खोज

बुटवल, ५ माघ । रुपन्देही जिल्लामा रहेका फुटबल क्लबहरुबिच खेलप्रति प्रतिस्पर्धा गर्दै खेलाडीहरुको क्षमता विकास गर्ने उदेश्यका साथ जिल्ला लिग छनौट खेल हुने भएको छ । रुपन्देही जिल्ला फुटबल संघको आयोजनामा रुपन्देही जिल्ला लिग नकआउट छनौट प्रतियोगिता २०७९ हुने भएको हो । बुटवलमा विहिबार पत्रकार सम्मेलन गरि प्रतियोगिताको तयारी पूरा भएको संघका अध्यक्ष लोक पुनले बताए । जिल्ला लिगमा खेल्ने २ क्लब छनौटका लागि १५ क्लबहरु बिच खेल हुने उनले बताए । ‘छनौट खेलको फाइनलमा पुग्ने दुई टिमले लिग खेल्ने छन ।’– उनले भने । हाल संघमा आवद्ध २० वटा क्लबहरुमध्ये गतवर्ष रेलिगेसन परेको र कागजी प्रक्रिया पूरा नगरेका ६ वटा घटेर १४ मा झरेको उनले बताए । ‘जिल्लामा ए डिभिजनका ८ र बि डिभिजनका ६ वटा क्लबहरु छन ।’– उनले भने । स्थानिय पालिकाबाट आर्थिक सहयोग हुदा खेल खेलाउन थप उर्जा मिलेको उनले बताए ।
कार्यक्रममा संयोजक मुकेश कुवरले जिल्लामा आवद्धताका लागि निवेदन दिएका नया १२ वटा र रेलिगेसनसहितका ३ गरि १५ वटा क्लबहरुका बिचमा छनौट खेल हुने बताए । ‘रेलिगेनमा परेको क्रिशियन क्लब र कागजपत्र पूरा गरेका ठुठिपिपल र चादनी क्लब सहित नया १३ क्लब भिड्ने छन ।’– उनले भने । माघ ८ गतेबाट शुरु हुने छनौट खेल नकआउट हुने उनले बताए । प्रतियोगितामा फाईनलमा पुग्ने दुई टिम जिल्ला लिगमा खेल्न पाउने छन । प्रत्येक टिममा बढीमा १८ जना खेलाडीहरु र २ जना अफिसियल राख्ने ब्यवस्था भएको उनले बताए । एन्फाको ए, बि, सि डिभिजन वा विदेशी क्लबहरुमा आवद्ध खेलाडीले खेल्न नपाउने उनले जानकारी दिए । एउटा क्लबमा दर्ता भएको खेलाडी एकवर्षसम्म अन्य क्लबबाट खेल्न पाउने छैनन भने जर्सि र मोजाको ड्रेसमा क्लबले समानता ल्याउन उनले आग्रह गरे ।