ट्रेंडिंग:

>> पेट्रोलियम पदार्थको मूल्य बढ्यो >> स्वस्थ नागरिक बनाउन स्वास्थ्य, शिक्षा र कृषिको एकीकृत कार्ययोजना आवश्यक >> हरायो मौलिकता ! >> अवैध सुनसहित भारतीय नागरिक पक्राउ >> सशक्तको १६ औ स्थापना दिवसमा रक्तदान तथा गौशालामा सहयोग >> भैरहवा सेजबाट ईको नेपाल इनर्जीले सुरु ग-यो व्यावसायिक उत्पादन >> दोहोरो अंकले घट्यो नेप्से >> ट्याक्टर दुर्घटना हुँदा चालकको मृत्यु >> १०२ किलो गाँजासहित तीन जना पक्राउ >> फेरी मन्त्री बने शरतसिंह भण्डारी >> तेस्रो कार्यकालमा देश र जनताको सेवामा समर्पित हुने अवसर पाए-प्रचण्ड >> प्रधानमन्त्रीमा ओलीको नियुक्तिविरुद्ध सर्वोच्चमा रिट >> माधव नेपाल प्रधानमन्त्रीको शपथ समारोहमा अनुपस्थित >> नवनियुक्त प्रधानमन्त्री ओलीलाई भारतीय प्रधानमन्त्री मोदीले दिए बधाई >> प्रधानमन्त्री ओलीसहित दुई उपप्रधान र १९ मन्त्रीले लिए शपथ >> प्रकाशमान सिंह र विष्णु पौडेल बने उपप्रधानमन्त्री >> ओलीले लिए प्रधानमन्त्रीको शपथ >> प्रधानमन्त्री ओलीसहित २१ मन्त्रीले शपथ लिदै >> सुनको मुल्य अहिलेसम्मकै उच्च >> पेशागत महासंघले ग-यो एमाले रुपन्देहीको नयाँ नेतृत्वलाई सम्मान >> अर्जेन्टिनाले जित्यो कोपा अमेरिकाको उपाधि >> काँग्रेसबाट को को बन्दै छन् मन्त्री ? >> एमालेबाट विष्णु पौडेल अर्थ र पृथ्वीसुब्बा सञ्चारमन्त्री बन्दै >> रोटरी क्लव अफ सेन्ट्रल लुम्बिनीको पदस्थापन >> एमालेले टुंग्यायो ८ मन्त्री (सूचीसहित) >> आज कहाँ कहाँ छ वर्षाको संभावना ? >> नवनियुक्त प्रधानमन्त्री ओलीको शपथ आज >> स्पेनले चौथोपटक जित्यो युरोकपको उपाधि >> कपिलवस्तु पूर्ण खोप सुनिश्चित >> ओली नेतृत्वको सरकार र अपेक्षा >> बढ्दै अर्टिजमको जालो, बच्ने कसरी ? >> सीप सिक्नेको आत्मनिर्भर हुने धोको >> उद्योगले तिरेनन् विद्युतको ५० करोड बक्यौता >> राशीअनुसार तपाईंको आजको भाग्य हेर्नुहोस् : आजको राशीफल >> कर्णाली सरकारले साउन १ गते बिदा दिने >> बुटवल टाईगर्स राउण्ड टेबल–२८ को छैठौं साधारणसभा तथा अधिवेशन >> आईसीएफसी फाइनान्सद्वारा छात्राहरुलाई सेनेटरी प्याड वितरण >> घोराहीको गिठेपानी जलाशयमा डुबेर युवक बेपत्ता  >> एमाले अध्यक्ष केपी ओली प्रधानमन्त्रीमा नियुक्त >> त्रिविले शैक्षिक क्यालेण्डर लागू गरेकोमा प्रधानमन्त्रीद्वारा धन्यवाद व्यक्त >> कांग्रेसमा मन्त्री छान्न सकस, कोइराला पक्ष छलफलमा >> भारतबाट चिनी आयात गर्न १० उद्योगलाई अनुमति >> त्रिशूलीमा बेपत्ता यात्रुको खोजीलाई तीव्रता दिन सुरक्षा प्रमुखहरूलाई प्रधानमन्त्रीको निर्देशन >> ‘देशलाई माथि लैजाने वा तल झार्ने कुरा शिक्षा मन्त्रालयमा भर पर्छ’ >> ट्रम्पलाई गोली हान्ने युवकको परिचय खुल्यो >> बागमती प्रदेशमा नयाँ सरकार गठनको बाटो खुल्दै  >> त्रिशुलीमा बेपत्तामध्ये भेटियो थप एक जनाको शव >> सिमलताल घटना: ५८ जना अझै बेपत्ता >> स्वर्णिम वाग्लेले कुट्ने धम्की दिएको मुकुल ढकालको आरोप >> युरो कप उपाधिका लागि आज राति स्पेन र इङ्ल्यान्ड खेल्दै

