ट्रेंडिंग:

>> प्रधान सेनापतिद्धारा सैनिक फिल्ड अस्पताल र महाविद्यालयको उद्घाटन >> पोखरा महानगरमा घुस प्रकरण : तारेखमा छुटिन् उषाकिरण >> सल्यान उद्योग बाणिज्य संघको निर्वाचन तयारी पूरा >> सुझाव संकलन गर्न जनतासँग जनप्रतिनिधि कार्यक्रम >> आफन्तले अझै बुझेनन् भीमाको शव >> लुम्बिनीमा ७ मन्त्रीले लिए सपथ, ११ सदस्यीय भयो मन्त्रिपरिषद् >> अन्ततः एमालेले समर्थन गरेपछि सुदूरपश्चिमको मुख्यमन्त्रीमा सोडारीको दाबी पेश >> लुम्बिनीमा एकीकृत समाजवादीलाई मुख्यमन्त्रीले बनाए ‘खेलौना’, छिनमै सरकारबाट ‘आउट’, छिनमै ‘इन’ >> युक्रेनका प्रधानमन्त्रीको चेतावनीः रुससँगको युद्ध हारेमा तेस्रो विश्वयुद्ध >> सर्वोच्चको आदेशपछि एन्फा उपाध्यक्ष लामा छुटे >> अब ईसेवाबाटै ब्लुबुक नवीकरण र तेस्रो पक्ष बीमा, यसरी लिन सकिन्छ सेवा >> प्रतितोला ६ सय रूपैयाँ घट्यो सुन >> स्वीकृत पाठ्यपुस्तक प्रयोग नगरे कारवाही >> लुम्बिनीमा आज मन्त्रिमण्डल विस्तार हुने , विना विभागीयले पाए जिम्मेवारी >> आज र भोलि बालबालिकालाई भिटामिन ‘ए’ र जुकाको औषधि खुवाइँदै >> आजको मौसमः तराईमा हावाहुरी, पहाडमा वर्षा र हिमपातको सम्भावना >> राजनैतिक स्वार्थको चक्रव्युहमा सामुदायिक विद्यालय >> राष्ट्रिय भूमि आयोग गठन गर >> भिटामिन ए र जुकाको औषधी खुवाउने अभियान सफल बनाऔं >> उद्यम—व्यवसायमा महिला सहकारीको पाइला >> राशीअनुसार तपाईंको आजको भाग्य हेर्नुहोस् : आजको राशीफल >> ईस्टन क्राफट एण्ड फलेयर्स सिरिजमा बुटवलका आठ युवा >> बैशाख ७ गते शालिग्राम महोत्सव हुने >> राप्ती स्वास्थ्य विज्ञान प्रतिष्ठानमा कलेजोमा पिप जमेको शल्यक्रिया सफल >> विप्लवको पार्टीले २०८४ को आम चुनावमा भाग लिने ! >> एसिसी प्रिमियर कप : साउदी अरबद्वारा नेपाललाई ७४ रनको लक्ष्य >> तिलोत्तमामा ऋष्यश्रृङ्गको शालिक अनावरण >> लुम्बिनीमा विषयगत समितिका सभापतिहरूद्वारा सपथग्रहण >> रोहिणी खोला किनारमा तीन अर्ब लागतको पेट्रोलियम डिपो निर्माण सुरु >> नववर्षको आरम्भ चैत्रशुक्ल प्रतिपदा कि वैशाख सङ्क्रान्ति ? >> सल्यानमा बस दुर्घटना हुंदा १३ जना घाइते >> एन्फा उपाध्यक्ष दावा लामा पक्राउ >> जँगली बँदेलले गाउँ पसेर मकैबाली खान थालेपछि स्थानीय चिन्तित >> बेष्ट ईन्स्टिच्युटले सुरु गर्यो लोकसेवा तयारी कक्षा >> घुस प्रकरणमा पोखरा महानगरका इन्जिनियर पक्राउ >> स्थानीय तहमा सडक बत्ती बापतको ३७ करोड बक्यौता, किस्ताबन्दीमा बुझाउने तयारी >> इलाम र बझाङमा उपचुनावको मतपत्र पठाइदै,इलाम २ मा १९ र बझाङमा ११ जना उम्मेदवार >> चार प्रदेशमा चट्याङ्गसहित वर्षाको सम्भावना >> एसीसी प्रिमियर कप : नेपाल र साउदी अरब भिड्दै >> आज रामनवमी पर्व मनाइँदै, देशैभरि सार्वजनिक बिदा >> जीवजन्तु मानव स्वास्थ्यमा खतरा ! >> स्थानीय तहका विज्ञापनहरू कति समावेशी ? >> तंग्रिन सकेनन् घरेलु उद्योग >> उखुले उठाउँदै किसानको आम्दानी >> राशीअनुसार तपाईंको आजको भाग्य हेर्नुहोस् : आजको राशीफल >> सियारीमा रोजगारीको अवसर खोज्न रोजगार संवाद मञ्च >> स्वास्थ्य सेवा बिस्तार गर्दै आम्दा >> गण्डकीका मुख्यमन्त्रीले गरेका निर्णयविरुद्ध कांग्रेस सर्वोच्चमा >> सुदूरपश्चिमका प्रदेश प्रमुखको कदमविरुद्ध कांग्रेस र नाउपा अदालत जाने >> डढेलोले लिदै कर्णालीबासीको ज्यानः दुई महिनामा सातजनाको मृत्यु

