ट्रेंडिंग:

>> स्थानीय तहमा यो वर्ष मात्रै ३० अर्ब ८३ करोड बेरुजु >> महालेखा प्रतिवेदन: एक बर्षमै थपियो २ खबर बेरुजु, कुल ११ खर्ब ८३ अर्ब पुग्यो >> चेक लिएर घुस खाने गुठीका कर्मचारी दोषी ठहर >> सहकारी ठगीविरुद्ध कांग्रेस सडक आन्दोलनमा >> सिरोहियाको पक्राउ व्यक्तिगत रिसिइबीमा : झांक्री >> सहकारी ठगीमा गृहमन्त्रीमाथि छानवीन हुनुपर्छ : ज्ञानेन्द्र >> सरकारको रवैया निरंकुशताउन्मुख : गगन >> कांग्रेसको विरोधकाबीच नीति तथा कार्यक्रम पारित >> एमाले पाल्पाको नेतृत्व सर्वसम्मत >> संस्कृति संरक्षणमा पुल बन्दै सम्पर्क समाज >> युनाइटेडलाई एफए कपको उपाधि >> सहकारी ठगीविरुद्ध कांग्रेसले काठमाडौंमा विरोध प्रदर्शन गर्दै >> गुजरातमा गेम जोनमा आगलागी हुँदा १२ बालबालिकासहित २८ जनाको मृत्यु >> दुर्घटना न्युनीकरण र मर्यादित यात्रामा जोड >> बालीघरे ‘हजाम’ बाट मोहनको सैलुन क्रान्ति >> संस्कृति जोगाउन टप्पा र सिंगारु नाच प्रतियोगिता >> कृषि अनुदानको पुनरावलोकन होस् >> राजनीतिले धर्म छाडेपछि यस्तो हुँदो रहेछ ! >> चक्लाबन्दीमा लोभलाग्दो मकै खेती >> प्रतिनिधिसभा बैठक बस्दै, नीति तथा कार्यक्रम पारित गर्ने तयारी >> भारतीय न्यून चापीय प्रणालीको प्रभाव, यी स्थानमा हुनेछ वर्षा >> ‘कुसुण्डा समुदायको उत्थानका लागि स्थानीय सरकार गम्भीर छ’ >> राशीअनुसार तपाईंको आजको भाग्य हेर्नुहोस् : आजको राशीफल >> फ्रीडम फाउन्डेसन कपिलबस्तुले दस जनाको निशुल्क उपचार गर्ने >> डिजिटल मार्केटिङ्ग अभिमुखिकरण >> विरेन्द्रनगरमा ‘मेयरसँग महिला किसान’ >> स्वतन्त्र प्रेस चाहिन्छ : प्रधानन्यायाधीश >> रुपन्देहीको ड्राइभरटोल र जितगढीमा भएका दुर्घटनामा दुईजनाको मृत्यु >> अल्सरका कस्ता हुन्छन् लक्षण ? >> प्रहरी हिरासतमा रहेका कैलाश सिरोहिया अस्पताल भर्ना >> गर्मीमा धेरै पानी मात्र पिएर पुग्दैन, अरु के खाने ? >> छिपछिपे सहकारीको रकम हिनामिना : सांसद गीता बस्नेतसहित ३५ जनाविरुद्ध मुद्दा चलाउन सिफारिस >> आजको मौसमः कोशी, बागमती र लुम्बिनी प्रदेशमा बिहानैदेखि वर्षा >> बजेटमार्फत माग सम्बोधन गर्न मुक्त कमलरीको सरकारलाई ध्यानाकर्षण >> नवलपुरमा फेरि पाटेबाघको मृत्यु >> बगर बरदान >> राशीअनुसार तपाईंको आजको भाग्य हेर्नुहोस् : आजको राशीफल >> जिल्ला लिगमा देखिदै नयाँ खेलाडी >> मोबाइल व्यवसायी संघ रुपन्देही जिल्ला कमिटी गठन >> भारतीय राजदुताबासको सहयोगमा निर्मित ३६ कोठे भवन उद्घाटन >> कोईलासबाससहित नेपाल–भारत सीमा नाका दुई दिनका लागि बन्द >> सहकारी पीडितले गरे काठमाडौंमा प्रदर्शन >> नेपालमा केपी-१ र केपी-२ कोरोना भेरियन्ट पुष्टी,तर सामान्य >> लुम्बिनीबाट तिलाैराकोट लगियाे शिशु बुद्ध >> कांग्रेसको अवरोध पछि संसद वैठक जेठ १३ सम्म स्थगित >> कार्यदलको बैठक शुरु >> आईपीएल क्रिकेटको फाइनल प्रवेशका लागि आज राजस्थान र हैदरावाद खेल्दै >> बुटवल हस्पिटल प्रालिको सेवा नयाँ भवनमा >> यस्तो छ आजको मौसम पूर्वानुमान ? >> संघीय संसदको दुवै सदनको बैठक आज बस्दै
कर्णाली प्रदेश राजधानी वीरेन्द्रनगरमा पानीको हाहाकार