प्रतिबन्ध हटाउन माग गर्दै टिकटकले नेपाललाई पठायो ७ बुंदे पत्र

१ मंसिर २०८०, शुक्रबार
१ मंसिर २०८०, शुक्रबार

बुटवल,१ मंसिर । टिकटकमाथि लगाइएको प्रतिबन्ध हटाउन माग गर्दै टिकटकको मुख्यालयले नेपाल दूर सञ्चार प्राधिकरणलाई ७ बुंदे पत्र पठाएको छ । प्रतिबन्ध लगाउने निर्णय नेपाल सरकारसँगको हालैको नियमित सहकार्य विपरीत भएको टिकटकले बताएको छ । नेपाल दूरसञ्चार प्राधिकरण, सीआईबी र साइबर ब्युरोसँग टिकटक प्लेटफर्म बारे थुप्रै भौतिक कार्यशालाहरू सम्पन्न गरेको र साइबर ब्यूरोका लागि समेत हालै ट्रस्ट एण्ड सेफ्टी इन्फोर्समेन्ट टुल टीएसईटी समेत खुलाएको विवरणले नेपाल सरकारसँग सहकार्यको दृढतालाई उजागर गरेको टिकटकले जनाएको छ । टिकटकको दक्षिण एसिया कार्यालयका सार्वजनिक नीति तथा सरकारी सम्बन्ध प्रमुख
फर्डुस मत्ताकिनले लेखेको पत्रमा टिकटकमाथि प्रतिबन्ध लगाउने निर्णय लिनुको स्पष्ट कारण समेत खुलाइदिन सरकारसंग माग गर्दै टिकटकलाई इन्टरनेटकै सुरक्षित स्थान बनाउन महत्त्वपूर्ण कदम चाल्दै गरेको र त्यसका लागि हामी ठूलो लगानी समेत गर्न गइरहेको बताएको छ । यस्तो मनपरी ढङ्गको प्रतिबन्धको साटो प्रतिस्पर्धाको समान धरातलका लागि सरकारको ठोस सहयोग प्राप्त भएको खण्डमा लक्ष्य प्राप्तिको लामो बाटोमा अघि बढ्न सकिने टिकटकले स्पष्ट पारेको छ ।

यस्तो छ टिकटकले पठाएको पत्र : 

प्रिय सर, नेपाली जनताका निम्ति मोबाइलको छोटो भिडिओका लागि विश्वकै प्रमुख माध्यमको रूपमा रहेको टिकटक मार्फत रचनात्मक अभिव्यक्तिको स्वतन्त्रता प्रवर्द्धन गर्ने कार्यमा तपाईंबाट नियमित रूपमा प्राप्त सहयोगका लागि धन्यवाद छ ।

टिकटक प्रतिबन्ध तथा ब्लक गर्ने नेपाल सरकारको निर्णयलाई लिएर आज तपाईंको कार्यालयमार्फत प्राप्त ईमेलले हाम्रो गम्भीर ध्यानाकर्षण गरेको छ । दशौं लाख नेपाली नागरिकहरू आफ्नो रचनात्मकता प्रदर्शन गर्दै अनि आनन्द लिंदै हाम्रो समुदायको हिस्सा बनिरहेको अवस्थामा हामी आश्चर्य चकित भएका छौं ।

