खोज

गैंडहवा, २७ वैशाख ।

नेपाल रेडक्रस सोसाइटी रुपन्देहीले बिपद जोखिम न्यूनीकरण योजना, नीति र राष्ट्रिय विकास परिदृश्य सम्बन्धी अभिमुखीकरण कार्यक्रम सम्पन्न गरेको छ ।

विश्व रेडक्रस दिवसको उपलक्ष्यमा अभिमुखीकरण कार्यक्रम आयोजना गरिएको हो । कार्यक्रम उद्घाटन नेपाल रेडक्रस सोसाइटी रुपन्देहीका सभापति दिपक क्षेत्री न्यौपानेले गरेका थिए ।

त्यस अवसरमा उनले रेडक्रसले आपतकालीन अवस्थामा काम गर्दै आएको बताउँदै प्रकोपविरुद्ध पुर्व तयारीका कामलाई जोड दिनुपर्ने बताए । रुपन्देहीमा नेपाल रेडक्रसले अब नयाँ थप योजना सहित अगाडि बढ्न लागेको बताउँदै जहाँ समस्या त्यहाँ रेडक्रस् भन्ने मूल नारालाई अगाडि राखेर काम गर्न आग्रह गरेका थिए ।

नेपाल रेडक्रस सोसाइटी जिल्ला कार्यसमिति सदस्य महेन्द्र नारायण श्रेष्ठले रुपन्देही रेडक्रसले धेरै उदाहरणीय काम गरेको बताउँदै विपत जुनसुकै समयमा आईपर्ने भएकोले पुर्व तयारी अगाडि बढाउनुपर्ने बताए ।

कार्यक्रममा रेडक्रस प्रेमी दिवाकर सुवेदीले प्रकोप विपद अचानक आउने भएकोले पुर्व तयारी हुनुपर्ने र आपतकालीन अवस्थामा रेडक्रसले प्रहरी, स्थानीय जनतासंग उद्दारमा लाग्नुपर्नेमा जोड दिए ।

प्रशिक्षक सामुदायिक सहजकर्ता डिल्लीराज जोशीले प्रकोप र विपतको बारेमा जानकारी दिंदै जोखिम बारेमा रेडक्रसले काम गरेको बताए ।

नेपाल रेडक्रस रुपन्देहीले रोहिणी, समरीमाई, मर्चवारी, लुम्बिनी साँस्कृतिक नगरपालिकामा फागुन देखि बैशाख सम्म १५१ जनालाई तिर्पाल, कम्बल, कपडा लगायत आवश्यकता अनुसार सामग्री वितरण गरिएको नेपाल रेडक्रस सोसाइटी रुपन्देहीले बताएको छ ।

कार्यक्रममा जिल्ला उप–सभापति हिराचन, रुपन्देही जिल्ला सचिव रामचन्द्र उपाध्यायलगायतले बोलेका थिए ।