खोज

काठमाडौं,२५ बैशाख । राष्ट्रिय स्वतन्त्र पार्टी रास्वपाले सभापति रवि लामिछानेलाई मात्रै केन्द्रीत गरेर सहकारी ठगीमा संसदीय छानबिन समिति बनाउने कुरामा आफूहरू सहमत हुन नसक्ने निर्णय गरेको छ । रास्वपाले देशभरका सहकारीको छानबिन गर्नका लागि मात्रै संसदीय छानबिन समिति बनाउने कुरामा सहमत हुनसक्ने निष्कर्ष निकालेको हो । मंगलबार बिहान सिंहदरबारमा बसेको संसदीय समितिको बैठकमा कुनै व्यक्ति केन्द्रीत भएर छानबिन समिति बनाउने कुरामा सहमत हुन नसक्ने निष्कर्ष निकालेको सांसद मनिष झाले बताए ।

आजको बैठकमा बजेट अधिवेशन र समसामयिक राजनीतिको विषयमा छलफल भएको उनले बताए।
सरकारले आगामी वैशाख २८ गतेलाई बर्खे अधिवेशन बोलाएको छ। सो बैठकअघि रास्वपाले मंगलबार बिहान सांसदहरूसँग छलफल गरेको हो।