समयको छोटो कालखण्डमा हामीलाई नेपालका सबै धर्म, संस्कृति र सामाजिक तथा आर्थिक तह तप्काका नागरिकले अँगाल्दै आएका छन् । जसले सूचना, शिक्षा, मनोरञ्जन र अभिप्रेरणा प्राप्त गर्न हाम्रो माध्यम उपयोग गरिरहेका छन् । यो प्रतिबन्धले केवल हाम्रो लगानी योजनामा बाधा उत्पन्न गर्ने मात्रै नभई त्यससँगै यसले हाम्रा नेपाली कन्टेन्ट क्रियटर, खासगरी युवा वयस्कमा गम्भिर आर्थिक असर समेत पार्नेछ । टिकटकमा अधिकांश रूपमा निर्भर नेपाली व्यवसायहरूले आफ्नो उत्पादनको बजारिकरण गर्न हाम्रो माध्यम प्रयोग गरेरै व्यवसाय चलाइरहेका थिए । यो प्रतिबन्धको परिणाम स्वरूप यस्ता व्यवसायहरूमा धेरै हदसम्म नकारात्मक असर पर्नेछ ।

प्रयोगकर्ताको सुरक्षा टिकटकको प्रमुख प्राथमिकताको विषय हो र हामी हाम्रो समुदायका लागि सुरक्षित र स्वागतयोग्य वातावरण प्रवर्द्धन गर्न प्रतिबद्ध पनि छौं । एउटा विश्वव्यापी माध्यम हुनुको नाताले, जहाँजहाँ टिकटक सञ्चालन भइरहेको छ, त्यहाँ हजारौं कर्मचारीहरू हाम्रा प्रयोगकर्ताका लागि सुरक्षित वातावरण कायम राख्न लागिपरेका छन् । हामी नीति, प्रविधि र मोडरेसनको संयोजनमार्फत हाम्रो कम्युनिटी गाइडलाइन्स उलङ्घन गर्ने सामग्री तथा व्यवहारलाई सम्बोधन गरिरहेका छौं, जसमा अकाउन्ट र कन्टेन्ट हटाउने विषय समेत पर्न सक्छ ।

अगाडि हाम्रो ११ सेप्टेम्बर, २०२३ को पत्रबाट नेपालमा हाम्रो माध्यम सञ्चालनार्थ भएका हाम्रा पछिल्ला प्रयासहरू उजागर गर्न चाहन्छौं ।

१. हामीले ३ नोभेम्बर २०२३ का दिन गृह मन्त्रालयको साइबर अपराध नियन्त्रण तथा साइबर सुरक्षा समितिसँग भेटेका थियौं । उक्त बैठकका क्रममा हामीले नेपाल सरकारसँग सहकार्यको प्रतिबद्धतासँगै हाम्रो कार्यसञ्चालन तथा मोडेरेसनको विस्तृत प्रक्रिया प्रस्तुत गरेका थियौं ।

२. हामीले गैरसरकारी संस्था, टिकटक क्रियटर, नागरिक समाज, कानून कार्यान्वयन गर्ने अधिकारी र सरकारी प्रतिनिधि लगायत थुप्रै सरोकारवालाहरूको उपस्थितिमा ५ अक्टोबर २०२३ का दिन काठमाडौंमा इन्टरनेट सेफ्टी समिट आयोजना गरेका थियौं ।

३. हामीले नेपालमा संयुक्त रूपमा इन्टरनेट सुरक्षा सचेतना अभियान सञ्चालन गर्न ४ अक्टोबर २०२३ का दिन नेपाल दूरसञ्चार प्राधिकरणसँग एमओयू अर्थात् आपसी समझदारी पत्रमा हस्ताक्षर गरेका थियौं ।

४. हामीले ७ जुन २०२३ का दिन स्थानीय कानून उलङ्घन गर्ने कुनै पनि सामग्रीको विषयमा सरकारले रिपोर्ट गर्न सक्ने ट्रस्ट एण्ड सेफ्टी इन्फोर्समेन्ट टुल टीएसईटी को पहुँच नेपाल सरकारका लागि खुलाएका थियौं ।

