खोज

नेपालगञ्ज, १६ बैशाख । आफैले निर्माण गरेको पेस्तोल पड्किएर बाँकेमा एक वालक घाइते भएका छन् । बाँकेको राप्ती सोनारी ५ चाचरफर्कामा आईतबार राति आफैले घरमा निर्माण गरेको कटुवा पेस्तोल पड्किदा गोलि लागेर १६ बर्षिय बालक सचिन थारु घाइते भएका हुन् ।

काठ र फलामको घरेलु कटुवा पेस्तोल जस्तो हतियार बनाई आफ्नै पाईन्ट पछाडिको गोजीमा राखेको र निकाल्ने क्रममा पड्कन गई दाहिने खुट्टाको पछाडिको हिपमा छर्रा गाडिन गई घाइते भएको ईलाका प्रहरी कार्यालय धामपुरले जनाएको छ । घाइते थारुको नेपालगन्ज मेडिकल कलेज शिक्षण अस्पताल कोहलपुरमा उपचार भइरहेको छ । उनले युट्युब हेरेर पेस्तोल बनाउन सिकेको बयान दिएको बाँकेका प्रहरी प्रमुख एसपी तुलबहादुर कार्कीले जानकारी दिएका छन् । उनलाई ईलाका प्रहरी कार्यालय धामपुरबाट खटिएको प्रहरी टोलिले पक्राउ गरि अस्पताल पठाएको थियो । घाइते बालकको अवस्था सामान्य रहेको र हतियार प्रहरीको नियन्त्रणमा रहको प्रहरीले जनाएको छ ।