खोज

बुटवल, ४ साउन   होटल तथा रेष्टुरेन्ट ब्यवसायी संघ रुपन्देहीले जिल्लाभित्रमा रहेका टोल गठन प्रक्रिया शुरु गरेको छ । बिहिबार बुटवलमा भएको देबिनगर, माझगाउ, बुद्धनगर, रानीगंज टोलको संयुक्त भेलाबाट प्रकाश भण्डारीको संयोजकत्वमा ९ सदस्यीय टोल गठन भएको छ । जसको सहसंयोजक काशीराम अर्याल, सचिव गिरीराज भुषाल, कोषाध्यक्ष मिना अधिकारी, सदस्य राम प्रसाद पाण्डे, बिर बहादुर भण्डारी, कृष्ण न्यौपाने, मन बहादुर चौधरी र लक्ष्मण खत्री सर्वसम्मत चयन भएका छन ।

कार्यक्रमको उद्घाटन गर्दै बुटवल उपमहानगरपालिका वडा नं ११ का वडा अध्यक्ष रामचन्द्र क्षेत्रीले व्यावसायिक हकहितका लागि संगठनको आवश्यक पर्ने बताए । हरेक पेशा ब्यवसायको हकहितको कुरा गरिरहदा आफनो कतब्र्य र उत्तरदायित्वलाई भुल्न नहुने समेत उनले सुझाव दिए । पर्यटनमा टेवा दिने होटल ब्यवसाय उपभोक्ताको सन्तुष्टीलाई ध्यानमा राखेर सेवा दिनुपर्ने उनले बताए ।

कार्यक्रममा रुपन्देही होटल तथा रेष्टुरेन्ट ब्यवसायी संघका अध्यक्ष लेखनाथ भण्डारीले नया नेतृत्व निर्वाचित भएसंगै ब्यवसायीको हकहितमात्र नभई क्षमता अभिवृद्धिका कार्यक्रमलाई तिब्रता दिएको बताए । रुपन्देही जिल्लामा छरिएर रहेका ब्यवसायीहरुलाई संगठित गर्दै नेतृत्व र पेशागत क्षमता अभिवृद्धिलाई प्राथमिकता दिएको उनले दाबी गरे । कार्यक्रममा देबिनगर प्रहरी बिटका प्रमुख लक्ष्मण न्यौपाने, वडा नं १७ का वडा सदस्य राम प्रसाद न्यौपाने, कार्यक्रम संयोजक केशव राज पाण्डेले समुदायमा सबै क्षेत्रको सहभागी र सहकार्य जरुरी रहेको बताए ।