खोज

अमेरिका ।

नेपालको सांगितिक क्षेत्रको प्रख्यात ब्यान्ड १९७४ एडीले अमेरिकाका विभिन्न राज्य र शहरमा सांगितिक प्रस्तुती दिने भएको छ । आफ्नो स्थापनाको ३० औं वर्षको अवसरमा ब्यान्डले अमेरिकामा सांगितिक भ्रमण गर्न लागेको हो । भाषिक, मार्मिक र राष्ट्रियताको हिसाबले समेत महत्व राख्ने गितको सर्जक यस ब्यान्डले ब्यान्डका सबै सदस्यहरुको सहभागितामा सांगितिक प्रस्तुती दिन लागेको हो ।

फिरोज स्याङ्देन र एड्रियन प्रधान गायकद्वय रहेको यस ब्यान्डले ‘परेलीमा लुकाइ राख न ।’ ‘चौबन्दी चोली र फूलबुट्टे साडीमा’, ‘गुराँसै फूल्यो बनैमा ’ सम्झी बस्छु, शताब्दी, जंगी निशान, पिंजडाको सु“गा, अन एयर, हजार सपना लगायतका गितहरु नेपालको सांगितिक जगतमा पस्किएको छ । आहा प्रोडक्सनले यस ब्यान्डलाई अमेरिका भ्रमणमा ल्याएको हो । २२ बर्ष पछि अमेरिकामा १९७४ एडी ब्याण्डको सम्पूर्ण सदस्यको सहभागितामा सांगीतिक प्रस्तुति हुन लागेको आहा प्रोडक्सनका संस्थापक उज्ज्वल सिंहले जानकारी दिए ।

१९७४ एडी ब्याण्डले अमेरिकाका विभिन्न शहर मिनिसोटा, सान फ्रान्सिस्को, सिकागो, डालस, भर्जिनिया, सियाटलमा प्रस्तुती दिने प्रोडक्सनका अध्यक्ष अनिल सायमीले बताएका छन् । मे ११ मा मिनिसोटावाट यात्रा सुरु गर्ने ब्याण्डले सान फ्रान्सिस्कोमा मे १८, सिकागोमा मे १९, डालसमा मे २५, भर्जिनियामा जुन १ र सियाटलमा जुन ५ मा कार्यक्रमको तालिका रहेको छ ।यस ब्याण्डमा फिरोज स्याङ्गडेन ,एड्रियन प्रधान , संजय श्रेष्ठ ,मनोज केसी ,मनोस सिंह तथा निराकार याक्तुम्बा रहेका छन् । साउण्ड इन्जिनियरको रुपमा विनयमान अमात्य, ग्राफिक्स प्रिन्जेटरको रुपमा केल्भिन मालाकार, लाइट ईन्जियरको रुपमा लक्ष्मण घिमिरे रहने तथा कार्यक्रमको संचालनका लागि पूर्व मिस नेपाल वल्र्ड प्रियंका रानी जोशी अमेरिका आउनेछिन् ।