खोज

बुटवल, ८ साउन ।

कान्ति माध्यमिक विद्यालयमा कक्षा ११ मा नयाँ भर्ना भएका विद्यार्थीका लागि अभिमुखीकरण कार्यक्रम सम्पन्न भएको छ । कक्षा ११ मा व्यवस्थापन, मानविकी तथा शिक्षाशास्त्र समूहमा भर्ना भएका विद्यार्थीहरुलाई कलामा आधारित जीवनोपयोगी सीप, किशोरावस्थामा ध्यान दिनुपर्ने पक्ष, जीवनको लक्ष्य आदि विषयमा उत्प्रेरक प्रशिक्षक रमेश अर्यालले उत्पेरणामूलक प्रशिक्षण दिएका थिए ।

कार्यक्रममा बुटवल उपमहानगरपालिका वडा नम्बर ४ का वडा अध्यक्ष नरिश्वर पौडेलले विद्यार्थीहरुलाई विद्यालय, घर परिवार र देश प्रतिको आफ्नो दायित्वलाई बुझेर अध्ययनमा लाग्न अनुरोध गरेका थिए ।

विद्यालयका प्राचार्य गोविन्द ज्ञवालीले विद्यालयको विगत, वर्तमान र भविष्यको योजनाका बारेमा बोलेका थिए । कार्यक्रममा विद्यालय व्यवस्थापन समितिका अध्यक्ष हेमानन्द शर्मा, शिक्षक लिलाधर पाण्डेलगायतले पनि बोलेका थिए । कार्यक्रम करियर काउन्सेलर हुमराज भुसालको सहजीकरणमा सम्पन्न भएको थियो । कार्यक्रम दुईवटा चरणमा सञ्चालन हुने व्यवस्थापन अनुसार मङ्गलबारको दोस्रो चरणमा विज्ञान समुहका लागि कार्यक्रम सञ्चालन गरिने कक्षा ११ का ईन्चार्ज शिक्षक भानुभक्त भुसालले जानकारी दिए ।