ट्रेंडिंग:

>> गोमाको ‘घरको अचार’ >> बाउन्नगढी नै प्राचीन बौद्धकालिन सम्पदा >> साइन्सोत्सव >> छत्रेश्वरीमा छाडा गाई व्यवस्थापन >> राशीअनुसार तपाईंको आजको भाग्य हेर्नुहोस् : आजको राशीफल >> लुम्बिनीमा राज्य पक्षबाट शान्ति भंग गर्ने प्रयास भयो : सांसद शुक्ला (भिडियो सहित) >> न्यून गुणस्तरका तीन औषधी विक्रिमा रोक >> लुम्बिनी, बाग्मती र एपीएफको जित >> एनसेल र ईएन्ड इन्टरनेसनलबीच उत्कृष्ट डिजिटल सेवा र ग्राहक अनुभव प्रदान गर्न समझदारी >> मसिना युवा क्लबद्वारा तीन दिवसीय भलिबल प्रतियोगिता सुरु >> कन्चनमा प्रस्तावना तथा प्रतिवेदन लेखन सम्बन्धी तालिम सुरु >> टिसिएल लगातार दुई वर्ष ग्लोबल टप २ टिभी ब्रान्डको स्थानमा >> सिटिजन्स बैंकले ९.९९ प्रतिशत ब्याजदरमै घर कर्जा दिने >> दैलेखमा अन्तरपालिकास्तरीय खेलकुद प्रतियोगिता >> लुम्बिनीका मुख्यमन्त्रीको दोहोरो चरित्रः शिखर सम्मेलनमा ७ करोड खर्चिदा बालमैत्रीको बजेटमा बेवास्ता >> प्रदिप र अभिलाषा उपाधि रक्षाको दाउमा >> कर्णालीको पानी लम्की ल्याइँदै, मुख्यमन्त्री शाहद्वारा आयोजनाको शिलान्यास >> गाउँबस्ती सफा राख्न अन्तक्र्रिया >> लुम्बिनी प्रदेश सभाको बैठक ६ मिनेटमै सकियो >> स्वास्थ्य बीमा कार्यक्रम प्रभावकारी बनाउन सांसद घिमिरेको माग >> नामिबियाविरुद्ध नेपालको रोमाञ्चक जित >> सहमती कार्यान्वयनको माग राख्दै बर्दघाटमा धर्ना >> फोहोर जलाउने क्रममा घरमा आगलागी, दुई लाख ३० हजारको क्षति >> रुपन्देही र इलामका होटेल व्यवसायीको माग : पर्यटनलाई सरकारले मुख्य एजेण्डा बनाओस् >> देवदह नगरपालिकामा उपभोक्ता समितिको परिचालन र व्यवस्थापन >> रुन्न बरिलै भन्दै आइन् सुजाता >> दुई बर्ष भित्र घोराही लैंगिक हिंसा नियन्त्रित नगर घोषणा गर्ने तयारी >> टी- २० सिरिज: नेपालले आज नामिबियाको सामना गर्दै, जित्नैपर्ने दबाबमा नेपाल >> उद्घाटन खेलमा लुम्बिनी टिम गण्डकीसंग खेल्दै >> सरकारद्वार स्वर्गद्वारी गुठीपीडित किसानसंग वार्ता समिति गठन >> हिउँदयाम सकियो, आजदेखि प्रिमनसुन सुरु >> लुम्बिनीको हिउँदे अधिवेशन आजदेखि, शनिबार प्रधानमन्त्रीले सम्बोधन गर्ने >> ठेकेदार लापरबाहीले नागरिकलाई सास्ती >> लुम्बिनी स्वच्छतामा बढ्दो लापरवाही >> दादुरा रुबेला खोपः बालबालिकाको जोगाउँछ जीवन >> आठ वर्षमा बन्यो प्रदेशको लैंगिक नीति, छिट्टै कार्यान्वयनको आशा >> प्रिन्टेड पेपर ‘क्यान्सरको घर’ >> राशीअनुसार तपाईंको आजको भाग्य हेर्नुहोस् : आजको राशीफल >> नेपालगन्जमा होटल पौवाको ५ तारे होटलको शिलान्यास >> नेपाल स्काउटको बुटवल आयुक्तमा खरेल >> मुख्यमन्त्रीलाई सभामुख घर्तीका १० गम्भीर प्रश्न >> किन हुँदैछ कर्णालीलाई डिजिटल बनाउने बहस् ? >> राप्ती स्वास्थ्य विज्ञान प्रतिष्ठानमा टोकन प्रणाली शुरु >>   प्रदिप, प्रनव, रितिक र निशान्त छैटौ बुटवल खुला राष्ट्रिय लनटेनिसको अन्तिम चारमा >> फुलबारीमा कुडुले घर >> अखिल नेपाल महिला संघको कर्णाली अध्यक्षमा रेग्मी >> कृषिमन्त्रीको राजीनामा माग्दै दूध किसान सडकमा (भिडियोसहित) >> रुपन्देहीको व्यवसाय चलायमान बनाउन सुझाव संकलन >> विश्व किर्तीमानधारी हरिबहादुरलाई सम्मानको ओइरो >> लुम्बिनीमा शिखर सम्मेलनः मुख्यमन्त्रीको स्वार्थमा शक्ति केन्द्रको चलखेल
सम्पादकीय

