ट्रेंडिंग:

>> गृहमन्त्री लामिछानेको नाम उल्लेख गरेर छानवीन समिति बन्ने >> बस र टिपर ठोक्किँदा १३ जना घाइते, दुई जना गम्भीर >> कोषाध्यक्षले अह्राएर पशुपतिको भेटी चोरेको दावी >> सहकारी ठगी प्रकरणको कार्यदलको वैठक बस्दै >> आजको मौसमः लुम्बिनीसहित तीन प्रदेशमा चट्याङसहित वर्षा >> आज रुपन्देहीका बोर्डिङ स्कूलहरुमा शोक विदा >> संघीय संसद्का दुवै सदनको बैठक बस्दै, यस्ता छन् कार्यसूची >> मासु साक्षरताः आजको आवश्यकता >> खाली हुँदै राम्चे गाउँ >> प्रवक्ताहरूको भूमिका स्पष्ट गर >> लुम्बिनी प्रदेशको आर्थिक योजनाका चुनौति >> लहरे नाँच बचाउँदै महिला >> वन ऐनले थलिदै सरकारी योजना >> राशीअनुसार तपाईंको आजको भाग्य हेर्नुहोस् : आजको राशीफल >> खस्यौली एफसीलाई यु १८ फुटसलको उपाधि >> एमाले दाङको अध्यक्ष सहित सबै पद सर्वसम्मत >> विश्व ज्योतिष महासंघद्वारा नन्दिनी गौशालामा सहयोग >> रेबिजको जोखिम बढेपछि नेपालगञ्जमा धमाधम कुकुरको बन्ध्याकरण गरिँदै >> कञ्चनले सुरु गर्यो निःशुल्क एम्बुलेन्स सेवा >> काँग्रेस क्षेत्र नम्वर ३ रुपन्देहीको बैठक सिरुवारी सामुदायिक होमस्टेमा >> वचत फिर्ता नपाएपछि मञ्जुश्री सहकारीको बुटवल शाखा घेराउ >> तीन दिने उद्घोषण तालिम सम्पन्न >> सुर्खेतमा मिनीबस दुर्घटना : दुई जनाको मृत्यु, १८ घाइते >> एमाले दाङको अध्यक्ष आचार्यको नाम टुंगो लाग्यो >> ग्रीलजन्य फलामको अस्वभाविक मुल्यबृद्धि नियन्त्रण गर्न व्यवसायीको माग >> सभामुखको भूमिकाप्रति विपक्षी दलको आपत्ति, संसद र सडकसम्म एक भएर जाने सहमति >> १०१ कम्पनीको सूचि सहित बालेनले भने : गिरीबन्धुको जग्गामा ५० खर्बको खेलोफड्को >> विपक्षीको नाराबाजीबीच प्रधानमन्त्रीले पाए विश्वासको मत >> एमाले बाँकेको अध्यक्षमा निरक गुरुङ विजयी >> इरानका राष्ट्रपति र विदेशमन्त्रीको हेलिकप्टर दुर्घटनामा मृत्यु >> उपेन्द्र यादवको रिटमा आज सुनुवाई हुंदै >> स्थानीय र पश्चिमी वायुको प्रभाव : मेघगर्जनसहित वर्षाको सम्भावना >> प्रधानमन्त्री प्रचण्डले चौथो पटक विश्वासको मत लिँदै >> सडक निर्माणमा ढिलासुस्ती अन्त्य गर >> नेपालको संविधानमा धार्मिक स्वतन्त्रता सम्बन्धी व्यवस्था >> भारतको पानी किनेर प्यास मेटाउँदै स्थानीयबासी >> आर्थिक संकटमा मदरसाः बर्ष दिनदेखि उधारो पढाउँदै शिक्षक >> राशीअनुसार तपाईंको आजको भाग्य हेर्नुहोस् : आजको राशीफल >> सरावलका वास्तविक चौधरी अस्पतालमा, खर्च अभावका उपचारमा कठिनाई >> कांग्रेसलाई रविको प्रश्न– राति प्रधानमन्त्रीको अफर, बिहान छानबिन समिति कुन नैतिकताले दिन्छ? >> एमाले दाङको अध्यक्षमा महासचिव पोखरेलका बहिनी ज्वाई सर्वसम्मत ? >> वडा नं. ३ र ११ को उपाधि दाबेदारी >> प्रधानमन्त्री प्रचण्डले लिन लागेको विश्वासको मतविरुद्ध सर्वोच्चमा रिट >> जीप र मोटरसाइकल ठोक्किंदा दुईजना घाइते >> मालपोत र नापी कार्यालय टिकापुरका प्रमुखविरुद्ध भ्रष्टाचार मुद्दा, २४ करोड जरिवाना माग >> मोबाइल एप्सबाटै मेट्रो कलेजको भवन उद्घाटन >> सात जना लागुऔषध दुर्व्यसनीले गरेका थिए प्रहरी जवान घिमिरेको हत्या >> कार्यदलमा अझै जुटेन सहमति, संसद बैठक अनिश्चित >> बुटवलबाट १३ जुवाडे पक्राउ >> गुल्मेली सम्पर्क समाज रुपन्देही सिद्धार्थनगरको अध्यक्षमा पुनः ज्ञवाली

