खोज

बुटवल, २७ साउन । न्यु होराईजन इगलिस बोर्डिङ स्कुलमा अध्ययन गरेको भुपु विद्यार्थीहरुको संस्था अलुमनी अफ न्यू होराइजनको अध्यक्षमा उमेश अमात्य निर्वाचित भएका छन ।

शनिबार भएको आठौ साधारण सभा तथा पाँचौ अधिवेशनबाट उमेश अमात्यको अध्यक्षतामा ११ सदस्यीय नयाँ कार्यसमिति सर्वसम्मत चयन भएका हुन । जसको उपाध्यक्षमा विकास श्रेष्ठ, सचिव रितेश ज्ञवाली, कोषाध्यक्ष कमल देवकोटा, सदस्यहरूमा रोमन शाह, प्रबिना खनाल, महेश घिमिर, दीक्षा सुवेदी, प्रवेश राज गैरे, कुशल आचार्य, सोनु अर्याल रहेका छन् ।

कार्यक्रममा अलुमनी अफ न्यू होराइजनका संरक्षक एबम् न्यू होराइजन विद्यालयका प्राचार्य लोकनाथ उपाध्याय, न्यू होराइजन विद्यालयका उप–प्राचार्य बालकृष्ण भण्डारी, अलुमनी अफ न्यू होराइजनका संस्थापक अध्यक्ष तथा न्यू होराइजन विद्यालयका उप–प्राचार्य राजीव श्रेष्ठ, अलुमनि अफ न्यू होराइजनका निवर्तमान अध्यक्ष संजय ज्ञवाली, अलुमनी अफ न्यू होराइजनका भूतपूर्व अध्यक्ष नारायण थापाले विद्यार्थीको हकहितमा अग्रसर रहन सुझाव दिए ।