खोज

काठमाडौं,१३ जेठ । नेकपा एकीकृत समाजवादीकी सचिव रामकुमारी झाँक्रीले कान्तिपुरका अध्यक्ष कैलाश सिरोहियाको पक्राउ व्यक्तिगत रिसिइबीका कारण भएको बताएकी छन् । समाचार लेखेबापत पक्राउ गर्नु भनेको अपराधी, दोषीलाई कारबाही गर्न लिएको बुझन नसकिने उनको भनाइ थियो।
गृहमन्त्री रवि लामिछानेप्रति इंगित गर्दै उनले सहकारीका सर्वसाधारण वचतकर्ताको रकम अपचलन गरेर अवस्था नबदलिने बताइन् ।
आइतबार काठमाडौमा आयोजित एक कार्यक्रममा बोल्दै उनले उपप्रधान एवं गृहमन्त्री रवि लामिछानेले सहकारीको करोडौं वचत अपचलन गरेको बताइन् ।
मिडियामा आएर उफ्रिएर अवस्था नबदलिने बताउँदै उनले शक्तिमा आएर शक्तिको दुरुपयोग गरेर व्यक्तिमाथि जाइलाग्नुले राम्रो सन्देश नजाने पनि बताइन्।
उनले छानवीन समिति मार्फत छानबिन गर्न दिएर आफ्नो निर्दोषिता प्रमाणित गर्ने र क्लिन चिट पाउने जिम्मेवारी लामिछानेको भएको बताइन् ।
पूर्वमन्त्रीसमेत रहेकी झांक्रीले राज्यले बदलाको हिसावले चालिएको स्टेप तर्साउने तरिका हो त्यसको पक्षमा हामी छैनौँ भनिन् ।