पहिले गाउँमा मोही मागेर खान्थ्यौं, अहिले पानी

२ जेष्ठ २०८१, बुधबार
२ जेष्ठ २०८१, बुधबार

सुर्खेत, २ जेठ ।

वीरेन्द्रनगर वडा नम्वर आठकी टिका खत्रीलाई आजभोलि साँझ बिहान पानी कसरी जुटाउने भन्ने पिरलो हुन्छ । सातामा एक दिनआउने पानीले राम्रोसँग पिउने पान्ी नै नहुने गरेको टिका बताउँछिन् । ‘अहिले त राम्रोसँग खाने पानी नै पाउनमुस्किल छ, एक सातामा एक दिन त्यो पनि एक छिन मात्र पानी आउँछ ।

बोरिङ ल्याएका छिमेकीसँग पानी मागेर खाने गर्छाै’ उनी भन्छिन्, ‘पहिले गाउँमा हुँदा मोही मागेर खान्थ्यौ, अहिले पानी मागेर खानु परेको छ । ’पूर्वी सुर्खेतको गुर्भाकोट नगरपालिकाबाट बसाई सरेर वीरेन्द्रनगर आएकी हुन् ।

गर्मीयाममा धारामा पानी नआएपछि वीरेन्द्रनगरस्थित बुलबुले गएर पानी बोकेर खाँदै खाएको स्थानीय सुनिता बिक बताउँछन् । ‘धारामा पानी आउँदैन, त्यही भएर बुलबुले तालमा रहेको धाराबाट पानी बोकेर खाने गरेका छौ’, उनी भन्छिन्, ‘शनिवार बच्चाबच्चीलाई नुहाउने कपडा धुने बुलबुले नै जाने गरेका छौ ।’

गर्मीयामसँगै सुर्खेतको वीरेन्द्रनगरमा पानीको हाहाकार हुँदै गएको छ । कर्णाली प्रदेशको राजधानी समेत रहेको वीरेन्द्रनगरको जनघनत्व दिनप्रतिदिन बढ्दो छ, जसका कारण पनि पानीको आवश्यकता अनुसार उपलब्ध हुन सकेको छैन ।

घरहरूमा धारा जडान हुन सकिरहेको छैन । धारा जडान नभएका नागरिकले इनार (कुवा) को पानी प्रयोग गर्छन् । तर, कुवा नै सुक्ने अवस्था आएकोे स्थानीयहरू बताउँछन् । गर्मीयाम लागेसँगै मुहानमापानीको स्रोत घटेको छ । स्रोत घटेका कारण संस्थाले पानीवितरणको नयाँतालिका सार्वजनिक गरेको छ । सोमवार सार्वजनिक तालिका अनुसार अबदेखि ६ दिनमा एक पटक पानी वितरण गरिनेछ । ‘६ दिनको फरकमा एक घण्टा पानी वितरण गर्नेगरी सम्पूर्ण स्थानमा वितरण तालिका लागू गरिएको छ’ संस्थाका संस्थाका इन्जिनियर बालाराम शर्माले भने, ‘लामो सुख्खा खडेरीका कारण मुहानमापानीको स्रोत घटेको कारण यस्तो वितरण तालिकाबनाउनु परेको हो ।’ केही दिन अघि पानी परेपछि मुहानमा केही मात्रामा पानी बढेको देखिएता पनि अहिले फेरि घटिसकेको उनले बताए ।

