मल लैजादै गरेको सुचनाको आधारमा प्रहरीले सो गाडीलाई बिहिबार नियन्त्रणमा लिएको हो ।

प्रहरीले रोकि राखेको अवस्थाको लु १ ख ७६३९ नम्बरको मिनी ट्रकमा लोड गरि ल्याएको ५० केजी तौलका ९० बोरा मलखाद बरामद गरेको छ । बरामद मलखाद सहितको मिनि ट्रक र मलखादको २२ लाख ४८ हजार मुल्य कायम गरि आवश्यक अनुसन्धान र चेकजाँजको लागि सुठौली भंसार कार्यालय पठाईएको प्रहरी उपरिक्षक नवराज अधिकारीले जानकारी दिए ।

अबैध रुपमा भन्सार चोरी पैठारी गरि मलखाद लैजान लागेको सुचनाको आधारमा नियन्त्रणमा लिईएको मिनीट्रक र लोड गरिएको मलखाद भन्सार चलान गरिएको उपरिक्षक अधिकारीले प्रष्ट्याए ।

बरामद गरिएको मलको बोरामा किसान गोल्ड र सफल किसान लेखिएको बोरामा राखिएको डिएपी मल हो । किसान गोल्ड मल हरि एण्ड राज ईन्टर प्राईजेज बिरगंज र सफल किसान मल जनकपुर फर्टिलाईजर ई प्रा. लि मोरङ्गमा ईम्पोर्ट भएको उल्लेख छ ।

भन्सार चोरी पैठारी गरि नक्कली बोरामा भरिएको वा नक्कली मल भएकै कारण मल सहितको गाडी रोकेर चालक सम्पर्कबिहिन भएको हुन सक्ने बताईएको छ ।