खोज

गैंडहवा, २३ वैशाख ।

रुपन्देहीको गैडहवा गाउँपालिका वडा नं. ६ मा सञ्चालित सूर्यपुरा बहुमुखी क्याम्पसको प्रथम अधिवेशन सम्पन्न भएको छ ।

कार्यक्रममा गैंडहवा गाउँपालिका अध्यक्ष सुरेन्द्र पौडेलले सुर्यपुरा बहुमुखी क्याम्पस गौरवको योजना भएकोले असार मसान्तसम्म नयाँ भवनमा पढाइ सुरुवात हुने बताए । उनले अहिलेको अवस्थामा सुर्यपुरा बहुमुखी क्याम्पस यो क्षेत्रको आवश्यकता रहेको बताउँदै यस क्षेत्रमा सबैले सहयोग गरेर क्याम्पस सञ्चालनमा सहयोग गर्नुपर्ने बताए । यस्तै कार्यक्रममा सुर्यपुरा क्याम्पस प्रमुख कैलाश यादवले क्याम्पसका गतिविधिबारे प्रकाश पारेका थिए ।

कार्यक्रममा शाईन रेसुङ्गा डेभलपमेन्ट बैंक सुर्यपुरा साखा प्रमुख दिनेश चौधरी, क्याम्पस सभासद निर्माण समिति संयोजक तिलक रिजाल, क्याम्पसका पुर्व अध्यक्ष, बलदेव लोध, क्याम्पस संस्थापक अध्यक्ष टिकाराम शर्मा, मोरध्वज सिंह महन्त, पालिका उपाध्यक्ष माधुरी जैसवाल, विद्यालयका प्राध्यापक चुरामणि पौडेल, विभिन्न राजनीतिक दलका प्रतिनिधि, विभिन्न संघ संस्थाका प्रतिनिधिले अहिलेको अवस्थामा क्याम्पस सन्चालन गर्नुपर्ने बाध्यता आएको र गैडहवा लगायत छिमेकी पालिकाका विद्यार्थीलाई अध्ययन गर्ने वातावरण सिर्जना गर्नुपर्ने बताए । कार्यक्रममा प्राध्यापक तथा कर्मचारीहरुलाई दोसल्ला र सम्मान पत्रले सम्मान गरिएको थियोे ।