खोज

चन्द्रौटा(कपिलवस्तु), ३० कार्तिक– चोरीका ५ वटा मोटरसाइकल सहित कपिलवस्तु प्रहरीले एक जनालाई पक्राउ गरेको छ । जिल्लाको कृष्णनगर नगरपालिका कुकुरभुकुवा बगैंचा नजिकबाट प्रहरीले मोटरसाइकल सहित एक जनालाई पक्राउ गरेको हो । पक्राउ पर्नेमा भारतको महाराष्ट्र शान्ताक्रस बस्ने बर्ष २५का मोहमद क्याप रहेका छन् ।
इलाका प्रहरी कार्यालय कृष्णनगरका प्रहरी निरीक्षक सूर्य बोगटी नेतृत्वको टोलीले गस्तीका क्रममा मोटरसाइकल सहित चोरीमा संलग्न क्यापलाई नियन्त्रणमा लिएको हो । बरामद गरिएका मोटरसाइकलको नेपाली बजार मूल्य ६ लाख ६५ हजार पर्ने प्रहरी निरीक्षक बोगटीले जानकारी दिए । बरामद गरिएका मोटरसाइकल सबै भारतबाट नेपालतर्फ भित्र्याइएको प्रहरीले जनाएको छ । भारतीय नम्बर प्लेटका २ वटा हिरो होन्डा, एक बुलेट, एक अपाचे र एक बजाज कम्पनीको मोटरसाइकल बरामद गरिएको प्रहरी निरीक्षक बोगटीको भनाई छ । क्याफलाई पक्राउ गरिएपछि अन्य ब्यक्ति भने फरार भएका थिए । फरार भएकालाई खोजी कार्य भइरहेको प्रहरीले जनाएको छ । पक्राउ गरिएका मोटरसाइकल भारतको बिभिन्न स्थानबाट चोरी गरी ल्याइएको प्रहरी स्रोतले जनाएको छ ।à