उपनिर्वाचनः आचारसंहितामा कडाई गर

११ बैशाख २०८१, मंगलवार
११ बैशाख २०८१, मंगलवार

बैशाख १५ गते हुने उपनिर्वाचनको प्रचार प्रसार अन्तिम चरणमा पुगेको छ । उपनिर्वाचनले खासगरी इलाम निर्वाचनमय बनेको छ । उम्मेदवारहरू अहिले जनताको घरदैलो गर्नमै व्यस्त देखिएका छन । मूख्य तीन दलका बीच हुन लागेको उपनिर्वाचनले देशकै ध्यान तानेको छ । उमेदवारसंगै दलका शीर्ष नेताहरू पनि घरदैलो कार्यक्रममा ब्यस्त छन । इलामको गाउँदेखि शहरसम्म उपनिर्वाचनको माहोल सिर्जना भएको छ । घरदैलो गर्दै उम्मेदवार निर्वाचनमा ब्यस्त भैरहँदा निर्वाचन आयोगले आचारसंहिता पालनामा कडाई गरेको छ । आचारसंहिता उल्लंघन भैरहेको समाचार सार्वजनिक भएपछि यसपटक विगतमा भन्दा आचारसंहितामा कडाई गरिएको छ । दुई दिनपछि मौन अवधी सुरु हुँदैछ । उमेदवारमात्र होइन सञ्चार माध्यमहरूले पनि मौन अवधीमा मतदाता प्रभावित हुने अथवा उम्मेदवारको प्रचार हुने किसिमले समाचार तथा विज्ञापन प्रकाशन प्रसारण गर्न पाउने छैनन् । जति प्रचार गर्ने हो मौन अवधी सुरु हुुनु अगावै गर्नुपर्नेछ । निर्वाचन आयोगले मौन अवधिमा कुनैपनि किसिमको प्रचारप्रसार हुन नहुने र आयोगको आचारसंहिता अक्षरशः पालना गर्ने भनी दलहरूले प्रतिबद्धता पनि जनाएको स्मरण गराएको छ । तर, एकथोक भन्ने अर्थोक गर्ने दलहरूको विगतको परम्परा अहिले नदोहोरिएला भन्न सकिन्न । रातारात मतदातालाई प्रभावित पार्ने, यही अवधिमा उम्मेदवारहरूले मोटो रकम खर्च गर्ने, भोजभत्तेर खुवाउने, मतदाता किन्ने जस्ता क्रियाकलाप गरी मत आफ्नो पक्षमा पार्न दल तथा उम्मेदवारहरू र तिनीहरूका कार्यकर्ता नलाग्लान् भन्न सकिन्न । सुरक्षाको दृष्टिकोणले पनि यही अवधिमा सुरक्षा व्यवस्थापनलाई कमजोर पार्ने खेल पनि नहोला भन्न सकिन्न ।

