खोज

बुटवल, २४ चैत । पोखरामा जारी तेस्रो मनुश्री/भिग्नाजित जुनियर टेनिस यू–१० व्वाइज सिंगल्सतर्फ बुटवल न्यु होराईजनका निश्चल ज्ञवालीले स्वर्ण पदक हात पारेका छन । कुमार श्री मोहन बहादुर शाहीले मुख्य प्रायोजन र कास्की जिल्ला टेनिस संघको आयोजनामा पोखरा रंगशालास्थित टेनिस सेन्टरमा शनिबार भएको फाईनलमा पोखराका आर्यसराज पौडेललाई ७–६, ६–४ को सोझो सेटमा पराजित गरी उपाधि जितेका छन । उपाधिसंगै निश्चलले नगद रु ५ हजार, कप, मेडलबाट पुरस्कृत भए भने उपविजेता आर्यश नगद रु २ हजार पाँच सय, मेडल तथा प्रमाणपत्रमा चित्त बुझाए । यसैगरि ब्याईज यु—९ मा बुटवलका अनमोल श्रेष्ठ तृतिय भएका छन ।

यसैगरि यू–१० र यू–१२ गल्स सिंगल्समा सारा पन्तले दोहोरो उपाधि जित्दा यू–१६ गल्र्स सिंगल्समा सुनिरा थापा च्याम्पियन भएकी छन् । यू–१० तर्फ सारा पन्तले जिवाश्री भट्टराईलाई ६–०, ६–३ ले र यू–१२ तर्फ अनुश्री धोजुलाई ६–२, ६–३ ले पराजित गरेकी हुन् । विजेता बनेकी साराले यू–१२ उपाधि संगै नगद रु १० र यू–१२ तर्फ नगद रु ५ हजार र यू–१० की उपविजेता जीवाश्रीले नगद रु २ हजार ५ सय र यू–१२ की उपविजेता अनुश्रीले नगद रु ५ हजारका साथमा मेडल तथा प्रमाणपत्र प्राप्त गरे । १९औं एसियाली खेलकुदमा समेत सहभागी रहेकी सुनिरा थापाले यू–१६ गल्र्स सिंगल्समा दिव्यता भण्डारीलाई ६–२, ६–० को सोझो सेटमा पराजित गर्दै च्याम्पियन बनेकी छन् । नेपाल रयाकिङ नं २ खेलाडी थापाले नगद रु २० हजार र दिव्ताले नगद १० हजारका साथमा मेडल तथा प्रमाणपत्र हात पारे ।

प्रतियोगितामा पोखरा, बुटवल, काठमाण्डौ र चितवनका खेलाडीहरुको सहभागिता छ । प्रतियोगिता सम्पन्न गर्न करिव ४ लाख खर्च हुने अनुमान आयोजकको रहेको छ ।