ट्रेंडिंग:

>> जिल्ला लिगमा देखिदै नयाँ खेलाडी >> मोबाइल व्यवसायी संघ रुपन्देही जिल्ला कमिटी गठन >> भारतीय राजदुताबासको सहयोगमा निर्मित ३६ कोठे भवन उद्घाटन >> कोईलासबाससहित नेपाल–भारत सीमा नाका दुई दिनका लागि बन्द >> सहकारी पीडितले गरे काठमाडौंमा प्रदर्शन >> नेपालमा केपी-१ र केपी-२ कोरोना भेरियन्ट पुष्टी,तर सामान्य >> लुम्बिनीबाट तिलाैराकोट लगियाे शिशु बुद्ध >> कांग्रेसको अवरोध पछि संसद वैठक जेठ १३ सम्म स्थगित >> कार्यदलको बैठक शुरु >> आईपीएल क्रिकेटको फाइनल प्रवेशका लागि आज राजस्थान र हैदरावाद खेल्दै >> बुटवल हस्पिटल प्रालिको सेवा नयाँ भवनमा >> यस्तो छ आजको मौसम पूर्वानुमान ? >> संघीय संसदको दुवै सदनको बैठक आज बस्दै >> कालिका युवा क्लव रापाकोटले पुरुष भलिवल प्रतियोगिता गर्ने >> गुरुङ राष्ट्रिय परिषदले भव्य रुपमा मनायो बुद्ध जयन्ती >> स्थानीय सरकार जनताको विश्वास जित्न असफल >> बाँदरबाट मकै जोगाउन दैनिक १३ घण्टा पहरा, विकल्पमा बेसार खेती >> तुलसीपुरका बस्तीमा खानेपानीको हाहाकार >> पहिलो ‘मायादेवी ट्रेल रन’ >> राशीअनुसार तपाईंको आजको भाग्य हेर्नुहोस् : आजको राशीफल >> देवता चडेको भन्दै कुपिण्डे तालमा हाम फालेकी महिलाको मृत्यु >> कार्यदलको बैठक निष्कर्षबिहीन >> दुई पासपोर्ट भएका गृहमन्त्रीले उन्मुक्ति पाउंदैनन् : शेखर >> प्रधानमन्त्री लोकतन्त्र सिध्याउने खेलमा : उपेन्द्र >> सहकारी पीडितले भोलिदेखि आन्दोलन गर्ने >> मणिमुकुन्द कलेजको सहयोगमा बुटवल–लुम्बिनी साइकल यात्रा >> दाङले चुम्यो दोहोरी खेलको उपाधि >> लुम्बिनीको भ्रमण गर्न पाउनु विश्वका प्रत्येक नागरिकका लागि गौरवको विषयः प्रधानमन्त्री >> एशिया कपका लागि नेपाली महिला क्रिकेट टोली घोषणा >> यस वर्षको मनसुन अवधिमा ४ लाख बढी घरधुरीका व्यक्ति प्रभावित हुने आकलन >> चीनले सुरु गर्‍यो ताइवानको आकाशमा युद्धअभ्यास >> सिंहासन त्यागेर शान्ति खोज्ने पहिलो मानव बुद्ध : प्रदेश प्रमुख शेरचन >> बुद्धका उपदेश र मार्गदर्शनलाई आत्मसात् गर्न सकेमा  बुद्धजयन्तीले सार्थकता पाउँछ:  मुख्यमन्त्री >> सहकारी छानबिन समिति कार्यदलको बैठक आज बस्दै >> बुद्धले देखाएको अहिंसा, शान्ति, मानव कल्याणको मार्ग आज पनि उत्तिकै सान्दर्भिक छ- प्रधानमन्त्री >> राममणि क्याम्पसलाई पुरानै कर्मचारी नियमावली लागु गर्न अदालतको आदेश >> आज चार प्रदेशमा चट्याङसहित वर्षाको सम्भावना >> सद्भाव फैलाउन बुद्ध शिक्षामा विश्वास गरौँ : प्रधानमन्त्री >> राशीअनुसार तपाईंको आजको भाग्य हेर्नुहोस् : आजको राशीफल >> लुम्बिनीमा उल्लास >> ‘सत्ता र शक्तिको बलमा प्रेसमाथि प्रहार’ >> बुद्ध जयन्ती कि बुद्ध पूर्णिमा ? >> रामग्राममा धातु जात्रा >> वर्तमान समयमा बुद्ध धर्मको सान्दर्भिकता >> लुम्बिनीमा मनोजको मन >> तिनाउ नदीमा डुबेर कालिकाका विद्यार्थीको निधन >> बुटवल देशकै सबल आर्थिक केन्द्र >> रामग्राममा वुद्ध जयन्तीको अवसरमा धातु जात्रा >> राप्ती राजमार्ग बन्द हुने >> गृहमन्त्री र महान्यायाधिवक्ताविरुद्धको रिट दर्ता गर्न आदेश

