खोज

आर्थिक वर्ष २०७४÷/०७५ मा जिल्लाबाट ८४ करोड १४ लाख ५६ हजार २ सय ४७ रुपैँया बजेट फ्रिज भएको छ । जिल्लाका विभिन्न कार्यालयहरुले रकम खर्च गर्न नसकेका कारण फ्रिज भएको हो । । आर्थिक वर्ष २०७४ ÷०७५ मा चालु र पुँजीगत तर्फ गरी ८ अरब ४६ करोड ९३ लाख ८३ हजार ७ सय २७ रकम विनियोजन गरेकोमा ७ अरब ६७ करोड ८९ लाख ४० हजार ८ सय ९६ खर्च भएको कोष तथा लेखा नियन्त्रक कार्यालय पाल्पाकी निमित्त कोष नियन्त्रक सावित्रा सुवेदीले जानकारी दिइन् ।
जिल्लामा चालु र पँुजीगत खर्च तर्फ प्राप्त बजेटको ९०.६७ प्रतिशत खर्च भएको छ । भने २३.३६ प्रतिश बजेट फ्रिज भएको छ । आर्थिक वर्ष २०७३÷०७४मा ६ अरब ४८ करोड २३ लाख ९ हजार ९ सय ७ रुपैयाँ बजेट खर्च भएको थियो । अघिल्लो वर्षको तुलनामा चालुगत र पँजीगत गरी ४८.५५ प्रतिशतले वृद्धि भएको कोष नियन्त्रक सुवेदीले बताईन् । आर्थिक वर्ष ०७४÷०७५ को अवधिमा जिल्लामा चालु तर्फ ५ अरब ६१ करोड १३ लाख ७८ हजार ७ सय २६ रकम मध्ये ५ अरब २५ करोड ७३ लाख ७ हजार ७ सय ६७ रुपैँया खर्च भई चालु तर्फ ९३.६९ प्रतिशत वित्तिय प्रगति भएको छ । त्यसै गरी पुँजीगत तर्फ २ अरब ८५ करोड ८० लाख ५ हजार मध्ये २ अरब ३७ करोड ६ लाख २० हजार खर्च भई ८२.९५ प्रतिशत वित्तिय प्रगति भएको छ । यसै गरी सबै भन्दा कम बजेट खर्च गर्ने जिल्ला प्रविधिक कार्यालयले २३ करोड १४ लाख ६० हजार मध्ये १४ करोड ९ लाख ६३ हजार ९ सय ८४ रुपैयाँ खर्च गरी ६०.९० प्रतिशत वित्तिय प्रगति गरेको । डिभिजन सडक कार्यालले ८३.१२ प्रतिश वित्तिय प्रगति गरेको छ । कार्यालयलाई प्राप्त कुल बजेट ६३ करोड ६ लाख ६० हजार मध्ये ५२ करोड ४० लाख १० हजार ८ सय ६१ रुपैँया खर्च गरेको हो । भवन कार्यालयलाई प्राप्त भएको रकम मध्ये ३४ करोड ४४ लाख ३६ हजार ५ सय २९ रुपैँया खर्च गरी ९५.६६ प्रतिशत वित्तिय प्रगति गरेको छ । खानेपानी तथा सरसफाइ डिभिजन कार्यालयलाई प्राप्त रकम २८ करोड ४ लाख ९४ हजार मध्ये २६ करोड ८२ लाख ७८ हजार रुपैँया खर्च गरी ९५.६४ प्रतिशत वित्तिय प्रगति गरेको हो । उत्तरदक्षिण कालीगण्डकी करीडोरलाई प्राप्त रकम ६५ करोड ७५ लाख मध्ये ४९ करोड ११ लाख ५८ हजार १ सय ४ रुपैँया खर्च गरी ७४.७० प्रतिशत वत्तिय प्रगति गरेको छ । सिचाँइकार्यालयलाई प्राप्त बजेट ७ करोड १ लाख ५ हजार मध्ये ६ कारोड ९ लाख ३१ हजार ५ सय ४ खर्च गरी ८६.९९ प्रतिशत वित्तिय प्रगति गर्न सफल भएको छ । र पुल योजनाको लागि प्राप्त ४१ करोड ४६ लाख ५० हजार रकम मध्ये ३७ करोड ९३ लाख ६२ हजार ९ सय ३१ रुपैँया खर्च गरी ९१.४८ प्रतिशत वित्तिय प्रगती गरेको छ ।
यसै गरी २०७४÷०७५ मा जिल्लाबाट ४४ करोड ३९ लाख ४० हजार ६ सय ८९ रुपैयाँ राजस्व संकलन भएको छ । अघिल्लो आर्थिक वर्षको तुलनामा १५.६५ प्रतिशत राजस्व वद्धि भएको कार्यालयले जनाएको छ । गत आर्थिक वर्षमा समयमै बजेट निकास भएको र स्थानीय तहमा बजेट गएका कारण पनि राजस्वमा वृद्धि भएको कोष नियन्त्रक सुवेदीले बताईन ।