खोज

शसस्त्र प्रहरीले सीमानाकामा निगरानी बढाएको छ । पछिल्लो समय रूपन्देहीमा भारतबाट अवैध रूपमा नेपाल भित्रिने सामग्री केही कम भए पनि पुनः त्यो काम शुरु भएपछि प्रहरीले निगरानी बढाएको हो ।
सीमामा गस्ती तिव्र बनाएको शसस्त्र प्रहरीले दिउँसै तस्करी गर्ने तस्करहलाई नियन्त्रणमा लिई कार्यवाही अगाडी बढाएको छ । शसस्त्र प्रहरी बल नेपाल बर्डर आउट पोष्ट पजरकट्टिले भारतबाट अवैध रूपमा नेपाल भित्रयाइँदै गरेको कपडा बरामद गरेको छ । शसस्त्र प्रहरी निरिक्षक ताम्रजंग बस्नेतको कमाण्डमा खटिएको टोलीले रोहिणी गाउँपालिका वडा नम्बर ७ को लखनौतियाबाट कपडा बरामद गरिएको हो । भारतबाट तस्करले मोटरसाईकलमा कपडा ल्याउँदै गरेको र प्रहरीलाई देखे पछि कपडा फालेर उनिहरू फरार भएको शसस्त्र प्रहरी निरिक्षक ताम्रजंग बस्नेतले बताए ।
बरामद गरिएको कपडामा ब्लाउजको भित्रि कपडा ७७ पिस, सुट ५३ पिस, थान कपडा ८८ मिटर, मखमल कपडा ४० मिटर र २० पिस तौलिया रहेको बस्नेतले जानकारी दिए । बरामद गरिएको कपडाको मूल्य करिब ६० हजार मूल्य बराबर रहेको उनले बताए । बस्नेतले बरामद गरिएका कपडा थप कार्यवाहीको लागी भैरहवा भन्सार बुझाईएको बताए ।
यसै गरि सोमबार नै सशस्त्र प्रहरी बल नेपाल गुल्म हेक्वा ९राजस्व सुरक्षा तथा भन्सार गुल्म० रूपन्देही नम्बर ३८ गुल्मबाट सशस्त्र प्रहरी नायव उपरीक्षक गोविन्द बहादुर खातीको कमाण्डमा खटिएको टोलीले पनि २ जना ब्यक्ति सहित कपडा र ईलेक्ट्रोनिक सामाग्री बरामद गरेको छ । शससत्र प्रहरी बल भन्सारको टोलीले रोहिणी गाँउपालिका वडा नम्बर ७ धकधई ईलाकामा चेकजाँच गर्ने क्रममा नवलपरासीको महेशपुरबाट भैरहवा तर्फ आउदै गरेको लु १ ज ३३६४ को बलेरो पिकअप गाडीमा ८ बोरा रुमाल फेला पारेको हो । उक्त गाडी चेकजाँच गर्दा प्रज्ञापन पत्र नभएको ८ बोरा रुमाल मुल्य १ लाख ९५ हजार २ सय ६४ रूपैयाँ र गाडिको मुल्य ५ लाख रूपैयाँ गरी जम्मा मुल्य रु। ६ लाख ९५ हजार २ सय ६४ रूपैयाँ बराबरको सामान आवश्यक कारबाहीको लागी राजश्व अनुसन्धान कार्यालय बुटवलमा बुझाईएको सशस्त्र प्रहरी नायव उपरीक्षक गोविन्द बहादुर खातीले बताए । उक्त गाडीमा रहेका जिल्ला पश्चिम नवलपरासी रामग्राम नगरपालिका वडा नम्बर १७ देवगाँउ फूलवारी बस्ने अन्दाजी बर्ष २२ को अमलेश गुप्ता र सोही ठाउँ बस्ने अन्दाजी बर्ष १७ को मुकेश बानियाँ रहेको खातीले बताए ।
यसै गरि स सशस्त्र प्रहरी बल नेपाल गुल्म हेक्वा ९राजस्व सुरक्षा तथा भन्सार गुल्म० रूपन्देही नम्बर ३८ गुल्मबाट सशस्त्र प्रहरी निरीक्षक भिमनिधी खनालको कमाण्डमा खटिएको टोलीले पनि ५८ हजा २ सय मूल्य बराबरको ईलेक्ट्रोनिक समा बरामद गरेको शसस्त्र प्रहरीले जनाएको छ । उक्त समान सम्मरीमाई गाँउपालिका वडा नम्बर २ करौतामा चेकजाँच गर्ने क्रममा भारतबाट भन्सार छली अवैध रूपमा चोरी पैठारी गरी नेपालतर्फ ल्याउदै गरेको ईलेक्ट्रोनिक सामान बरामद गरिएको हो । साथै सामान ढुवानीमा प्रयोग गरिएको लु १ प ४८ नम्बरको मोटरसाईकल पक्राउ गरी भैरहवा भन्सार कार्यालय बेलहिया रूपन्देहीमा बुझाईएको सशस्त्र प्रहरी नायव उपरीक्षक गोविन्द बहादुर खातीले बताए ।