खोज

बुटवल, १८ माघ ।  राष्ट्रिय स्वतन्त्र पार्टीका सभापति रवि लामिछानेमा चरम व्यक्तिवाद हावी भएको भन्दै सो पार्टीका चितवन सभापति धर्मेन्द्र सापकोटाले राजीनामा दिएका छन् ।

पार्टी कुनै विधि प्रकृयाबाट भन्दा रवि लामिछाने र उनी निकट झुण्डको इशारामा चलेको भन्दै व्यक्तिवादी हैकम र अराजकतामा चलेको पार्टीमा बसिराख्न उपयुक्त नदेखेर पार्टी छाडेको सापकोटाले बताए ।
गत मंसिर ४ गतेको निर्वाचन पनि जिल्ला समितिलाई बेवास्ता गरेर एकाध झुण्डलाई लिएर चुनावमा परिचालन गरिएको उनको आरोप छ।

‘रवि लामिछानेसहितको टिमले जिल्ला कमिटीलाई वेवास्ता गरेर हिँड्ने गरेको छ, पार्टी पद्दतिको कुनै मूल्यमान्यता छैन, कुनै सरसल्लाह र बैठकसमेत भएको छैन’– उनले भने–‘देशभरमा जहाँ जहाँ समिति बनेका छन् तिनको हालत यस्स्तै छ ।’
सापकोटाले अब स्वतन्त्र भएर बस्ने बताएका छन् ।