‘जनताले सही निर्णय गर्नेमा विश्वस्त छु’

२७ कार्तिक २०७९, आईतवार
२७ कार्तिक २०७९, आईतवार

पश्चिम नवलपरासीको क्षेत्र नम्बर १ मा आगामी मँसिर ४ गते हुने आम निर्वाचनको लागि हेभीवेटबीच प्रतिष्पर्धा हुँदै छ । नेकपा एमालेको समर्थनमा जनता प्रगतिशिल पार्टीका हृदयेश त्रिपाठी, नेपाली काँग्रेस सहितको गठवन्धनबाट नेपाली काँग्रेसका खर्वपति उम्मेदवार विनोद चौधरी सहित अन्य साना दल र स्वतन्त्र उम्मेदवारहरु चुनावी मैदानमा छन् । २०४८ सालपछिका हरेक निर्वाचनमा उम्मेदवार रही सम्पन्न ६ मध्ये ५ निर्वाचनमा विजयी भएका त्रिपाठी ७ औँ पटक चुनावी मैदानमा उत्रिएका छन् । आफ्नो क्षेत्रबाट उम्मेदवारी दिँदा सफल हुँदै आएका त्रिपाठीलाई यसपटक नेपालका एकमात्र खर्वपति उद्योगपति एवं दुई पटक समानुपातिक साँसद भइसकेका विनोद चौधरीले मुख्य चुनौती दिने आँकलन गरिएको छ । आगामी निर्वाचनका विषयमा केन्द्रित रहेर जनता प्रगतिशिल पार्टीका अध्यक्ष एवं पश्चिम नवलपरासी क्षेत्र नम्बर १ का उम्मेदवार हृदयेश त्रिपाठीसँग गरिएको कुराकानीको सम्पादित अँश ।

लामो समयदेखी सक्रिय राजनीतिमा रहँदै आउनु भएको छ, प्रतिनिधिसभा निर्वाचनमा सातौँ पटकको उम्मेदवारी किन ?

विद्यार्थीकालदेखि नै मैले राजनीति सुरु गरेँ अहिलेसम्म पनि राजनीतिमै छु । मैले २०७४ को सँघीय निर्वाचनलाई अन्तिम बनाउने सोँच बनाएको थिएँ र पुस्ताहस्तान्तरण गर्नुपर्छ भन्नेमा थिएँ तर २०७९ को निर्वाचनको घोषणा भइ देश चुनावी माहोलमा प्रवेश गर्दैगर्दा आफूले जीवनमा करिव पुरै कालखण्ड विताएको क्षेत्रले कुशल राजनैतिक नेतृत्व पाउने नदेखिएपछि मैले अहिलेको चुनावमा उठने निर्णय गरेको हो । एकातर्फ यदि क्षेत्र नम्बर १ लाई कुशल नेतृत्व दिनसक्ने स्थानीय राजनीतिज्ञ चुनावी मैदानमा उत्रिएको भए मैले निर्वाचनबाट विश्राम लिने सोँच बनाएको थिएँ तर गठवन्धनले स्थानीय नेतृत्वलाई पाखा लगाएर पर्यटक उम्मेदवारको रुपमा विनोद चौधरीलाई आफ्नो क्षेत्रमा उम्मेदवार बनाएपछि म नैतिक सँकटमा परेँ, स्थानीय जनता र यहाँको राजनीतिमाथी नै अपमान गरेको महशुस भो । अर्कोतर्फ मैले उम्मेदवारी नदिँदा कि डराएर मैदानबाट भाग्यो कि पैसामा विक्यो भन्ने आरोप आउन सक्ने भएकोले नै म मैदानमा उत्रिएको हुँ । यही क्षेत्रको राजनीतिकर्मी, समाजसेवी प्रतिनिधि बनेर जनताका कुरा सँसदसम्म पुर्याउनु पर्छ भन्ने मेरो मान्यता हो ।

