Logo
२४ माघ २०७९, मंगलवार
Logo

आर्थिक अभावले उपचारमा समस्या


कपिलवस्तु, १ माघ ।

“मेरो श्रीसम्पती जे भने पनि भएकी यिनै छोरी हुन् । यिनलाई केही भए, म बाँच्नुको के सार भयो र ?” कपिलवस्तुको बुद्धभूमि नगरपालिका वडा नं. २ गोरुसिङ्गेकी ४२ बर्षीय दुर्गा पुनले गहभरी आशु झार्दै भनिन् । सम्पत्तीको नाममा जग्गाको एक टुक्रा जग्गा जमिन नभएकी उनलाई ७ बर्ष अघि भएकी एउटी छोरीलाई पनि मृगौला सम्बन्धी जटिल रोग लागेपछि झनै चिन्ताले सताएको छ ।

उनकी १७ बर्षीय छोरी आशिका पुन मृगौला सम्बन्धी जटिल रोग (नेफ्रोटिक सिन्ट्रोम) ले पीडित छन् । सो समस्याका कारण उनको पिसावबाट प्रोटिनको मात्रा निस्किएर उपचार नपाए शरीर सुन्निने गरेको छ । आफ्नो जग्गा जमिन नभएकी उनले आफ्नी बैनीको ६ घुर जग्गामा टिनको छानो हालेको घर बनाएकी थिईन । त्यस पछि ऋण धन गरेर ६ बर्ष अघि श्रीमान प्रेम बहादुर पुनलाई बैदेशिक रोजगारीमा मलेसिया पठाईन् ।

श्रीमानले मलेसियाबाट छोरीको उपचारका लागि नियमित पैसा पठाउन थाले । छोरी आशिकाको बुटवलमा उपचार सम्भव नभएपछि दुर्गाले काठमाडौंको कान्ती बाल अस्पतालमा निरन्तर उपचारका लागि लैजाने गरेकी थिईन् । तर, परिवार चलाउने र छोरीको उपचारका लागि बिदेशमा रहेका प्रेमको मुटुको समस्याले २०७७ भदौ २४ गते मृत्यु भयो । मुटुको समस्याले मृत्यु भएको भन्दै कम्पनीले उनका आश्रित परिवारलाई कुनै पनि रकम दिएन । यता, छोरीको उपचारका लागि धेरै समस्या परे १५÷२० दिनमा नभए एक महिनामा काठमाडौंको विर अस्पतालमा पुर्याएर उपचार गराउनु पर्ने बाध्यता दुर्गाको छ ।

पढाईमा अब्बल रहेकी आशिकालाई मोतीपुरको पारिजात ईङ्गलिस बोर्डिङ्ग स्कुलले निःशुल्क पढाएको छ । तर उपचारका लागि हिडिराख्ने भएपछि आशिकाको पढाई र परीक्षा प्रभावित हुने गरेको छ । अहिले बाख्रा पालेर जसोतसो घर खर्चको जोहो गर्दै आएकी दुर्गालाई छोरीको उपचारका लागि आवश्यक पर्ने मासिक ३०÷३५ हजार जुटाउन समस्या पर्दैै आएको छ ।

छोरीको लागि उपचारमा जाँदा छिमेकीले बाख्राहरुलाई हेरेर सहयोग गर्ने गरेका छन् । तर अहिले भने उपचारको रकम जोहो नहुँदा छोरीको अबको उपचार कसरी गर्ने भन्ने चिन्ता दुर्गालाई परेको छ । “श्रीमान हुँदासम्म जसोतसो उपचार खर्च जुटाएकी थिएँ । डाक्टर साहेबले लामो समय औषधि गर्नुपर्छ भन्नु भएको छ । छोरीको उपचार गर्न अब दाता र सहयोगीको खोजीमा छु” उनले गम्भीर हुँदै भनिन् । आफुसँग छोरीको उपचारका लागि श्रोत साधन नभएकाले समस्यामा परेको जनाउँदै उनले सहयोगी हातहरुसँग छोरीको उपचारमा सहयोग गरिदिन आग्रह गरिन् ।

 

यो खबर पढेर तपाईलाई कस्तो महसुस भयो ?

ताजा
  >>   आईटी क्षेत्रलाई सम्बोधन गर्ने गरी छुट्टै कानुन बनाउछौं: सञ्चार मन्त्री   >>   नेपालीले खान्छन् आवश्यकता भन्दा बढी आयोडिनयुक्त नुन, मात्रा घटाउने तयारीमा सरकार   >>   ‘विद्यार्थीको पठनपाठनमा अभिभावकको भूमिका अपरिहार्य’   >>   टी-ट्वान्टी लिग : स्पट फिक्सिङको आरोपमा नितेश गुप्ता पक्राउ   >>   बालबालिकामा इन्टरनेटको बढ्दो लत   >>   ‘सरकारले नेपाली टेक्नोलोजीलाई प्राथमिकता दिन सकेन’   >>   गार्गी एकेडेमीमा खेलकूद सप्ताह सुरू   >>   आठौं मणिमुकुन्द रनिङ कप भलिबल शुरु, खेलले समाजको चौतर्फी विकासमा टेवा दिन्छ : मेयर खांण   >>   प्रधानमन्त्री प्रचण्ड र एमाले अध्यक्ष ओलीबीच भेटवार्ता   >>   लुम्बिनीमा सुरु भो रामकथा प्रवचन, दुईहजार श्रद्धालु सहभागी