खोज

 मधुमेह सचेतना जगाउने उद्येश्यका साथ बुटवलमा निशुल्क परिक्षण शिविर सम्पन्न भएको छ । समयमा रोगको बारेमा जानकारी भए रोकथाम गर्न सकिने भन्दै लायन्स क्लव अफ बुटवल क्षितिजले बुटवलको नया बसपार्कमा मधुमेहको निशुल्क रगत परिक्षण शिविर आयोजना गरेको हो ।
कार्यक्रमको लायन्स डिष्ट्रिक ३ सय २५ बि २ का पूर्व गर्भनर महेन्द्रनारायण श्रेष्ठले उद्घाटन गर्दै दिनप्रतिदिन मधुमेह रोगीको संख्या बढेको बताए ।
मधुमेहको भयावह अवस्थालाई न्युनिकरण गर्न सामुहिक पहल जरुरी रहेको उनले बताए । लायन्स अन्र्तराष्ट्रियको मुख्य लक्ष्य मधुमेह बिरुद्धको अभियान भएको भन्दै यसलाई प्राथमिकतामा राखेर गरिएका कार्यक्रममा सबैले साथ दिनुपर्ने उनले बताए । लायन्स डिष्ट्रिक डायविटिज व्यवस्थापन समिति संयोजक प्रतिमा श्रेष्ठले डिष्ट्रिक गर्भनरबाट डायबिटिज बिरुद्धको यो वर्ष विशेष कार्यक्रम सार्वजनिक भएको भन्दै डिष्ट्रिक अन्र्तरगत सबै क्लवहरु हातेमालो गर्न सुझाव दिईन ।
कार्यक्रममा जोन चियरपर्सन लोकनाथ उपाध्यायले बसपार्कमा आयोजना गरिएको मधुमेह परिक्षण कार्यक्रम प्रभावकारी भएको दाबी गरे । क्लबको सामाजिक उत्तरदायित्व अन्तरगत गरिएको कार्यक्रममा धेरैले यसको विषयमा जानकारी पाउने उनले दाबी गरे । क्लवका निर्देशक शंकर पाण्डेले मासिक रुपमा क्लबबाट मधुमेह शिविरहरु संचालन हुने बताए ।
थाईरो ल्यावका संचालक प्रेमराज न्यौपानेले व्यवसायसगै सामाजिक सेवामा योगदान दिन क्लवसंग सहकार्य गरेको बताए ।सवारी धनि, चालक, र यात्रुको धेरै चाप हुने बसपार्क क्षेत्रमा शिविर प्रभावकारी हुने भएकाले राखिएको क्लवका अध्यक्ष नारायण बहादुर थापाले बताए । शिविर मार्फत केही मात्रामा भए पनि मधुमेह रोग नियन्त्रणमा सहयोग पुग्ने अध्यक्ष थापाले आशा व्यक्त गरे । थाईरो ल्याव बुटवलको प्राबिधिक सहयोगमा भएको शिविरमा १ सय १२ जनाले मधुमेहको परिक्षण गराएका क्लबका तृतिय उपाध्यक्ष आबिष्कार खनाल बताए ।