खोज

बुटवल, १६ भदौ। फ्रिडम गाईजका सदस्य स्वर्गिय अपुर्ब श्रेष्ठको स्मृतिमा बुटवलमा बृहत् रक्तदान कार्यक्रम गरिएको छ । फ्रिडम गाईज, नेपाल नियमित रक्तदाता संघ केन्द्रीय समितिको आयोजना तथा गार्गी एकेडेमी र गणेश बहादुर जिसि, भगवत पौडेलको सहप्रायोजक तथा अन्य संघसंस्थाहरुको सहयोगमा शनिबार हिलपार्क परिसरमा रक्तदान कार्यक्रम गरिएको हो । नेपाल रक्तसंचार सेवा केन्द्र बुटवलको प्राविधिक सहयोगमा भएको कार्यक्रममा १ सय २८ युनिट रगत संकलन भएको संयोजक रुपेन्द्र अधिकारीले बताए ।

कार्यक्रमको एक समारोहका बिच वडा नं ७ का वडासदस्य राधा देवि पौडेल, समाजसेवी मृगेन्द्र शेरचन, शिवनगर सामुदायिक वन उपभोक्ता समुहका अध्यक्ष मनोज गौचन, अध्यक्ष दया बहादुर सिलवाल, नेपाल नियमितका सल्लाहकार सुरेन्द्र कुमार शाक्य, हिलपार्क परिषदका महासचिव टंक पराजुली, क्लबका संयोजक प्रकाश क्षेत्री, स्व अपुर्वका माता दिलु श्रेष्ठले स्वर्गीय अपुर्व श्रेष्ठको तस्बिरमा माल्यार्यपर्ण तथा मौन धारण गरि उद्घाटन गरिएको थियो ।

कार्यक्रममा नेपाल नियमित रक्तदाता संघका वरिष्ठ उपाध्यक्ष लेखनाथ भण्डारी, रक्तदाताका महासचिव दिपक अधिकारी, फ्रिडम सचिव पवन राईले रगत तत्व र रक्तदानको महत्वबारे प्रकाश पारेका थिए ।

यसैगरि लियो क्लब अफ बुटवल सिद्घबाबाले शनिबार रक्तदान कार्यक्रम गरेको छ । नेपाल रेडक्रस सोसाइटी, रक्तसंचार केन्द्र बुटवलको प्राविधिक सहयोगमा शनिबार क्लबले रक्तदान कार्यक्रम गरेको हो । कार्यक्रमको एक समारोहका बिच लायन्स ईन्टरनेश्नलका एलसिआईएफ डिष्ट्रिक कोअर्डिनेटर सन्दिप कशौधनले रक्तदातालाई ब्लड बैक हस्तान्तरण गरि शुभारम्भ गरे । युवाहरु समुदायमा रहेर सामाजिक कार्यमा अग्रसर हुँदै आफ्नो दक्षता वृद्धिमा संघसंस्थाहरुको महत्व रहेको बताए ।
संस्थाबाट प्रत्येक ३–३ महिनामा नियमित रक्तदान कार्यक्रम गर्दै आएको संयोजक प्रनेश पौडेलले बताए । बिरामीका आफन्तहरु रगत अभावमा नपरोस भनेर क्लबबाट अभियान चलाउदै आएको उनले बताए । कार्यक्रममा ४० युनिट रगत संकलन भएको उनले बताए ।
क्लबका अध्यक्ष वसन्त रिजालले वर्षभरि क्लबको नियमित कार्यहरुसंगै रक्तदानलाई विशेष महत्व दिएको बताए । समुदायमा रहेर विविध रचनात्मक कार्यहरु गर्दै आएको उनले बताए ।