खोज

बुटवल, १४ फागुन । लुम्बिनी प्रादेशिक अस्पतालको वार्षिकोत्सब उपलक्ष्यमा आयोजित क्रिकेट प्रतियोगितामा प्यारामेडिक्स टिम विजयी भएको छ । सप्ताहब्यापी कार्यक्रम अन्तरगत भएको क्रिकेटको फाईनल खेलमा चिकित्सक टिमलाई ७ विकेटले पराजित गर्दै प्यारामेडिक्स विजयी भएको हो ।

तिलोत्तमा नगरपालिकाको वडा नं ८ स्थित खेलमैदानमा भएको खेलमा प्यारामेडिक्स टिमले टस जितेर फिल्डिङ रोजेपछि ब्याटिङ गर्न मैदानमा प्रवेश गरेको चिकित्सक टिमले निर्धारण १२ ओभरमा ८ विकेटको नोक्सानीमा १३० रनको लक्ष्य खडा गरेको थियो । चिकित्सकको तर्फबाट डा आलोक थैवले २० बलमा ६३ रनको सर्वाधिक रन बनाए । खेलमा प्यारामेडिक्सका जितेन्द्र बडाले २ बिकेट लिए । प्यारामेडिक्स टिमले निर्धारित लक्ष्य १० ओभरमा भेटायो। प्यामेडिक्सको जितमा अजय यादवले शानदार ४० रनको योगदान दिए । खेलमा डा आलोक थैवले २ विकेट लिएका थिए ।

एक कार्यक्रमका बिच विजेता टिमलाई पुरस्कार प्रशासनका शाखा अधिकृत राजन केसीले प्यामेडिक्स टिमका कोच ईन्द्र राई, क्याप्टेन विशाल आचार्यलाई पुरस्कार वितरण गरिएको थियो। प्रतियोगितामा चिकित्सक, प्यारामेडिक्स, ल्याब, फार्मेसि र प्रशासनिक गरि ५ टिमहरु बिचमा खेल भएको थियो ।