खोज

पीताम्बर भुसाल र रामबहादुर चौहान एउटै गाउँ बाँगीका हुन् । तत्कालिन एमाले जिल्ला सचिवमा चौहान र सचिवालय सदस्यमा भुसाल थिए । एकीकृत पार्टीको अध्यक्ष पद तत्कालिन एमालेलाई परेपछि भुसाललाई प्रदेश सांसद एवं तत्कालिन अध्यक्ष चेतनारायण आचार्यले अध्यक्ष पदमा सिफारिस गरे । चौहान सहित पूर्वएमाले कावा अध्यक्ष जीवनारायण कोइराला र उपसचिव प्रेमनारायण गैरेले पार्टीमा कनिष्ठ व्यक्तिको सिफारिस र विधि, विधान र प्रक्रियालाई मिच्ने काम भएको भन्दै निर्णय सच्याउन माग गरेको छ । दुवै पक्षधर नेता/कार्यकर्ता असन्तुष्ट जनाउँदै एकले अर्काेलाई गालीगलौजमा उत्रिएका छन् ।
कोइराला, चौहान र गैरेले संयुक्त रूपमा हस्ताक्षर गरी पाटी केन्द्रीय कार्यालयमा सिफारिस निर्णय बदर गर्न उजुरी दिएको छ । पार्टीको विधि, विधान र प्रक्रिया विपरित कमिटीमा कुनै सल्लाह नगरी एकलौटी ढंगले तत्कालिन अध्यक्ष एवं प्रदेससभा सदस्य चेतनारायण आचार्यले एकल सिफारिस गरेर मनोमानी गरेको कोइरालाले बताए । कमिटी छनोट गर्दा पार्टी वरिष्ठता, क्षमता एकताको भावनालाई आधार बनाउने र सिफारिस वा निर्णय गर्दा तत्कालिन एमाले र माओवादी केन्द्रका कमिटीमा रहेका कमरेडहरूको पनि राय सल्लाह लिन प्रवाधान भएपनि व्यक्तिवादी ढंगले सिफारिस गरेर हामीले फेसबुकबाट जानकारी पाउनु नियम विपरित कार्य हो, कोइरालाले भने ।
व्यक्ति भन्दा पनि हामी विधि र विधान अनुसार पार्टी चल्नुपर्छ भन्ने मान्यता भएको उनले बताए । नेता रामबहादुर चौहानलाई असन्तुष्ट टोलीले काठमाडौं पठाएको छ । व्यक्तिगत सिफारिस बदर गर्न माग गर्दै पार्टी अध्यक्ष एवं प्रधानमन्त्री केपी शर्मा ओली र अर्का अध्यक्ष प्रचण्ड कहा“ धाएका छन् । उनले अन्य शीर्ष नेतालाई पनि नियमसंगत नभएको तर्क गरेका छन । सिफारिस गर्दा राय सल्लाह लिनुपर्ने नियम भएपनि पार्टी जिल्ला इन्चार्ज र हामी कसैलाई पनि सोधिएन, त्यसैले अन्याय भएकाले गुहार माग्न केन्द्रमा धाउनु परेको बताए ।
उनले पार्टीको सातौं महाधिवेशनमा आफुसंग सचिव पदमा हारेका भुसाल सचिवालयको नवौं नम्बरमा परेकालाई अध्यक्ष सिफारिस गर्नु न्याय संगत नभएको दावी गरे । भुसाल पार्टी भित्र इमान्दार र लगनशील व्यक्तिको रूपमा चिनिन्छन । चौहान हकी, खरो र प्रखर वक्ताको रूपमा चिनिन्छन । चौहान प्रदेस सांसद रामजीप्रसाद घिमिरे पक्षधरबाट सचिव जितेका थिए । भुसाल सांसद आचार्य पक्षधरबाट सचिवमा पराजित भएका थिए ।
प्रदेस र संघको चुनावमा टोपबहादुर रायमाझी मुख्य निर्वाचन परिचालन कमिटीको संयोजक, नजिर मिया सह–संयोजक र आफु सचिव ह“ुदा भुसाल सदस्य समेत नरहेको बताए । भुसालको आफु विरोधी नरहेको तर, प्रक्रिया विपरित काम भएकाले इमान्दार कार्यकर्ता अपमानित भएको दाबी गरे ।
हामी व्यक्तिको विरोधी हैनौं, सिस्टमले पार्टी चल्नुपर्छ र सिफारिस विधिसम्मत ढंगले हुनुपर्छ भनेर लागेको नेता गैरेले बताए । वरिष्ठताका आधारमा छनोट गर्दा भुसाल अध्यक्षमा सिफारिस हुन नसक्ने दावी गर्दै निर्णय गलत भएको बताए ।
प्रदेस सांसद एवं तत्कालिन एमाले अध्यक्ष चेतनारायण आचार्यले पार्टीमा अनुशासन, लगाव र पार्टी हाँक्न सक्ने व्यक्ति भुसाल भएकाले अध्यक्षमा सिफारिस गरिएको बताए । निरन्तर पार्टी काममा खटेकाले भुसाल नै अध्यक्षका लागि उपयुक्त आफुले ठानेको दाबी गरे । उनले विरोध भन्दा पनि पार्टीको काममा खटिन असन्तुष्ट पक्षलाई अनुरोध गरेका छन । अहिले सामाजिक सञ्जालमा दुई समुहमा विभाजन भएर नेता कार्यकर्ता एकले अर्काेलाई आरोप–प्रत्यारोप लगाउने काममा लागेका छन । यसको प्रभाव गाउ“ स्तरका कार्यकर्तामा समेत परेको छ । पार्टी अध्यक्ष सांसद, उपाध्यक्ष प्रदेस कमिटी सदस्य भएकाले आफु वरिष्ठतामा स्वत पर्ने र अध्यक्ष पाउनु स्वभाविक रहेको चौहान दाबी गर्छन । अध्यक्षमा सिफारिस भुसालले समर्थन नगर्नु व्यक्तिगत विचार भएपनि सधै आफु पार्टीमै क्रियाशिल भएकाले विरोध गर्नु जायज नभएको बताउ“छन ।
जिल्लाबाट प्रदेस कमिटीमा भुसाल एकल सिफारिसमा परेका छन् । पार्टी केन्द्रले निर्णय गर्न बाकी छ । जिल्लामा अध्यक्ष र सचिवको सिफारिसको आधारमा गर्न लागिएको हो । यो कमिटीले पार्टीको चुनाव गराउनेछ । कोइराला पाणिनी गाउ“पालिका अध्यक्षमा उम्मेदवार बनेका थिए । चुनावमा पराजित भए । भुसाल २०५४ सालमा २५ वर्षको उमेरमा बा“गी गाविस अध्यक्ष भएका थिए । त्यसपछि पाटीका विभिन्न कमिटीमा छन । चौहान अस्पताल विकास समिति र सामुदायिक प्रहरी सेवा केन्द्रको अध्यक्ष भएका छन् ।