डुबानमा तैरिरहेको बस्ती

१३ भाद्र २०७८, आईतवार
१३ भाद्र २०७८, आईतवार

बस्तीमा नानीहरू भोका थिए । कुपोषणले तिनका शरीर सारङ्गीजस्ता भएका थिए । त्यसैले तिनका बा आमा दुई छाक अन्नको जोहो चाहन्थे । बस्तीमा भोकको ज्वाला झन् पछि झन्झन् दन्किदै गइरहेको थियो । तर त्यो ताप अनुभव गर्ने धर्मीहरू त्यहाँ थिएनन् ।

धर्म भनेको भगवानको खोजी होइन, धर्म भनेको त ‘गर्न योग्य काम’ हो । भनिएकै छ– कर्म नै धर्म हो । तर बस्तीको सेरोफेरोबाट काम गर्नु पर्नेहरू हराए । त्यसैले धर्म हरायो । धर्म हराएपछि गतिहीनता देखियो । जडता देखियो ।

कर्म गर्छौं भन्नेहरू बस्तीका सपना र आकांक्षासँग जोडिनु पथ्र्यो । धर्म गर्छौं भन्नेहरू नानीहरूको भविष्यसँग जोडिनु पथ्र्यो । वडा सदस्यदेखि मेयरसम्मले साँझबिहान झुपडीहरूको धुरीबाट धुँवा आए–नआएको हेर्नु पथ्र्यो । वर्षा र गरिबीको डुबानबाट ती झुपडीहरूलाई जोगाउनका लागि काम गर्नु पथ्र्यो । बस्तीको भोक र दरिद्रता महशुस गर्नका लागि तिनका इन्द्रियहरू सक्षम हुनु पथ्र्यो । नानीहरूको भविष्यसँग तिनका योजनाहरू गाँसिनु पथ्र्यो ।

तर वडा सदस्यदेखि मेयरसम्म, कार्यकर्तादेखि नेतासम्म सबै सबै सांसद् र मन्त्री, मुख्यमन्त्री र प्रधानमन्त्रीसम्मको चाकडीमा व्यस्त देखिए । कोही चाकडीबाट प्राप्त आशीर्वादले दिलाएको शिकार भक्षणमा व्यस्त थिए । कोही शिकारको जोहो गर्दै थिए । कोही शिकारको ताकमा थिए ।

तिनको शिकार बनेका खासमा तिनै बस्तीको भाग्य र भविष्य थियो । देशको ढुकुटी थियो । देशको जमीन थियो । देशको मर्यादा थियो । देशको कानुन थियो । भोका नानीहरूको भविष्य थियो । दुःखिया मानिसको वर्तमान थियो । तिनका सपना र सौभाग्य थियो ।

इमानमा चल्नु पर्ने राजनीति बेइमानीमा चल्न थाल्यो । कर्मले बाँच्नु पर्ने जनप्रतिनिधिहरू क्रूरताले बाँच्न थाले । उच्च ओहोदाका सांसद्, मन्त्री, नेता, कथित् युवा नेता र सबै सबै शासकहरू पापको काखमा बस्न गए । ती लोभी भए । ढोंगी भए । दुई जिब्रे भए । नीति शास्त्र पाठ गर्दै कुकर्म गर्ने भए । ती आफ्नै पापको डरले डर छेरुवा भए । बस्तीका अगुवा भएर पनि ती अन्धो शासकीय प्रवुत्तिको पछुवा भए ।