बिप्रेषणमा भएको बृद्धिले जगाएको आशा

६ मंसिर २०८०, बुधबार
६ मंसिर २०८०, बुधबार

पछिल्लोसमय वैदेशिक रोजगारीमा रहेका नेपालीले पठाउने विप्रेषणमा उल्लेख्य वृद्धि भएको छ । नेपालमा विश्व आर्थिक मन्दीको असर परिरहेको बेला विदेशबाट आउने बिप्रेषणले देशको आर्थिक अवस्थालाई सन्तुलनमा राख्न टेवा पुगेको विश्वास गरिएको छ । नेपाल राष्ट्र बैङ्कले सार्वजनिक गरेको चालू आर्थिक वर्षको तीन महिनासम्मको तथ्यांक अनुसार उक्त अवधिमा विप्रेषण ३० प्रतिशतले बढेर तीन खर्ब ६५ अर्ब ३४ करोड पुगेको छ । यस हिसाबले चालू आवको तीन महिनामा प्रतिमहिना औसतमा एक खर्ब २१ अर्ब रुपियाँभन्दा बढी विप्रेषण भित्रिएको छ । गत आवको सोही अवधिमा भने विप्रेषण आप्रवाह १६.८ प्रतिशतले मात्र बढेको थियो । बिप्रेषणमा भएको बृद्धिले आर्थिक मन्दीको असरले संकुचनमा रहेको अर्थतन्त्रलाई मजबुत बनाउन थोरै भएपनि प्राण भरिएको छ । यसले नेपालको तत्कालको अर्थ व्यवस्थालाई यथास्थितिमै राख्न भएपनि सघाउ पु¥याउने विश्वास गर्न सकिन्छ । नेपालबाट प्रत्येक दिन २५ सयको हाराहारीमा युवाहरू वैदेशिक रोजगारीमा जाने क्रम चलिरहँदा पुनः श्रम स्वीकृति लिनेको संख्यामा समेत बृद्धि भएकोले विप्रेषण आप्रवाह पनि बढ्दै गएको देखिएको छ । यसले नेपालको अर्थब्यवस्थालाई खासै सन्तोष दिन नसकेपनि चिन्ता गरिहाल्ने अवस्था पनि छैन भन्ने देखिएको छ । विप्रेषणमा आएको वृद्धि र आयात वृद्धि सुस्ताउँदा मुलुक भित्रिने र बाहिरिने रकमको अन्तर देखाउने शोधनान्तर स्थिति पनि उच्च बचतमा देखिएकोले नेपालको अर्थतन्त्र समेत अहिले जोखिममा नरहेको देखिनु सकारात्मक कुरा हो । आर्थिक मन्दीका कारण देश चलायमान हुन नसकिरहेको बेला आन्तरिक अर्थव्यवस्था मजबुत हुनु खुसीको कुरा हो । यसले अर्थतन्त्रलाई सुरक्षित बनाएर अघि बढ्दै आगामी दिनमा आर्थिक बृद्धिको अपेक्षा पूरा गर्न सहयोग नै पुग्छ । नेपालीहरूका लागि अर्को खुसीको कुरा महँगी जनाउने मुद्रास्फीति असोजदेखि घटने अवस्थामा देखिएको छ ।