तपाई नवलपरासीको सिनियर नेताको रुपमा परिचित हुनुहुन्छ, जन अपेक्षित विकासका खाका के के छन ?
मुलतः यो क्षेत्रको लागि केही चुनौतीहरु छन । दक्षिणी भेगमा डुवान, बाढी र तटवन्धको समस्या छ । गण्डक समस्या पनि छ, गण्डकबाट लगानी धेरै हुँदा पनि सिँचाइको समुचित ब्यवस्थापन हुन सकेको छैन । अर्को, सँसारकोट दुम्किबास सडक सञ्जाल राम्रो हुन सकेको छैन । हामीले कल्पना गरेको सबैभन्दा महत्वपूर्ण कुरा बर्दघाटमा ट्रमा सेन्टर हो । अस्पताल बनाउन सजिलो तर ट्मा सेन्टर बनाउन गाह्रो छ । ट्रमा सेन्टर बनाउन बजेट विनियोजन पनि भयो र काम अघि बढ्यो तर सरकार ढलेसँगै अन्यत्र सार्ने कोशिस भयो तर नीतिगत काम भएको र बजेट पनि विनियोजन भइसकेपछि पुनः ट्मा सेन्टर बर्दघाटमै बन्ने भएको छ । म स्वास्थ्य मन्त्री हुँदा नै ट्मा सेन्टर को सबै नीतिगत काम भएको छ र निरन्तरता पाउनेछ । ट्मा सेन्टर अहिलेको सरकारको डकुमेन्टमा परेको योजना नभइ पुरानो योजना तर अहिले निरन्तरता मात्र हो, अन्यत्र सार्ने प्रयास हुँदा हुँदै नीतिगत रुपमा सार्न नमिलेर बाध्य भइ यो सरकारले निरन्तरता दिनु परेको हो । हाम्रो भौगोलिक अवस्थाले गर्दा पुल, सिँचाइ, तटवन्धको ब्यवस्थापन गर्नुपर्ने छ । सडक सञ्जालले सिमा र हाइवे यस्तै सदरमुकाम र ग्रामीण भेगलाई जोडनु पर्नेछ । समग्रमा विकास नभएको वा गति नलिएको हैन, सन्तुष्ट हुने अवस्था पनि छैन र लज्जावोधको अवस्था पनि रहेको छैन । शिक्षा र स्वास्थ्यको अवस्था धेरै सुधारिएको छ । ग्रामीण भेगमै उच्च शिक्षाको पहुँच पुगेको छ, स्वास्थ्य चौकी र अस्पतालहरुको पहुँच क्रमिक रुपले भइरहेको छ ।

अहिलेको चुनावी भिडन्तमा उद्योगपति विनोद चौधरीसँगको प्रतिष्पर्धालाइ कसरी लिनु भएको छ ? सँगसँगै जनताले तपाइलाई भोट दिने प्रमुख आधारहरु के के हुन ?

चौधरी जी राजनीतिज्ञ भन्दा पनि धनाढ्य उद्योगपतिको रुपमा परिचित हुनुहुन्छ, । उहाँ धनको बलमा निर्वाचनमा आउनु भएको हो । यो प्रतिष्पर्धा राजनीतिक प्रतिष्पर्धा होइन, हामीले खोजेको राजनीतिक प्रतिष्पर्धा हो त्यो गर्न पाइएन । यसर्थ पनि म भन्छु अहिलेको नवलपरासी पश्चिम १ को निर्वाचन एक जना धनाढ्य उद्योगपति र एक राजनैतिक ब्यक्तित्व बीचको लढाइ हो । तुलनात्मक रुपले हेर्नुपर्यो । राजनीतिमा विश्वब्यापी सिद्धान्त के हो भने कुनै पनि पार्टीको सँगठनको प्रभाव ६० प्रतिशत भन्दा बढी जाँदैन ४० प्रतिशत ब्यक्तित्व र सामाजिक पक्ष रहन्छ । निर्वाचन भनेको ४० प्रतिशतले नै जितहार निक्र्यौल गर्ने रहेछ । तुलनात्मक रुपले बाहिरबाट आउनु भएको, १० वर्ष सँसदमा रहेर पनि सँसदीय भूमिका निर्वाह नगरेको र विकास निर्माणमा पनि भूमिका नदेखिएको ब्यक्ति यहाँबाट उम्मेदवार हुनुहुन्छ । अहिले सँविधान अनुरुप देश विकासमा अघि बढनु नै अन्तिम विकल्प हो, जुन हामीले अवलम्बन गर्न खोजेका छौँ, यस क्षेत्रका जनताले यो मर्मलाई बुझ्नु भएको छ । पटक पटक म यस क्षेत्रबाट प्रतिनिधि चुनिएको छु, यसरी चुनिनु भनेको जनताप्रति घात गरेको छैन भन्ने प्रमाणित हुनु हो, त्यसैले पनि यस क्षेत्रका जनताले सही निर्णय गर्नुहुनेमा विश्वस्त छु ।
जिल्लाको समग्र विकास, यहाँका जनताको जीवनस्तर उकास्न र पिछडिएका जनताको मर्म अनुरुप काम गर्न सक्ने प्रतिनिधि बन्नको लागि मेरो उपस्थिति हो । आफ्नो गाँउ आफै बनाउँ भनेजस्तै यस क्षेत्रको विकासको लागि यस क्षेत्रकै प्रतिनिधिले जति यहाँको माटो कसैले बुझेको हुँदैन ।

 

यो खबर पढेर तपाईलाई कस्तो महसुस भयो ?