बस्तीको बिजोग ओ होइन । कुपोषणसँग लड्दा लड्दै बस्तीका धेरै नानीहरू मरिगए । हरेक गर्मी बस्तीमा लाग्ने आगो र लू भएर आउँछ । हरेक जाडो बस्तीलाई जमाउने शीतलहर भएर आउँछ । हरेक वर्षा बस्तीलाई डुबाउने झरी र बाढी भएर आउँछ । सयौं वर्षदेखि स्वाभिमान, स्वतन्त्रता र समृद्धिको सपना देख्दै आएको बस्तीको आश्वासनको लालपूर्जा त्यही बाढीले बगाउँछ । त्यो भेलले नानीहरूका सानासाना चप्पलहरू आँगनबाट बगाएर लैजान्छ । दुःखले जोहो गरिएका तिनका कापी किताब झुपडीभित्र पसेको त्यही बाढीले भिजाउँछ ।

बस्तीमा पसेको त्यो बाढीबाट वडा सदस्यदेखि मेयरसम्म, कार्यकर्तादेखि नेतासम्म, सांसद्देखि मन्त्रीसम्म र मुख्यमन्त्रीदेखि प्रधानमन्त्रीसम्म सबै सबै निरपेक्ष छन् । ती सबै पापको अङ्गालोमा बेरिएका छन् । सबैलाई अथाह सम्पत्ति कमाउनु छ । कुनै उद्योगधन्दा, बन्दबेपार, लगानी र मिहिनेत बिना नै राजनीति, सत्ता र शक्तिको दुरुपयोगले अरबपति खरबपति बन्नु छ । बस्ती डुबिरहोस् । देश डुबिरहोस् । मान्छेको भाग्य र भविष्य डुबिरहोस् । तिनलाई आफू उत्रिन पाए पुग्छ ।

मर्नु नै छ भनी मान्छेले जन्मनै छोड्यो भने धरती कस्तो हुनेछ ? भाग्यमा यस्तै लेखेको रहेछ भनी प्रतिरोध र प्रतिकार गर्न छोड्यो भने के हुन्छ ? अँध्यारोबाट उछिट्टिएर उज्यालोतिर जाने प्रयास गर्न नै छोड्यो भने के हुन्छ ?

यी प्रश्नहरू बिल्कुलै कल्पनातीत छन् । यो त त्यस्तै प्रश्न भया,े जस्तो–हुरिले चुँडिलान्छ भनेर फूलले फुल्न छोड्यो भने बगैचा कस्तो हुन्छ ? जस्तो–धमिलो भइन्छ भनेर मूलले बग्न छाड्यो भने नदी कस्तो हुन्छ ? जस्तो–अस्ताउनु पर्छ भनेर घाम र जूनले उदाउनै छोडे भने पृथ्वी कस्तो हुन्छ ?

फुल्नु नै फूलको धर्म हो । बग्नु पानीको । उदाउनु र अस्ताउनु घाम जूनको । जन्मनु, अँध्यारोबाट उज्यालोतिर लाग्नु र मर्नु मानिसको ।

बाढी र डुबानमा तैरिरहेका भोको बस्तीको सबैभन्दा कुपोषणग्रस्त बालक वा बालिका नै भोलि सबैभन्दा ठूलो विद्रोही बन्ने संभावना हुन्छ । संभावना त, ऊ नै सबैभन्दा ठूलो ‘माओवादी’ बन्ने पनि हुन्छ । ऊ नै सबैभन्दा ठूलो ‘आतंककारी’ बन्ने पनि हुन्छ । ऊ नै सबैभन्दा ठूलो तानाशाह बन्ने पनि हुन्छ ।

पापको अङ्गालोमा बेरिएकाहरू भने अनवरत सत्ताको लुछाचुँडी, भागवण्डा र लडाइँमा व्यस्त छन् । तिनलाई बाढी र डुबानमा तैरिरहेका बस्तीतिर हेर्ने फुर्सद छैन ।

यो खबर पढेर तपाईलाई कस्तो महसुस भयो ?