ट्रेंडिंग:

>> प्रधान सेनापतिद्धारा सैनिक फिल्ड अस्पताल र महाविद्यालयको उद्घाटन >> पोखरा महानगरमा घुस प्रकरण : तारेखमा छुटिन् उषाकिरण >> सल्यान उद्योग बाणिज्य संघको निर्वाचन तयारी पूरा >> सुझाव संकलन गर्न जनतासँग जनप्रतिनिधि कार्यक्रम >> आफन्तले अझै बुझेनन् भीमाको शव >> लुम्बिनीमा ७ मन्त्रीले लिए सपथ, ११ सदस्यीय भयो मन्त्रिपरिषद् >> अन्ततः एमालेले समर्थन गरेपछि सुदूरपश्चिमको मुख्यमन्त्रीमा सोडारीको दाबी पेश >> लुम्बिनीमा एकीकृत समाजवादीलाई मुख्यमन्त्रीले बनाए ‘खेलौना’, छिनमै सरकारबाट ‘आउट’, छिनमै ‘इन’ >> युक्रेनका प्रधानमन्त्रीको चेतावनीः रुससँगको युद्ध हारेमा तेस्रो विश्वयुद्ध >> सर्वोच्चको आदेशपछि एन्फा उपाध्यक्ष लामा छुटे >> अब ईसेवाबाटै ब्लुबुक नवीकरण र तेस्रो पक्ष बीमा, यसरी लिन सकिन्छ सेवा >> प्रतितोला ६ सय रूपैयाँ घट्यो सुन >> स्वीकृत पाठ्यपुस्तक प्रयोग नगरे कारवाही >> लुम्बिनीमा आज मन्त्रिमण्डल विस्तार हुने , विना विभागीयले पाए जिम्मेवारी >> आज र भोलि बालबालिकालाई भिटामिन ‘ए’ र जुकाको औषधि खुवाइँदै >> आजको मौसमः तराईमा हावाहुरी, पहाडमा वर्षा र हिमपातको सम्भावना >> राजनैतिक स्वार्थको चक्रव्युहमा सामुदायिक विद्यालय >> राष्ट्रिय भूमि आयोग गठन गर >> भिटामिन ए र जुकाको औषधी खुवाउने अभियान सफल बनाऔं >> उद्यम—व्यवसायमा महिला सहकारीको पाइला >> राशीअनुसार तपाईंको आजको भाग्य हेर्नुहोस् : आजको राशीफल >> ईस्टन क्राफट एण्ड फलेयर्स सिरिजमा बुटवलका आठ युवा >> बैशाख ७ गते शालिग्राम महोत्सव हुने >> राप्ती स्वास्थ्य विज्ञान प्रतिष्ठानमा कलेजोमा पिप जमेको शल्यक्रिया सफल >> विप्लवको पार्टीले २०८४ को आम चुनावमा भाग लिने ! >> एसिसी प्रिमियर कप : साउदी अरबद्वारा नेपाललाई ७४ रनको लक्ष्य >> तिलोत्तमामा ऋष्यश्रृङ्गको शालिक अनावरण >> लुम्बिनीमा विषयगत समितिका सभापतिहरूद्वारा सपथग्रहण >> रोहिणी खोला किनारमा तीन अर्ब लागतको पेट्रोलियम डिपो निर्माण सुरु >> नववर्षको आरम्भ चैत्रशुक्ल प्रतिपदा कि वैशाख सङ्क्रान्ति ? >> सल्यानमा बस दुर्घटना हुंदा १३ जना घाइते >> एन्फा उपाध्यक्ष दावा लामा पक्राउ >> जँगली बँदेलले गाउँ पसेर मकैबाली खान थालेपछि स्थानीय चिन्तित >> बेष्ट ईन्स्टिच्युटले सुरु गर्यो लोकसेवा तयारी कक्षा >> घुस प्रकरणमा पोखरा महानगरका इन्जिनियर पक्राउ >> स्थानीय तहमा सडक बत्ती बापतको ३७ करोड बक्यौता, किस्ताबन्दीमा बुझाउने तयारी >> इलाम र बझाङमा उपचुनावको मतपत्र पठाइदै,इलाम २ मा १९ र बझाङमा ११ जना उम्मेदवार >> चार प्रदेशमा चट्याङ्गसहित वर्षाको सम्भावना >> एसीसी प्रिमियर कप : नेपाल र साउदी अरब भिड्दै >> आज रामनवमी पर्व मनाइँदै, देशैभरि सार्वजनिक बिदा >> जीवजन्तु मानव स्वास्थ्यमा खतरा ! >> स्थानीय तहका विज्ञापनहरू कति समावेशी ? >> तंग्रिन सकेनन् घरेलु उद्योग >> उखुले उठाउँदै किसानको आम्दानी >> राशीअनुसार तपाईंको आजको भाग्य हेर्नुहोस् : आजको राशीफल >> सियारीमा रोजगारीको अवसर खोज्न रोजगार संवाद मञ्च >> स्वास्थ्य सेवा बिस्तार गर्दै आम्दा >> गण्डकीका मुख्यमन्त्रीले गरेका निर्णयविरुद्ध कांग्रेस सर्वोच्चमा >> सुदूरपश्चिमका प्रदेश प्रमुखको कदमविरुद्ध कांग्रेस र नाउपा अदालत जाने >> डढेलोले लिदै कर्णालीबासीको ज्यानः दुई महिनामा सातजनाको मृत्यु

