खोज

काठमाडौं,२२ चैत । पूर्वप्रधानमन्त्री एवं नेपाल समाजवादी पार्टीका अध्यक्ष डा बाबुराम भट्टराईले प्रधानमन्त्री पुष्पकमल दाहाल प्रचण्डले प्रतिनिधिसभा सदस्यबाट राजीनामा दिनुपर्ने बताएका छन् ।

गोरखा–२ मा आफूले उम्मेदवारी नदिएर बाबुरामले प्रचण्डका लागि ठाउं खाली गरिदिएका थिए । नेपाली कांग्रेसका कार्यकर्ताको मतको मद्दतमा चुनाव जितेर कांग्रेसलाई धोका दिनु राजनीतिक रुपले अनैतिक ठहर्ने उनले बताए ।

प्रचण्डले जुन गठबन्धनबाट चुनाव लडेर जिते त्यसलाई अर्को निर्वाचनभन्दा पहिले छाड्नु राजनीतिक र नैतिक हिसाबले धोका हुने भट्टराईको भनाई छ ।

बिहीबार गोरखामा पत्रकारहरुसँग बोल्दै भट्टराईले पुर्व गठबन्धनलाई परिवर्तन गर्ने हो भने जसको सहयोगमा निर्वाचन जितेको हो उनीहरुलाई धोका दिएको ठहर्ने हुंदा त्यस्तो स्थितिमा राजीनामा दिएर नयाँ निर्वाचन गर्नु उपयुक्त हुने भट्टराईले तर्क गरे ।
गोरखा–२ बाबुराम भट्टराईले २०६४ र २०७४ मा चुनाव लडेको निर्वाचन क्षेत्र हो । प्रचण्डको राजनीति विचार र मुद्दाका लागि भन्दा पनि विशुद्ध सत्ता स्वार्थको लागि भएको उनले बताए । विगतमा पार्टीभित्रको सत्तामुखी रहेका प्रचण्ड अहिले राज्यको सत्तामुखी बनेको उनको आरोप छ । प्रधानमन्त्रीको कुर्सीलाई केन्द्रमा राखेर प्रचण्डले गठबन्धन परिवर्तन गर्ने गरेको उनको भनाइ छ । गण्डकी प्रदेश सरकारको सन्दर्भमा कुरा गर्दै भट्टराईले माओवादी केन्द्रलाई सहयोग गर्न नसक्ने बताए ।