५. हामी २९ अगस्ट २०२३ का दिन नेपालमा डिजिटल सर्भिस ट्याक्स पेयरको रूपमा दर्ता भएका छौं ।

६. हामीले अक्टोबर २०२२ देखि जुन २०२३ को बीचको अवधिमा हाम्रो कम्युनिटी गाइडलाइन्स उलङ्घन गर्ने २९ लाख ८० हजार भिडिओ नेपालमा हाम्रो प्लेटफर्मबाट हटाएका छौं ।

७. हामीले नेपाल दूरसञ्चार प्राधिकरण, सीआईबी र साइबर ब्युरोसँग हाम्रो प्लेटफर्म बारे उनीहरूको ज्ञान र बुझाई अभिवृद्धि गर्न थुप्रै भौतिक कार्यशालाहरू सम्पन्न गरेका छौं । त्यसका साथै हामीले साइबर ब्यूरोका लागि समेत हालै ूट्रस्ट एण्ड सेफ्टी इन्फोर्समेन्ट टुल ९टीएसईटी०ू खुलाएका छौं ।

माथिको सङ्‌क्षिप्त विवरणले नेपाल सरकारसँग हाम्रो सहकार्यको दृढतालाई उजागर गर्छ ।

टिकटकमाथि प्रतिबन्ध लगाउने निर्णय नेपाल सरकारसँगको हाम्रो हालैको नियमित सहकार्य विपरीत छ । टिकटक प्लेटफर्म र प्रयोगकर्ताको सुरक्षा सुनिश्चित गर्नेतर्फ अगाडिको संलग्नताका लागि नेपाल सरकारसँग सहकार्य गर्न प्रतिबद्ध छ । यसका साथै हामी टिकटकमाथि प्रतिबन्ध लगाउने निर्णय लिनुको स्पष्ट कारण समेत खुलाइदिन अनुरोध गर्दछौं ।

हामी टिकटकलाई इन्टरनेटकै सुरक्षित स्थान बनाउन महत्त्वपूर्ण कदम चल्दैछौं र त्यसका लागि हामी ठूलो लगानी समेत गर्दैछौं । यस्तो मनपरी ढङ्गको प्रतिबन्धको साटो प्रतिस्पर्धाको समान धरातलका लागि सरकारको ठोस सहयोग प्राप्त भएको खण्डमा लक्ष्य प्राप्तिको लामो बाटोमा अघि बढ्न सक्छौं ।

नेपालमा हाम्रो समुदायको सुरक्षित वृद्धिका लागि आगामी कदम चाल्ने सवालमा सरकारसँग हाम्रो रचनात्मक सम्बन्ध जारी रहन सकोस् भन्ने कामना गर्दछौं । त्यसो गर्ने अवसरका निम्ति नेपालमा टिकटकले प्रतिस्पर्धाको समान धरातल पाउने र सहयोगी वातावरण उपलब्ध गराउने तर्फ सरकारले भविष्यमा प्रयास गर्नेछ भन्ने आशा पनि व्यक्त गर्दछौं ।

सन्तोषजनक आधार बिना रचनात्मक अभिव्यक्तिका लागि धेरैले प्रयोग गर्ने प्लेटफर्ममाथि प्रतिबन्ध लगाउनु वाक तथा अभिव्यक्ति स्वतन्त्रताको सिद्धान्त विपरीत हुनेमा हाम्रो दृढ विश्वास छ । नेपाल सरकारबाट उठाइएका कुनै पनि सरोकारका विषयलाई सम्बोधन गर्न र दुवै पक्षको चासोलाई समेट्ने तर्फ काम गर्ने नै छौं, धन्यवाद ।

 

तपाईंको आज्ञाले,

फर्डुस मत्ताकिन

प्रमुख, सार्वजनिक नीति तथा सरकारी सम्बन्ध( दक्षिण एसिया

(नोटः प्रस्तुत सामग्री टिकटकले नेपाल दूरसञ्चार प्राधिकरण तथा नेपाल सरकारलाई पठाएको अंग्रेजी भाषाको पत्रको अनुवाद हो । )

यो खबर पढेर तपाईलाई कस्तो महसुस भयो ?