खोज

बुटवल, ११ बैशाख ।

रुपन्देहीको सैनामैना नगरपालिका बुद्धनगरमा रहेको रुपन्देही मोर्डन बोर्डिङ्ग स्कुलले आफ्नो १६ औ बार्षिक उत्सव तथा शैक्षिक सत्र २०८० को पुरस्कार बितरण कार्यक्रम गरेको छ ।

कार्यक्रममा बोल्दै सैनामैना नगरपालिकाका नगरप्रमुख फणिन्द्र प्रसाद शर्मा वाग्लेले रुपन्देही मोर्डन स्कुल बिभिन्न शैक्षिक गतिविधिमा नगरकै उत्कृष्ट रहेको बताएका थिए । विद्यार्थीहरुको अध्यापन राम्रो रहेको भन्दै रुपन्देही मोर्डन स्कुलबाट पासआउट भएका विद्यार्थीहरुले अन्य बिद्यालयहरुमा राम्रो नतिजा ल्याउन सफल रहेको बताए । बिद्यार्थीहरुलाई अध्यापन सँगै ब्यावहारिक ज्ञान दिन जरुरी रहेको भन्दै नगर प्रमुख शर्माले शिक्षकहरुले कितावी ज्ञानसँगै व्यावहारिक सिकाई सहितको अध्यापन गराउन आग्रह गरे ।

बालबालिकाहरु धेरै जिज्ञासु हुने भएकाले विद्यालयमा पढाउँदा बालबालिकाले राखेका प्रश्नहरको जवाफ राम्रो सँग दिने र नजाने भोलि आफुले सिकेर उनीहरुलाई सिकाउन शिक्षक शिक्षिकाहरुलाई आग्रह गरे ।

बालबालिकाहरुले कुनैकुरामा प्रश्न गरे उसलाई डराउन दिने गाली गर्ने कुरालाई अन्त्य गर्न जरुरी रहेको उनको भनाई छ । सैनामैना नगरपालिका शिक्षा शाखा प्रमुख राधा बेल्बासेले रुपन्देही मोर्डन स्कुल आफैमा शैक्षिक क्षेत्रमा पहिचान बनाएको स्कुलको रुपमा रहेको बताईन् । नगरले लिने हरेक कृयाकलापमा मोडल स्कुलको नतिजा राम्रो रहेको भन्दै यसलाई थप गर्दै कितावका ज्ञानसँगै अन्य खेलकुद सांस्कृतिक प्रविधिक ज्ञान दिन जरुरी रहेको बताईन् ।

नगरपालिका बडा नम्बर ४ का वडा अध्यक्ष राम प्रसाद अधिकारी, वडा नं. ५ का वडाअध्यक्ष धन प्रसाद पौडेलले पछिल्लो समय निजी विद्यालयको शैक्षिक क्षेत्रमा योगदान महत्वपूर्ण रहेको बताए । विद्यालय ब्यवस्थापन समितिका अध्यक्ष सागर केसीले बिद्यालयमा शैक्षिक सुधारमा लागिरहेको बताए । ब्यवहारिक ज्ञान सिप आजको आवश्यकता रहेको भन्दै मोडन स्कुलले सोही अनुसार अध्यापन गराउदै आएको उनले बताए । हाम्रो बिद्यालयबाट पास आउट भएर अन्यत्र जाने बिद्यार्थीहरुको नतिजा राम्रो रहेको भन्दै यसलाई निरन्तरता दिने अध्यक्ष केसीको भनाई छ । कार्यक्रममा लिल बहादुर केसी, प्रकाश पौडेल, शिक्षक देवान राई लगायतले शुभकामना दिएका थिए । कार्यक्रममा शैक्षिक सत्र २०८० मा उत्कृष्ट नतिजा ल्याउने बिद्यार्थीह, उत्कृष्ट अध्यापन गराउने शिक्षक शिक्षिका, कर्मचारीलाई सम्मान गरिएको बिद्यालयका प्रधानाध्यापक जे एन पाण्डेले बताए ।