बुटवलको विकासमा नयाँ उचाईँ हासिल गर्नुपर्नेछ

२२ पुष २०८०, आईतवार
२२ पुष २०८०, आईतवार

नेपालको संविधानले व्यवस्था गरेअनुसार स्थानीय तहको २०७९ वैशाख ३० को दोश्रो निर्वाचनबाट निर्वाचित भएर हामीहरु बुटवलबासीको सेवामा छौं । संविधानले दिएको अधिकार र उपलब्ध श्रोतसाधनको अधिकतम उपयोग गर्दै जनताको सेवामा हामी खटिरहेका छौं । चाहे त्यो सेवाप्रवाहको पक्षमा होस्, या बुटवललाई आर्थिक, भौतिक र सामाजिक क्षेत्रमा अगुवा शहर बनाउने काममा होस्, हामी निरन्तर प्रयत्नरत रहेका छौं । यो शहरलाई आर्थिक केन्द्रका रुपमा मात्रै हैन, मानव संशाधनको दृष्टिबाट पनि उच्च क्षमताको जनशक्ति उत्पादन र खपत गर्ने मुख्य शहरका रुपमा स्थापित गर्ने जिम्मेवारी हाम्रो काँधमा रहेको छ । नेपालकै सहज पहुँच भएको केन्द्रका रुपमा रहेको यो शहरलाई हामीले पूर्व मेचीदेखि पश्चिम महाकालीसम्म पुग्ने र दक्षिण बेलहियादेखि उत्तरको कोरला नाकासम्म पुग्ने आन्तरिक तथा बाह्य पर्यटकको विश्रामस्थलका रुपमा स्थापित गर्नुपर्नेछ । त्यसका लागि हाम्रा सम्पदाहरुको प्रवद्र्धनका साथसाथै नयाँ पर्यटकीय स्थलहरुको विकास गर्ने कार्यभार हाम्रा सामु रहेको छ ।

निर्वाचित भएर यो अवधिसम्म आइपुग्दा हामीले थालनी गरेका कामले बुटवलको मुहार फेर्नेछ भन्ने हाम्रो विश्वास छ । हाम्रो मूख्य कार्यभार भनेको चालू आर्थिक वर्षको बजेटलाई कार्यान्वयन गर्ने, चालु योजनाहरुलाई समयमै सम्पन्न गर्ने, बुटवलबासीलाई सुशासन र विकासको अनुभूति दिलाउनु हो । यसका साथसाथै बुटवललाई शिक्षा, स्वास्थ्य, प्रविधि, पर्यटन, रोजगार, उद्यमलगायतलाई अरु धेरै अगाडि ल्याउनुपर्नेछ र बुटवललाई हरेक दृष्टिबाट अगुवा शहरका रुपमा स्थापित गर्नुपर्नेछ । त्यसका लागि केही योजनाहरु अघि सारेका छौं । संघ, प्रदेश र आन्तरिक श्रोतको अधिकतम परिचालन तथा दातृ निकायहरुबाट प्राप्त सहयोगको उच्चतम उपयोग गरी बुटवलको विकासमा नयाँ उचाईँ हासिल गर्नुपर्नेछ ।

बुटवलको विकास भनेको शहरीकरण मात्रै होइन । यहाँका सबै वडाहरुको समानुपातिक विकासका लागि हामीले योजनाहरु निर्माण गरी कार्यान्वयन गर्ने चरणमा पुगेका छौं । बुटवललाई देशकै अगुवा शहरका रुपमा स्थापित गर्नका लागि शिक्षा, स्वास्थ्य, प्रविधि, पर्यटन, रोजगार सिर्जना, उद्यमशीलतामा अगाडि आउनुपर्छ । यी कुराहरुका लागि हामीले पछाडि परेका विद्यालयहरुको स्तरोन्नति, नगरस्तरीय अस्पताल निर्माण, प्रविधिको उच्चतम उपयोग गरी सहज र सरल सेवाप्रवाह, ऐतिहासिक र पुरातात्विक स्थलहरुको प्रवद्र्धन गरी पर्यटक आगमन, औद्योगिक क्षेत्र सञ्चालन गरी उद्योग कलकारखाना स्थापना र रोजगार सिर्जनाजस्ता काम अघि बढिसकेका छन् भने केही प्रक्रियामा रहेका छन् ।

हामी बुटवललाई शैक्षिक, व्यापारिक, औद्योगिक, पर्यटकीय, प्रविधियुक्त, स्वस्थ र अगुवा नगरका रुपमा स्थापित गर्न प्रयत्नरत छौं । निर्वाचित भएदेखि नै हामी सहमति, सहकार्य, एकता र मेलमिलापको मार्गमा अगाडि बढिरहेका छौं । ‘बुटवल हामी सबैको र हामी सबै बुटवलको’ भन्ने भावनासहित समुन्नत विकास तथा देशकै सबल आर्थिक केन्द्र बनाउन निरन्तर लागिरहनेमा हामी प्रतिबद्ध छौं । सबै वडाहरुको सन्तुलित विकास गर्दै नगरबासीको साझा चौतारीको रुपमा बुटवल उपमहानगरपालिकालाई स्थापित गर्न हामी प्रयत्नरत छौं ।
बुटवललाई ‘समानता, स्वाभिमान र अवसर–बस्नयोग्य बुटवल सहर’का रुपमा रुपान्तरण गर्ने संकल्पका साथ हामीहरु यहाँका बासिन्दा, राष्ट्रसेवक कर्मचारी, संघसंस्था, नागरिक समाज, सञ्चारकर्मी, उद्योगी व्यवसायीलाई साथसाथै लिएर नगरबासीको जनप्रतिनिधिसँगको पहुँचलाई सरल बनाउँदै बुटवलको उन्नति यात्रामा अघि बढिरहेका छौं ।

यो खबर पढेर तपाईलाई कस्तो महसुस भयो ?