खोज

बुटवल, २६ बैशाख । चीनमा सम्पन्न अन्तराष्ट्रिय बास्केटबल प्रतियोगितामा स्वर्ण पदक विजेता नेपाली बास्केटबल खेलाडीहरुलाई लुम्बिनी प्रदेश बास्केटबल संघले नगद सहयोग गरेको छ । चीनको युनान प्रदेश सीमा ह्याप्पी भिलेज स्पोर्टस कार्निभल ३ बाई ३ बास्केटबल प्रतियोगितामा ३८ टिमलाई पछि पार्दै स्वर्ण पदक विजेता नेपाली टिमलाई ५१ हजार रुपैया सहित सम्मानको लागि केन्द्रमा रकम हस्तान्तरण गरिएको हो ।

लुम्बिनी प्रदेश बास्केटबल संघको सोमबार रुपन्देहीमा सम्पन्न दोस्रो बैठकबाट खेलाडीहरु विजय बुर्जा, निकेश राखल मगर, मनिष केसी, निश्चल महर्जन र कोच सुशिल गुरुङलाई सहयोग रकम पठाएको अध्यक्ष मनिष कुमार ह्योजुले बताए । बास्केटबल खेल र खेलाडीको विकासमा सरकारको प्राथमिकतामा पर्न नसकेको बेला नेपाली खेलाडीहरुले अन्तराष्ट्रिय सफलता हासिल गरेको प्रदेशका अध्यक्ष ह्याजुले बताए । अन्तराष्ट्रिय प्रतियोगितामा विजेता बनेको नेपाली टिमलाई लुम्बिनी प्रदेशबाट हौसला बढाउने गरि नगदबाट सम्मान गर्न लागेको उनले बताए । आयोजक चीनसहित नेपाल, कम्बोडिया, भियतनाम, म्यानमार, थाईल्याण्ड, लाओस गरि ७ देश सहभागी रहेका थिए । जसमा चाईनाको ३२ प्रदेश र युनिर्भसिटिको टिम गरि कुल ३९ टिम रहेका थिए ।

लुम्बिनी प्रदेश बास्केटबलमा सम्भावना बोकेको क्षेत्रका रुपमा रुपन्देही भएको भन्दै त्यसैलाइ मध्येनजर गरि प्रदेशका १२ जिल्लाका युवा खेलाडीहरुलाई समेटेर ओपन ट्यालेन्ट हन्ट आयोजना गर्ने अध्यक्ष मनिष कुमार ह्योजुले बताए । एक महिनाको आधारभुत तालिमबाट उत्कृष्ट खेलाडीलाई काठमाडौ थप बास्केटबल प्रशिक्षणको अवसर दिने उनले बताए । महिला, पुरुष ट्यालेन्ट हन्ट, रेफ्रि कोच लगायतको प्रशिक्षण चलाउने उनले बताए । यसैगरि बास्केटबलको प्रशिक्षकका रुपमा ब्यवसायिक बन्ने अवसर रहेको उनले बताए । यसैगरि संघको संरक्षकमा रुपन्देहीका ब्यवसायी तथा समाजसेवी अनन्तमान थैवलाई मनोनित गर्ने निर्णय गरेको छ ।

दिपनगरस्थित बास्केटबल कोर्टलाई अस्थाई कोर्ट प्रयोग गर्न स्थानिय सौभाग्य युवा क्लबसंग समन्वय अघि बढाउने संघका महासचिव विपिन केसीले बताए । आगामी दिनमा अफिसियल तयार गर्ने, प्रदेश टिम तयार गर्ने, टिमको मुख्य प्रायोजक खोज्ने, अक्षयकोष स्थापना गर्ने,
खेलप्रेमीहरुबाट आर्थिक जुटाएर सहयोग गर्ने तयारीमा रहेको छ ।