खोज

पोखरा, १५ मंसिर ।  पोखरामा जारी केपी ओली कप टी–२० क्रिकेट प्रतियोगिताको उपाधिका लागि त्रिभुवन आर्मी क्लब र मधेस प्रदेश भिड्ने भएका छन् । फाइनल खेल आज पोखरा रङ्गशाला स्थित क्रिकेट मैदानमा हुनेछ ।

आर्मीले पहिलो सेमिफाइनलमा बागमतीलाई हराएको थियो भने मधेसले एपीएफलाई पराजित गरेको थियो । मदन भण्डारी स्पोटर्स एकेडेमीले आयोजनामा गरेको प्रतियोगिताका विजेताले ५ लाख पाउनेछन् भने उपविजेताले २ लाख ५० हजार नगदसहित सिल्ड, मेडल र प्रमाणपत्र प्राप्त गर्ने छन् । प्रतियोगितामा १२ टिमको सहभागिता थियो ।

म्यान अफ द सिरिजले नगद ३० हजार, बेस्ट बलरले नगद २० हजार र म्यान अफ द म्याचले नगद ५ हजार रुपैयाँ नगद पाउने आयोजक एकेडेमीको अध्यक्ष ध्रुव आचार्यले बताए ।