गृहमन्त्री रबि लामिछानेले उपनिर्वाचन प्रचार प्रसारका क्रममा मतदातालाई प्रभावित गर्ने काम हुन सक्ने बताउँदै सरकार सुरक्षाका लागि प्रतिवद्ध भएको जनाएका छन । नागरिकको सुरक्षाको जिम्मा सरकारको भएकोले विभिन्न दल तथा उमेदवारले दिने आश्वासन तथा मतदाता प्रभावित गर्ने काम कुनैपनि अवस्थामा स्वीकार नहुने सरकारको भनाई छ । तर, सरकारले जति नै सुरक्षाको बन्दोबस्त मिलाएपनि नागरिकहरूलाई डराउन दिने, मतदातालाई प्रभावित गर्ने, आर्थिक प्रलोभन दिने र साँझमा मासु र मदिरामा लट्ठ बनाएर आफूतिर आकर्षित गर्ने काम रोकिएको छैन । यस बिषयमा सरकार भन्दा पनि स्थानीय स्तरबाट त्यस्तो दल र उमेदवारलाई बहिष्कार गर्ने काम भयो भने त्यो प्रभावकारी हुनसक्छ । निर्वाचन आयोगले पनि स्वच्छ, निष्पक्ष र धाँधलीरहित निर्वाचनका लागि अपनाएको आचारसंहिता पूर्णरूपमा पालना भएको छ कि छैन भनेर आम नागरिकले पनि निगरानी राख्नुपर्दछ । आचारसंहिता अनुसार निर्वाचन केन्द्रको ३ सय मिटर वरिपरि दलहरूले यसअघि राखेको आ–आफ्नो निर्वाचन चिह्न तथा प्रचार सामग्री निकाल्नुपर्ने मात्र हैन, अब यस्ता प्रचार सामग्री यहाँ प्रदर्शन गर्नसमेत पाइँदैन । मतदानको समयमा भोट हाल्न आउँदै गर्दा गौंडा ढुकेर मतदातालाई प्रभावित पार्ने काम पनि विगतमा भएको थियो । यस बारेमा पनि यस्ता गतिविधि भए स्वयं मतदाताहरूले सुरक्षा निकायलाई खबर गर्नुपर्छ । निर्वाचन आचारसंहिता कडाइका साथ लागू गर्ने र आचारसंहिता उल्लंघन गर्नेलाई कडाइका साथ कारबाही नगरे निर्वाचन निष्पक्ष ढंगले हुनेमा शंका उत्पन्न हुन्छ । तसर्थ आचारसंहितालाई कडाइका साथ पालना गर्नेतर्फ दलहरू जिम्मेवार बन्नुका साथै निर्वाचन आयोगले समेत कडाई गर्नु जरुरी छ । जेहोस उपनिर्वाचनले इलाम र बझाङमा चहलपहल बढेको छ । मतदातामा आफ्ना उम्मेदवारलाई जिताउने उत्कट अभिलाषा छ । त्यो अभिलाषा उत्साहमा परिणत होस् । निर्वाचनले दिने परिणामले मतदाता निरास हुनु नपरोस् । यद्यपि योग्य उम्मेदवार छान्ने मतदाताको आफ्नो अधिकार हो । तरपनि मतदाताले विवेक प्रयोग गर्ने बेलापनि हो । त्यसैपनि इलाम उपनिर्वाचन चर्चामा छ । इलामको उपनिर्वाचनले दिने परिणामले मतदाताको रुझान कतातिर छ भन्ने समेत स्पष्ट हुन्छ । अतः उपनिर्वाचन सफल बनाउनेतर्फ सरकार र निर्वाचन आयोगको मात्रै होइन, सवैको दायित्व र कर्तब्य हो भन्ने बुझ्नुपनि पर्दछ ।

यो खबर पढेर तपाईलाई कस्तो महसुस भयो ?