असोजमा मुद्रास्फीति ७.५० प्रतिशत कायम छ । जुन गत वर्ष असोजमा ८.५० प्रतिशत थियो । समीक्षा अवधिमा खाद्य समूह अन्तर्गत मरमसलाको मूल्य ३८ प्रतिशतसम्मले बढेको छ । त्यसैपनि नेपालीहरूले विदेशबाट पठाउने पैसाले नेपालको आर्थिक उन्नतीमा ठूलो योगदान पुगेको छ । विगतको कोरोना महामारीको बेला समेत नेपाललाई आर्थिक रूपमा चलायमान बनाउने रेमिटान्सले ठूलो सहयोग गरेको विर्सन सकिदैन् । आयात निर्यात लगभग शून्यको अवस्थामा आउँदा पनि अबौं रुपियाँ रेमिटान्सका रूपमा भित्रिएको र त्यसबाट नेपालको बैदेशिक खाता सन्तुलनमा राख्न सहयोग पुगेकै हो । बिप्रेषणले नेपालीको जीवनमा आमूल परिवर्तन आएको छ । यद्यपि यसबाट केही नकारात्मक अवस्था आउनेतर्फ सचेत हुनैपर्दछ । अहिलेपनि बिप्रेषणबाट प्राप्त आयको अधिकांश हिस्सा गैरउत्पादन क्षेत्रमा खर्च भइरहेको छ । अहिले विदेशबाट लगानीको प्रतिवद्धता समेत आएको अवस्था छ । त्यसले पनि अर्थतन्त्र चलायमान बनाउन सहयोग पुग्ने ठानिएको छ । चार महिनामा सबैभन्दा धेरै साना उद्योग १७०, मझौला पाँच र तीन वटा ठूला उद्योगमा लगानी प्रतिबद्धता आएको छ । गत असोज महिनामा १६ अर्ब ६० करोड ४३ लाख लगानी प्रतिबद्धता आएको थियो । अघिल्लो भदौ महिनामा मात्र ५१ वटा परियोजनामार्फत दुई अर्ब ७२ करोड २४ लाख रुपियाँ प्रतिबद्धता आएको छ । गत साउन महिनामा ६० उद्योगमार्फत ११ अर्ब ९३ करोड १८ लाख ३० हजार रुपियाँ लगानीको प्रतिबद्धता आएको छ । साउन महिनामा सबैभन्दा धेरै विदेशी लगानीको प्रतिबद्धता आएको थियो । यसले के देखाउँछ भने नेपालले आत्तिएर होइन अव संयम अपनाएर अर्थतन्त्रलाई बलियो बनाउनेतर्फ प्रयास गर्ने हो भने आर्थिक मन्दीको असर हराएर जाने अवस्था छ । अव नेपालले प्राप्त गरिरहेको बिप्रेषणलाई सदुपयोगका लागि पहल गर्नुपर्ने समय आएको छ । तर त्यसका लागि फेरिपनि नेपालमा आर्थिक लगानीको बाताबरण भने तयार हुनु जरुरी छ । बिप्रेषणले दिर्घकालीन रूपमा नेपाललाई राम्रो गर्दैन भनिएको छ तर तत्कालका लागि यसको बिकल्प छैन । अहिले अर्थतन्त्र धान्ने आधार बिप्रेषण वनेको अवस्थामा आर्थिक सम्मृद्धिको आधार तयार गर्नेतर्फ सरकारले पहल गरोस् ।

 

यो खबर पढेर तपाईलाई कस्तो महसुस भयो ?