खोज

बुटवल, (बुटवल टुडे) ४ कार्तिक– भुर्तुड्ड छापचौर तराई सम्पर्क समाजको प्रथम अधिबेशन तथा तेश्रो साधारण सभाले २ बर्षका लागि नयाँ कार्यसमिति गठन गरेको छ ।
राजकुमार क्षेत्रीको नेतृत्वमा ११ सदस्य नयाँ कार्यसमिति गठन गरेको हो । जसको उपाध्यक्षमा मन बहादुर थापा, प्रथम उपाध्यक्षमा फटिक केसी, महिला उपाध्यक्षमा इन्द्र केसी, सचिबमा नाम बहादुर केसी, कोषाध्यक्षमा दिल बहादुर कार्की, सह–सचिवमा बिसन केसी, सह–कोषाध्यक्षमा खिम बहादुर थापा चयन भएका हुन ।
क्षेत्रीय सयोजकमा उत्तम श्रेष्ठ बुटवल, तेजबहादुर कार्की तिलोत्तमा, बिजय ढकाल सैनामैना, जड्ड बहादुर केसी रुद्रपुर, महिला सदस्य कल्पना कार्की निर्बिरोध निवार्चित भएका हुन् ।
कार्यक्रममा होटल ब्यबसायी महासंघका केन्द्रीय अध्यक्ष तथा सस्थाका सस्थापक अध्यक्ष हिराध्वज शाहले तराईमा बसोबास गर्ने छरिएर रहेका छापचौरबासीलाई संस्था स्थापना गरेर गोलबन्द गर्नु ठूलो कुरा रहेको बताए । संस्था स्थापना गरेको छोटो समयमा समाजमा पर्ने बिभीन्न सुखदुखमा सहयोगी बन्दै आएको भन्दै दुःखमा परेका र आर्थिक अभाबमा परेकाहरूलाई संस्थाले आर्थिक सहयोग समेत गर्दै आएको छ ।
तिलोत्तमा नगरपालिका वडा नम्बर ४ का वडा अध्यक्ष हरी बहादुर कार्कीले सम्पर्क समाज सबैको साझा रहेको बताए । कालीगन्डकी गाउँपालीका ७ का वडा अध्यक्ष घनश्याम थापाले भुर्तुड्ड छापचौर तराई सम्पर्क समाजले बिभिन्न समयमा जन्मस्थान छोडेर तराईमा बसोबास गर्नेहरूलाई गोलबन्द गराउँदै लगेको बताए । जन्मथलोमा हुने हरेक बिकास निमार्णका कामहरूमा समाजलाई जोड्दै लैजाने भन्दै समाजले जुनहिसाबमा काम गरेको छ त्यो सम्झन लायक रहेको बताए । आफू निर्वाचित भएपछि गाउँघरमा हुने जुवातास दिनदहाडै हुने मदिराको बिक्री बितरणलाई समय अनुसार बिर्की बितरण गर्न लगाएको भन्दै वडाले दिने सेवामा चुस्त दुरुस्त बनाएको बताए ।
नेपाल पत्रकार महासँघ रूपन्देहीका उपाध्यक्ष बिश्वास ढकालले समाजको काम भनेको तराईमा बसोबास गर्ने हरूलाई पुलको रूपमा जोड्ने रहेको बताए । नितान्त सामाजिक कार्य गर्ने गरी स्थापना भएकाले यसलाई सेवामुखी बनाएर लैजान आग्रह गरे । सिद्ध कालीका मल्टीपर्पाेजका अध्यक्ष सन्तोष गौतमले समाज गठन आफैमा खुसीको कुरा भएको बताए । समाजले हरेकका सुख दुःखमा सहयोग गर्ने भन्दै पछील्लो समय भुर्तुड्ड छापचौर तराई सम्पर्क समाजले सामाजिक कार्यमा काम गर्दै आएको बताए । कार्यक्रममा बुद्ध नगर एग्रो फार्मका अध्यक्ष कुल बहादुर केसी, बिजय ढकाल, नाम बहादुर केसी, गोबिन्द गौतम लगायतले शुभकामना दिएका थिए ।