खोज

तिलोत्तमा, ११ वैशाख ।

रुपन्देहीको   वडा नं. ६ को नवनिर्मित भवन उद्घाटन गरिएको छ । मणिग्राममा निर्मित सो भवनको मंगलबार आयोजित एक कार्यक्रमबिच नगर प्रमुख रामकृष्ण खाणले उद्घाटन गरेका हुन् ।

सो अवसरमा नगर प्रमुख खाणले नागरिकलाई सेवा प्रवाह गर्न सहज होस् भन्ने उद्देश्यले वडा कार्यालय निर्माण गरिएको बताए । उनले नगरपालिकाका १७ वटा वडा मध्ये ११ वटा वडाको आफ्नै कार्यालय भवन निर्माण गरिसकिएको जानकारी दिए ।

उद्घाटन कार्यक्रममा वडाध्यक्ष गणेश पाठकले सबैको सहयोगले छोटो समयमैं भवन निर्माण सम्पन्न गर्न सफल भएको बताए । नयाँ भवनबाट सेवा प्रवाह थप सहज हुने उनले विश्वास व्यक्त गरे ।

कार्यक्रममा नगरपालिकाका वरिष्ठ इन्जिनियर प्रदिप वनले साढे ५ कट्ठा क्षेत्रफलमा वडा कार्यालय भवन निर्माण गरिएको बताए । वडा कार्यालय भवन निर्माणका लागि २ करोड ३१ लाख लागत अनुमान गरिएकोमा १ करोड ८२ लाख ९३ हजारमा ठेक्का सम्झौता भई निर्माण सम्पन्न भएको बताए ।

२०८० चैतभित्र सक्ने सम्झौता भएकोमा सम्झौता अनुसार नै निर्माण सम्पन्न भएको वरिष्ठ इन्जिनियर वनले जानकारी दिए । उक्त जग्गा स्वर्गीय सरोजमणि आदितले वडा कार्यालयका लागि प्रदान गरेका थिए । वडा कार्यालयले स्वर्गीय आदितको शालिक समेत निर्माण गरेको छ ।

सो अवसरमा नगरपालिकाका उपप्रमुख जगेश्वरदेवी चौधरी, प्रमुख प्रशासकीय अधिकृत नारायण अर्याल, वडा नं. ६ का पुर्व वडाअध्यक्ष सुखदेव न्यौपाने, समाजसेवी रोमणिप्रसाद पाठक, शान्ति नमूना मावि व्यवस्थापन समितिका अध्यक्ष शरद भट्टराई, पश्चिम पहुनी माविका अध्यक्ष खुमबहादुर थापा, वडा नं. ६ का वडा सचिव कृष्णबहादुर क्षेत्री, वडा सदस्य सीता खनाल लगायतले मन्तव्य व्यक्त गरेका थिए ।