अन्य समयमा पनि माग अनुसारको पानी आपूर्ति हुन नसकिरहेको बेला गर्मी समयमा चरम अभाव हुने गरेको छ । उनका अनुसार उपत्यकामा दैनिक तीन सय ८८ लिटर प्रतिसेकेण्ड पानी आवश्यक पर्दछ । तर अहिले झुप्राखोला सहितका मुहानबाट प्रति सेकेण्ड ५२ लिटर मात्रै आपूर्ति भइरहेको छ । यो आवश्यक परिमाणको तुलनामा निकै न्यून हो ।

संस्थाले हाल नगरका २० हजार उपभोक्तालाई खानेपानी वितरण गर्दै आएको छ । खडेरीमा हरेक वर्ष उपत्यकामा यसरी नै पानीको हाहाकार हुन्छ । संस्थाले हाल झुप्राखोला, खरीखोला, बोरीखोला, इत्राम खोला, खोर्के खोलालगायत उपत्यका आसपासका केही साना मुहानबाट ल्याइएको पानी वितरण गर्दै आएको छ । तर माग अनुसार पर्याप्त हुन सकेको छैन ।

खडेरीको समयमा वीरेन्द्रनगरवासीले बर्सेनि खानेपानीको समस्या झेल्दै आएका छन् । अहिले उपलब्ध स्रोतबाट पर्याप्त पानी आपूर्ति हुन सकेको छैन भने नयाँ स्रोत थप हुन पनि सकेको छैन । सुर्खेत उपत्यका खानेपानी उपभोक्ता संस्थाका अनुसार ३८ हजार बढी घरधुरी मध्ये अहिलेसम्म २० हजार तीन ५० घरधुरीमा धारा जडान छ । करिब ४ हजार दुई सय बढी घरधुरीले धाराका लागि आवेदन दिएपनि जडान कार्य हुन सकेको छैन ।

धारा जडान भएका घरधुरीका लागि मात्रै दैनिक ३७४ लिटर प्रति सेकेन्ड पानी आवश्यक पर्छ । दैनिक १५७ लिटर प्रति सेकेन्ड खानेपानी आपूर्ति हुने स्रोतहरूबाट हाल खडेरीका कारण जम्मा ५२ लिटर प्रति सेकेन्ड मात्र खानेपानी आपूर्ति भएको संस्थाले जनाएको छ ।

उपत्यकाको खानेपानी समस्या समाधानको एउटै उपाय–भेरीको पानी वीरेन्द्रनगर ल्याउने नै हो । उपत्यकाको खानेपानी समस्या समाधानको दीर्घकालीन विकल्पका रूपमा अघि सारिएको आयोजना निर्माण पूर्वका काममै अल्झिएको छ । आयोजनाको विस्तृत परियोजना प्रतिवेदन (डिपीआर) भइसकेको छ । विश्व बैंकको सहयोगमा भेरी पम्पिङ आयोजना निर्माण गर्न लागिएको हो । ६ वर्ष पहिलेदेखि नै अध्ययनको काम थालिएको थियो । २०८० जेठ ४ गतेदेखि वीरेन्द्रनगरमा कार्यालय स्थापना गरी काम भइरहेको छ । तीन वर्षमा परियोजना सम्पन्न गर्नेगरी काम अघि बढेको बताइएको छ । यही भदौ या असोजदेखि आयोजनाको काम सञ्चालन हुने शर्माले बताए ।

 

यो खबर पढेर तपाईलाई कस्तो महसुस भयो ?