खोज

गैंडहवा, १६ वैशाख ।

रुपन्देहीको कञ्चन गाउँपालिका वडा नं. १ बकुलगाडमा आइतबार बिहानै पराल बोकेको ट्याक्टरमा आगलागी भएको छ ।

कन्चन वडा नं. १ का अध्यक्ष हरिनारायण थारुले दिएको जानकारी अनुसार विद्युत शर्ट भएर ट्याक्टरमा आगलागी भएको हो । अध्यक्ष थारुले होचो पोल, त्यसैमा लत्रिएर भुइँदेखि नजिकै तार छुन सक्ने भएकोले अन्य गाडीहरुलाई समेत समस्या भएको बताए । बस ट्रक त्यो बाटो हिंड्न गाह्रो भएको उनले बताए । धन बहादुर खत्रीले आफ्नो घरमा पसु चौपायालाई घाँसको रुपमा लैजाँदै गरेको पराल बोकेको ट्याक्टर आगलागी भएको बताए ।

लु ३ त ९८७५ ट्याक्टरमा आइतबार बिहान आगलागी भएको हो । ट्याक्टरको पछिको डाला केही जले पनि स्थानीय र दमकलको सहायताले आगो नियन्त्रणमा लिइएको हो ।

सैनामैना, कन्चन, गैडहवा, शुद्धोधनको साझेदारी दमकल, प्रहरी र स्थानीयको सहभागितामा आगो नियन्त्रणमा आएको थियोे ।

चालक टेक बहादुर कामी र सह चालकलाई केही नभएको प्रहरीको भनाइ रहेको छ । करिव १५ हजार बराबरको क्षति भएको बताईएको छ ।