खोज

बुटवल,५ मंसिर । बाजुरामा सुरक्षाकर्मीको गोली लागेर मृत्यु हुने सञ्जीव ऐडी नेकपा एमाले निकट विद्यार्थी संगठन अखिलको सुदुर पश्चिम बिश्वबिद्यालय कमिटीका अध्यक्ष रहेको खुलेको छ ।
बाजुराको त्रिवेणी नगरपालिकाका नगरप्रमुख कर्णबहादुर थापाका अनुसार त्रिवेणी नगरपालिका ७ स्थित नाटेश्वरी आधारभूत विद्यालयमा रहेको मतदान केन्द्रमा प्रहरी र स्थानीयवासीबीच झडप हुँदा गोली लागेर स्थानीय सञ्जीव ऐडीको घटनास्थलमै मृत्यु भएको हो ।
सुरक्षाकर्मीको गोली लागेर स्थानीय परशुराम पाध्याय, खड्क ऐडी र प्रेम थापा गम्भीर घाइते भएका छन् ।

बाजुरा सदरमुकाम मार्तडीस्थित बडिमालिका–९ कालिका मावि मतदानस्थलमा समेत प्रहरीले हवाई फायर गरेको थियो । सो ठाउँमा नेपाली कांग्रेस र नेकपा एमालेका कार्यकर्ताबीच झडप भएको थियो ।