खोज

काठमाण्डौ, १० भदौ । अमेरिकाको माउईस्थित हवाई टापुमा लागेको डढेलोले पर्यटन उद्योगमा असर परेको छ । डढेलोका कारण पर्यटकहरुमा गिरावट आएको हो ।

अगस्ट ८ मा शुरु भएको डढेलो एक शताब्दी यताकै ठूलो प्राकृतिक प्रकोप हो । यसबाट कम्तिमा १ सय १५ जनाको मृत्यु भएको छ । डढेलोले माउईको लोकप्रिय पर्यटकीय स्थल र कुनै समय हवाइ राज्यको राजधानी रहेको ऐतिहासिक शहर लाहाइनाको धेरै भाग जलेको थियो ।

हवाईका अधिकारीहरुले पर्यटकहरुलाई प्रकोपका कारण माउइको यात्रा नगर्न आग्रह गरेका छन् । डढेलो लाग्नु भन्दा पहिला दैनिक ६ देखि ७ हजार ५ सय मानिस उक्त टापुमा जाने गरेपनि अहिले पर्यटकहरुको भ्रमण कम हुँदै गएको छ ।

भिडियो सामग्री

सिन्ह्वाको सहयोगमा न्युज एजेन्सी नेपालले तयार पारेको समाचार सामग्री ।