खोज

दाङ, ८ भदौ ।

दाङ जिल्ला उद्योग वाणिज्य संघ निर्वाचनको तयारीमा जुटेको छ । संघको शुक्रवार घोराहीमा बसेको बैठकले आउने असोज १३ गते हुने निर्वाचनका लागि निर्वाचन समिति गठन गरिएको छ ।

निर्वाचन गराउनका लागि अधिवक्ताहरु मौसम आचार्य, निर्मल गौतम र अच्युत न्यौपाने सदस्य रहेको निर्वाचन समिति बनाउने निर्णय गरिएको संघका महासचिव महेन्द्र वुढाथोकीले जानकारी दिएका छन् ।

अधिवेशनले तीन वर्षका लागि नयाँ नेतृत्व चयन गर्ने छ । नयाँ नेतृत्व सर्व सहमतीमा चयन गर्नका लागि प्रयास जारी रहेको संघका अध्यक्ष टंकसिंह वुढाथोकीले जानकारी दिए । बैठकले १९ औ साधारणसभाका लागि विभिन्न समिति गठन गरेको छ । मञ्च व्यवस्थापन समितिमा देवकला वस्नेत, विनोद पाण्डे, जुद्धवहादुर घर्ती ‘जगत’ रहेका छन् । अतिथी सत्कार समितिमा अध्यक्ष टंकसिंह वुढाथोकी र निवर्तमान अध्यक्ष नारायणप्रसाद भुसाल रहेका छन् । भोजन तथा आवास व्यवस्थापन समितिमा विष्णुप्रसाद रिजाल, मित्रदेव अधिकारी र लिलाराम खड्का रहेका छन् । संघको साधारसभा यही असोजको ६ गते र अधिवेशन असोजको १३ गते हुँदैछ ।

दाङ जिल्ला उद्योग वाणिज्य संघका अध्यक्ष टंकसिंह वुढाथोकीले व्यवसायीहरु हरेक क्षेत्रवाट समस्यामा परेको बताए । समस्याको कारण धेरै व्यवसायीहरु विस्थापित हुदै गएको उनको भनाइ रहेको छ । हरेक क्षेत्रसंग सहकार्य गदै आएको भन्दै आउदा दिनमा पनि सहकार्य उनले बताए ।