खोज

नवलपरासी, १ मंसिर ।

पश्चिम नवलपरासीको बर्दघाट १२ भटौलियाबाट प्रतिनिधि सभा निर्वाचन क्षेत्र नम्बर १ का उम्मेदवार हृदयेश त्रिपाठी विरुद्ध गलत प्रचारबाजी गरेको भन्दै प्रहरीले एक जनालाई पक्राउ गरेको छ ।

विनोद चौधरीद्वारा संञ्चालित चौधरी गुु्रपमा कार्यरत बर्दघाट १ मोतिबस्ती बस्ने कृष्ण बहादुर रानालाई त्रिपाठी विरुद्ध प्रचार गरेको भन्दै प्रहरीले पक्राउ गरेको हो । उनले मोटरसाईकलमा बालबालिकाको प्रयोग गरी हृदयेश त्रिपाठीलाई मतदाताका १४ प्रश्न भन्ने सानो बुकलेट बाँड्दै हिडेको अवस्थामा स्थानीयले नियन्त्रणमा लिएर प्रहरीलाई बुझाएका हुन् । २४ पृष्ठको बुकलेटमा एक तर्फ नो नट अगेन लेखिएको छ भने अर्को तर्फ हृदयेश त्रिपाठीलाई मतदाताका १४ प्रश्न भनेर लेखिएको छ ।

विनोद चौधरी सो क्षेत्रबाट त्रिपाठी संगै चुनावी प्रतिस्पर्धामा उत्रिएका छन् । डलर अर्वपती चौधरीले चुनाव जित्न र अर्को उम्मेदवार विरुद्ध भ्रामक प्रचार गर्न उक्त पर्चा वितरण गरेर आचारसंहितको धज्जी उडाएको स्थानीयले बताएका छन् । यस विषयमा प्रहरी प्रशासन समेत खुलेर बोल्न आनाकानी गर्दै आएका छन् ।