खोज

गैंडहवा ।

रुपन्देहीको गैंडहवा गाउँपालिका सुर्यपुरा बहुमुखी क्याम्पसमा प्रगतिशील तिलक रिजालको प्यानल नै बिजयी भएको छ ।

केही दिनअघि सहमति गर्ने क्रममा दुवै पक्ष असफल भएपछि क्याम्पस समितिको लागि बैशाख २७ गते बिहान ८ बजे देखि १२ बजे सम्म मतदान भएको थियोे ।

अध्यक्षमा निर्वाचित तिलक रिजाल हात्ती चुनाव चिन्हमा ६२ सहित बिजयी भएका हुन् । सदस्यमा क्रमशः तिलक रिजाल प्यानलका विजयी भएका छन् । क्याम्पस सञ्चालक समितिको चुनावमा ११६ सदस्य मध्ये शत प्रतिशतले मतदान गरेका थिए ।

कार्यक्रममा गैडहवा गाउँपालिका अध्यक्ष सुरेन्द्र पौडेलले सहमति गर्दागर्दै सफल नभएपछि विकल्पको रुपमा चुनाव मार्फत प्रतिष्पर्धा गरेर आउने टिमलाई बधाई दिदै शिक्षा क्षेत्रमा चुनाव भएतापनि कुनै राजनीति नगरी काम गर्नुपर्ने सुझाव दिए ।

कार्यक्रममा नव निर्वाचित अध्यक्ष तिलक रिजालले सम्पूर्णको साथ सहयोग अनुसार अगाडि बढने बताउँदै मतदान गर्ने सम्पूर्णलाई धन्यवाद दिए । निर्वाचन अधिकृत कैलाश यादवले निर्वाचनको समयमा सहयोग गर्ने सम्पूर्णलाई धन्यवाद दिदै निर्वाचित टिम लाई बधाई तथा शुभकामना दिए ।