खोज

बुटवल, ४ फागुन ।

रुपन्देहीको बुटवल–८, सुख्खानगरमा अवस्थित दीप बोर्डिङ हाई स्कुलमा शुक्रबार एघारौँ दीप गायन तारा प्रतियोगिताको छनोट चरण सम्पन्न भएको छ ।

प्रतियोगिताको छनोट चरणमा रुपन्देही क्षेत्रभित्रका कक्षा १२ सम्म अध्यापन हुने माध्यमिक विद्यालयका ४५ जना प्रतियोगीहरूले विना ट्रयाक गीत प्रस्तुत गरेका थिए । छनोट चरणबाट उत्कष्ट २० जनालाई अन्तिम चरणका लागि छनोट गरिएको छ । जसमध्ये दीक्षा कुँवर, निरुता नेपाली, सुजना भट्टराई, आयुषा राना, रक्षा मिश्र, रेनुका सुनार, विपुल पन्थ, निहारिका ढुङ्गाना, मिलिसा परियार, कृति विश्वकर्मा, रजनी पौडेल, सीता सुनार, ग्लोरिमा गोतामे, सन्तोषी परियार, देविका भुसाल, दिप्सन खत्री, जानकी पौडेल, निरुता कार्की, रिदिमा सिँजाली र विशेष भुर्तेल अन्तिम चरणको लागि छनोट भएका छन् ।

प्रतियागितामा उत्कृष्ट २० मा परेका प्रतियोगीहरूको अन्तिम प्रतिस्पर्धा फागुन ५ गते शनिबार बिहान १० बजे हुने र प्रतियोगितामा प्रथम हुनेले ३० हजार, द्वितीय हुनेले २० हजार, तृतीय हुनेले १० हजार र सान्त्वना हुने २ जनाले दुई÷दुई हजारका साथ सिल्ड र प्रमाण पत्र प्राप्त गर्ने कुरा विद्यालयका प्राचार्य टीकाराम न्यौपानेले बताए ।

कार्यक्रममा बोल्दै प्याब्सनका केन्द्रीय उपाध्यक्ष विष्णु पन्थीले किताबमा पढेका कुरा जीवनमा २० प्रतिशत मात्र काम लाग्ने तर कला, खेल, बक्तृत्वकलाबाट प्राप्त ज्ञानले जीवन पूर्ण हुने बताए । उनले गीत सङ्गीतको जगेर्ना र विद्यार्थीको प्रतिभा उजागर गर्न दीप बोर्डिङ हाई स्कुलले पु¥याएको योगदानको प्रशंसा गरे ।

त्यसैगरी शिक्षा विकास तथा समन्वय इकाइ रुपन्देहीका प्रमुख माधव बन्जाडेले विद्यालय स्तरका विद्यार्थीहरुका लागि गायन क्षेत्रमा उपयुक्त प्लेटफर्म दिएको र सरकारी तवरबाट गर्नुपर्ने कार्य दीपले गरेकोमा धन्यवाद व्यक्त गरे ।

कार्यक्रममा विद्यालय व्यवस्थापन समितिका उपाध्यक्ष उमाकान्त चापागाई, प्याब्सन लुम्बिनी प्रदेशका अध्यक्ष लालहरि पाण्डे, अभिभावक महासंघ लुम्बिनी प्रदेशका अध्यक्ष हेमबहादुर थापा, हिसान रुपन्देहीका अध्यक्ष दिनेश भुसाल, प्याब्सन रुपन्देहीका अध्यक्ष अनन्तराम शर्मा, पत्रकार महासंघ रुपन्देहीका अध्यक्ष रामराज पोख्रेल,बुटवल उपमहानगरपालिका वडा नं.८ का वडाध्यक्ष यज्ञप्रसाद पङ्गेनी, एभरेष्ट अङ्ग्रेजी माध्यमिक विद्यालयका प्राचार्य कृष्ण न्यौपाने, समाजसेवी राधेश्याम राजभण्डारी, प्याब्सन बुटवलका नगर अध्यक्ष मित्रहरि आचार्य, उपप्राचार्य त्रय ज्ञानु थापा, कलाधर अर्याल, सुरेन्द्रकुमार शाक्य, वि.व्य.स.सदस्य वसन्तकुमार जोशी, विष्णुमाया श्रेष्ठ, लेखाप्रमुख रेखा श्रेष्ठ, पुरुषोत्तम पाण्डेय, विजय सापकोटा लगायतले मन्तव्य व्यक्त गरेका थिए ।

प्रतियोगितामा सङ्गीतकार नारायण थापा, गायक वसन्त श्रेष्ठ, सङ्गीतकार मनोज खड्काले निर्णायकको भूमिका निर्वाह गरेका थिए । कार्यक्रममा विद्यालयको दीप सांस्कृतिक परिवारका विद्यार्थीहरूले विद्यालय गीत, गुरुवन्दना र गीत तथा नृत्य प्रस्तुत गरेका थिए भने कार्यक्रम बालकृष्ण पाठकको संयोजकत्वमा सम्पन्न भएको थियो ।