खोज

चन्द्रौटा (कपिलवस्तु), ५ पुस ।

कपिलवस्तुको शिवराज नगरपालिका वडा नम्बर १, उमरी नमुना गाउँ घोषणा भएको छ । नगर प्रमुख अजय थापा, उपप्रमुख शिवकुमारी थारुद्वारा बुधबार एक कार्यक्रमका बीच सो गाउँ नमुना घोषणा भएको उमरी एकता खुसियाली नमुना गाउँ कमिटिले जनाएको छ ।

“हाम्रो उमरी नमूना गाउँ, सबैमिली राम्रो बनाउँ” भन्ने मूल नाराका साथ सञ्चालन गरेको कार्यक्रमले सार्थकता पाएको जनाइएको छ । आम नागरिकको भेलाबाट अनुगमन समिति बनाई करिब तीन बर्षदेखि ४० वटा सूचक बनाइ तयारी गरिएको थियो । पत्येक घरमा शौचालय बनाइ प्रयोग गरिएको, सुधारिएको चुलो प्रयोग, हरेक घरका बालबालिका विद्यालय जाने गरेको लगायतका सूचक पूरा गर्दै विभिन्न चरण पारगरी नमुना गाउँ घोषण गरिएको आयोजकले जनाएको छ ।

यसैबिच नगरपालिकाका प्रमुख अजय थापाले शिवराज नगरपालिकाकै उत्कुष्ट उमरी गाउँ रहेको प्रशंसा गरे । अनुगमनको क्रममा गएको टोलीले खुलेरै प्रशंसा गर्दै दर्जनौ सूचक पार गरी नमुना भएले उमरी गाउँ सिंगो शिवराज नगरपालिकाकै गौरबको बिषय रहेको दाबी समेत उनले गरे । शिवराज नगरपालिकाकी उपप्रमुख शिवकमारी थारुले उमरी गाउँको सक्रियताले अरु गाउँकाले पाठ सिक्न जरुरी रहेको बताइन् । आफ्नो गाउँ आफै बनाउन स्वयम स्थानीय नै लाग्न आवश्यक रहेको उनले उल्लेख गरिन् ।

विगत ६ बर्ष देखि सामाजिक क्षेत्रमा सक्रिया रहेको किर्डाक नेपालको बिशेष सक्रियतामा नमूना गाउँ घोषण गर्न सफल भएको जनाइएको छ । नगरका निम्त्त प्रशासकीय अधिकृत ताराचन्द चौधरी, वडा नम्बर १ का वडा अध्यक्ष खिमबिक्रम केसी, सागर थारु लगायतले कार्यक्रमलाई सम्बोधन गरेको थिए ।