खोज

दुर्घटनामा परी दुवै हात गुमाएकी रूपा रौतारको पहिलो सांगितिक एल्वम अन्र्तगत ‘हिम्मत भाकी छोरी’ गीतको म्यूजिक भिडियो आइतबार बुटवलमा सार्वजनिक भएको छ । उक्त गीतको आधुनिक गायिका देविका वन्दनाले सार्वजनिक गरिन् । गीतको म्यूजिक भिडियोले आफु दुवै हात नभएपनि हिम्मत भएकी छोरी हुँ भन्ने सन्देश दिन खोजिएको छ । उक्त गीतलाई तेज प्रसाद पाण्डेले रचना गरेका हुन भने रौतारका संगित गुरु सुरेस सेन्चुरीको संगित रहेको छ । म्यूजिक भिडियोलाई यम पुनले निर्देशन गरेका छन् भने प्रेम नेपालीले सम्पादन गरेका छन् ।
सो अवसरमा बोल्दै गायिका बन्दनाले रौतारको स्वर राम्रो रहेको बताइन । उनले रूपालाई कृत्रिम हातका लागि आपूmले सक्दो सहयोग गर्ने बताइन् ।
बागेश्वरी संगितालयका प्रिन्सिपल सुरेस सेन्चुरीले विगत ७ वर्षदेखि रूपालाई निरन्तर संगित सिकाउँदै आज यो अवस्था सम्म ल्याउन सफल भएको भन्दै खुशी व्यक्त गरे । विगत ७ वर्षदेखि बुटवलको बागेश्वरी संगितालयमा संगीत सिक्दै आइरहेकी रौतारको २०६२ सालमा आफ्नो घर नजिकै कपिलवस्तुको बाणगंगामा करेन्ट लागेर दुवै हात गुमेका थिए । बुटवलको दीप बोर्डिङ स्कूलमा कक्षा ८ मा अध्ययनरत उनका यो संगै दुई वटा गीत बजारमा आइसकेका छन् ।
केही दिन अघि मात्रै राजधानीमा लेख्दै छु म आफ्नो कहानी बोलको गीत सार्वजनिक गरिएको थियो । कार्यक्रममा दीप बोर्डिङका प्राचार्य टिकाराम न्यौपाने, पत्रकार महासंघ रूपन्देहीका पूर्व अध्यक्ष दीपक ज्ञवाली, पत्रकार दामोदर खनाल, तेजप्रसाद पाण्डे, गीतका निर्देशक यम पुन लगायतले बोलेका थिए ।
à