खोज

बुटवल, ९ बैशाख । उजिरसिह माबि कक्षा १२ का विद्यार्थीहरुलाई बिदाई तथा शुभकामना आदानप्रदान कार्यक्रम गरिएको छ । विद्यालय परिसरमा आईतबार कक्षा ११ का विद्घार्थीहरुले कक्षा १२ का विद्यार्थीहरुलाई विदाई तथा शुभकामना कार्यक्रम गरेको हो ।

कार्यक्रमको एक समारोहका बिच विद्यालय ब्यवस्थापन समितिका विशिष्ट सल्लाहकार टेक बहादुर थापाले उद्घाटन गर्दै विद्यार्थीहरुमा संस्कारको रुपमा कार्यक्रम गर्दै आएको बताए । विद्यालयमा एउटै परिवारका रुपमा रहेर अध्ययन गरेका विद्यार्थीहरुबिच एक आपसमा भाईचारा बिकास हुने गरि विविध कार्यक्रमहरुलाई जोड दिईदै आएको उनले बताए ।

कार्यक्रममा शिक्षक अभिभावक संघका अध्यक्ष शुहा बहादुर नेपाली, विब्यसका सदस्य टिकाप्रसाद उपाध्याय, ईन्द्र बहादुर नेपाली, विद्यालयका प्रध्यानाध्यापक पदमराज ज्ञवाली, सहायक प्रअ प्रेम कुमार श्रेष्ठ, सहायक प्रअ बसुन्धारा भुषाल, कालिका उजिरसिह टोल संस्थाका अध्यक्ष मिना थापा तुलाधर, अटो एशोसियसनका सदस्य देविकला पौडेल, मनकामना टोल समितिका उपाध्यक्ष अनिता थापा, पुर्व विद्यालय ब्यवस्थापन समितिका सदस्य दिपेन शाक्य, पुर्व विद्यार्थी सुदिप परियार, कक्षा ११ का छात्रा निशा परियार, सबिन सुनार, कक्षा ११ का छात्रा प्रतिक्षा थापा क्षेत्री, छात्रा सिता रोकाले बैशाख १४ गतेबाट शुरु हुने परिक्षाको सफलताको शुभकामना दिए ।

विद्यालयका शिक्षक यम प्रसाद श्रेष्ठले हिरक जयन्ती भब्य रुपमा मनाउन सफल भएको विद्यालय नगरमै नमुना विद्यालयका रुपमा पहिचान बनाएको बताए । कक्षा ११ र १२ मा शिक्षा, मानविकी र ब्यवस्थापन विषयमा गरि विद्यालयमा १ सय ८५ विद्घार्थीहरु अध्ययरत छन ।