खोज

मंसिर ४ गते प्रतिनिधिसभा र प्रदेशसभाको निर्वाचन एकसाथ हुँदैछ । राजनीतिक दलका उम्मेदवारहरु अहिले मतदाताको घरघरमा पुगिरहेका छन् । दाङका तीनवटा निर्वाचन क्षेत्रमध्ये निर्वाचन क्षेत्र नं ३ मा प्रतिनिधिसभाका लागि नेकपा एमालेका केन्द्रीय सदस्य कोमल वली संग गरिएको कुराकानी ।

तपाईंले सांसद भएर पछिल्लो पाँच वर्षमा के गर्नुभयो, जसका कारण दोहोरिन चाहनुहुन्छ ?
–२०७४ सालमा मलाई नेकपा एमालेको तर्फबाट राष्ट्रियसभाको सभाषद भएपछि पश्चिम दाङका जनताका आवाजलाई जोडदार रुपमा बोलेकी छु । यस क्षेत्रका पुल, बाटो, खानेपानी, सिंचाई, विमानस्थल,स्वास्थ्य, शिक्षालाई पहिलो प्राथमिकतामा राखेर काम गरेको थिए । विकास निर्माण गर्नका लागि बहुमतको सरकार आबश्यक पर्दोरहेछ । त्यो बेलामा आवाज उठाएका काम पुरा गर्न यसपालीको निर्वाचनमा मेरो उम्मेदवारी हो । दाङको माटोमा जन्मिएर आजसम्म मैले देख्ने गरेको सपना (समृद्ध दाङ) लाई पुरा गर्नु छ । यस क्षेत्रका जनताको भावना, चाहाना अनुसार मैले काम गर्नेछु । यही क्षेत्रमा जन्मे हुर्केको दङाली चेली भएको नाताले पनि मलाई यस क्षेत्रका जनताले जिताउनुहुनेछ ।

के एजेण्डा लिएर मतदाता कहाँ पुग्दै हुनुहुन्छ ?
–दिगो विकास र समृद्धिको लागि सूर्यमा मतदान भन्ने मुख्य उद्धेश्य पुरा गर्न म प्रतिवद्ध छु । विकास निर्माणका योजना अघि सारेर म अगाडि बढेको छु । यस क्षेत्रका सडक पूर्वाधार, खानेपानी, सिंचाई,े विमानस्थल, स्वास्थ्य, शिक्षालाई पहिलो प्राथमिकतामा राखेर काम गर्ने छु । युवा, प्रविधि तथा रोजगारलाई पनि प्राथमिकतामा राखेको छु । यी बिबिध योजनाहरु र एजेण्डा लिएर म जनतासामु पुग्ने गरेको छु ।

मैले अगाडि सारेका कामहरु केही तत्काल सम्पन्न गर्न सम्भव छन् भने केही कामका लागि दीर्घकालीन नीति तथा नियमको आबश्यकता पर्छ । पश्चिम दाङका जनताले मलाई निर्वाचित गराएर क्षेत्र नम्वर ३ को स्वरुप बदल्न सहयोग गर्नुहुन्छ भन्नेमा विस्वास लिएकोछु ।

चुनावमा तपाईलाई जनताले जिताउनुपर्छ किन ?
–हाम्रो पार्टीको सरकार हुँदा यस क्षेत्रको विकासका लागि धेरै काम गरेका छौं । इमानदारपूर्वक विकास निर्माणको काम गर्ने नै हो भने यस क्षेत्रका जनताले मलाई नै जिताउनुपर्छ । यस क्षेत्रलाई नमूना क्षेत्र बनाउने मेरो चाहाना छ । यसक्षेत्रमा रहेका खोला तथा नदीमा हामीले झोलुंगे पुल निर्माण गरेका छौं । स्थानीय तहमा अस्पताल निर्माणको प्रक्रिया शुरु भएको छ । संघीय सरकार र प्रदेश सरकार मार्फत यस क्षेत्रको विकासका लागि धेरै योजना अघि बढेको सम्पूर्ण मतदातालाई जानकारी नै छ । ती बाँकी रहेका काम पूरा गर्न मलाई जिताउनु पर्छ ।
वर्तमान सरकारले राम्रो काम गरेकै छैन । हामी जनताको सल्लाह सुझावका आधारमा जनताका कुरालाई ध्यानमा राखेर काम गर्छौं त्यसैले जनताले मलाई जिताउनु पर्छ ।।