खोज

बुटवल ।

रोटर्याक्ट क्लब अफ बुटवलले भोकमरी उन्मूलन गर्ने उद्देश्यले दिगो विकास लक्ष्यसँग मिल्दोजुल्दो “शून्य भोक“ कार्यक्रम आयोजना गरेको छ । रुपन्देहीको बुटवलस्थित मानव सेवा आश्रममा आयोजित कार्यक्रममा विभिन्न क्षेत्रका व्यक्तिहरुको सहभागिता रहेको थियो ।

रोटर्याक्ट क्लब अफ बुटवलका अध्यक्ष अर्जुन खनाल नेतृत्वको टिमले सामुदायिक हितमा क्लबको प्रतिबद्धतालाई जोड दिँदै कार्यक्रम आयोजना गरेको हो ।

कार्यक्रमका प्रमुख अतिथि विमल पाण्डेले समुदायमा भोकमरी सम्बन्धी चुनौतीहरूलाई सम्बोधन गर्ने आवश्यकतामाथि प्रकाश पारेका थिए । कार्यक्रममा अरुण सिंह र निरज पाण्डेको पनि उपस्थिति रहेको अध्यक्ष खनालले जानकारी दिए ।

कार्यक्रमका संयोजक सुनिल कुँवरले कार्यक्रमको सफलता र प्रभाव सुनिश्चित गर्दै कार्यक्रमको आयोजना र व्यवस्थापनमा निर्णायक भूमिका निर्वाह गरेका थिए ।

कार्यक्रममा राजन न्यौपानेले भोकमुक्त समाज निर्माणमा सामूहिक जिम्मेवारीमा जोड दिए । कार्यक्रमका अवसरमा दिपेश कुमार अग्रहरीले कार्यक्रमलाई सफल बनाउन सहयोग गर्ने सबै सहभागी, प्रायोजकहरू र स्वयंसेवकहरूप्रति आभार प्रकट गर्दै धन्यवाद दिए ।

रोटर्याक्ट क्लब अफ बुटवलले आयोजना गरेको “शून्य भोक“ कार्यक्रमले दीगो विकास लक्ष्य हासिल गर्नको लागि अर्थपूर्ण संवाद, कार्ययोग्य अन्तर्दृष्टि र सामूहिक प्रयासहरूको लागि माध्यमको रूपमा काम गरेको आयोजकले बताएका छन् ।