खोज

बुटवल, ३० असार  शुद्धोधन गाउँपालिका ५ मानपकडीमा स्थित निशुल्क स्वस्थ्य शिविर सम्पन्न भएको छ । रुपन्देही विकास मञ्च तिलोत्तमा ५ रुपन्देहीको आयोजना तथा शुद्धोधन गाउँपालिका कार्यपालिका, यूनिभर्सल मेडिकल कलेज भैरहवा, जिल्ला औषधि व्यवसायी संघ, रूपन्देही सहयोगमा शुक्रबार शुद्धोधन वडा नः ५ मानपकडी स्वास्थ्य चौकीमा शिविर आयोजना गरिएको हो ।

शिविरमा जनरल फिजिसियन, स्त्री रोग विशेषज्ञ, छाला रोग बिशेषज्ञ, हाड जोर्नी विशेषज्ञ, मनोरोग विशेषज्ञ नाक, कान, घाटी रोग बिशेषज्ञहरुको टोलीबाट स्वास्थ्य प्रशिक्षण गरिएको थियो । शिविरमा शुद्धोधन गाउँपालिकाका स्थानिय ३ सयभन्दा बढी सेवाग्राहीले सेवा लिएका थिए । रुपन्देही विकास मञ्च तिलोत्तमा ५ रुपन्देहीले जिल्लाका विभिन्न नगरपालिका र गाउँपलिकामा स्वास्थ्य, विभिन्न वातावरण सरसफाइ जनचेतनामूलक कार्यक्रम गरिने भएकोले विभिन्न कार्यक्रमको सुरुवात शुद्धोधन गाउँपालिकाबाट गरिएको रुपन्देही विकास मञ्चका अध्यक्ष पुष्पा चौधरीले बताईन ।

शुद्धोधन गाउँपालिका अध्यक्ष विष्णुप्रसाद बस्यालले जनतालाई स्वस्थ्यमा जागरुक बनाउने उद्धेश्यले विभिन्न सामाजिक संघ संस्थाहरुसाग समन्वय गरी गाउँपालिकाका स्थानीयवासीहरुलाई निशुल्क रुपमा स्वास्थ्य सेवा प्रदान गर्ने लक्ष्य रहेको र निशुल्क स्वास्थ्य शिविर गरिएको बताए । युनिभर्सल कलेज अफ मेडिकल साइन्स शिक्षण अस्पतालका डा सुधन देवकोटा लगायत १४ जना विभिन्न रोगका विशेषज्ञहरुको उपस्थित रहेको थियोे । उक्त शिविरमा औषधि समेत निशुल्क रुपमा बितरण गरिएको थियो ।