ट्रेंडिंग:

>> ऐतिहासिक विन्दुबाट झर्‍यो सुनको भाउ >> गृहमन्त्री लामिछानेको नाम उल्लेख गरेर छानवीन समिति बन्ने >> बस र टिपर ठोक्किँदा १३ जना घाइते, दुई जना गम्भीर >> कोषाध्यक्षले अह्राएर पशुपतिको भेटी चोरेको दावी >> सहकारी ठगी प्रकरणको कार्यदलको वैठक बस्दै >> आजको मौसमः लुम्बिनीसहित तीन प्रदेशमा चट्याङसहित वर्षा >> आज रुपन्देहीका बोर्डिङ स्कूलहरुमा शोक विदा >> संघीय संसद्का दुवै सदनको बैठक बस्दै, यस्ता छन् कार्यसूची >> मासु साक्षरताः आजको आवश्यकता >> खाली हुँदै राम्चे गाउँ >> प्रवक्ताहरूको भूमिका स्पष्ट गर >> लुम्बिनी प्रदेशको आर्थिक योजनाका चुनौति >> लहरे नाँच बचाउँदै महिला >> वन ऐनले थलिदै सरकारी योजना >> राशीअनुसार तपाईंको आजको भाग्य हेर्नुहोस् : आजको राशीफल >> खस्यौली एफसीलाई यु १८ फुटसलको उपाधि >> एमाले दाङको अध्यक्ष सहित सबै पद सर्वसम्मत >> विश्व ज्योतिष महासंघद्वारा नन्दिनी गौशालामा सहयोग >> रेबिजको जोखिम बढेपछि नेपालगञ्जमा धमाधम कुकुरको बन्ध्याकरण गरिँदै >> कञ्चनले सुरु गर्यो निःशुल्क एम्बुलेन्स सेवा >> काँग्रेस क्षेत्र नम्वर ३ रुपन्देहीको बैठक सिरुवारी सामुदायिक होमस्टेमा >> वचत फिर्ता नपाएपछि मञ्जुश्री सहकारीको बुटवल शाखा घेराउ >> तीन दिने उद्घोषण तालिम सम्पन्न >> सुर्खेतमा मिनीबस दुर्घटना : दुई जनाको मृत्यु, १८ घाइते >> एमाले दाङको अध्यक्ष आचार्यको नाम टुंगो लाग्यो >> ग्रीलजन्य फलामको अस्वभाविक मुल्यबृद्धि नियन्त्रण गर्न व्यवसायीको माग >> सभामुखको भूमिकाप्रति विपक्षी दलको आपत्ति, संसद र सडकसम्म एक भएर जाने सहमति >> १०१ कम्पनीको सूचि सहित बालेनले भने : गिरीबन्धुको जग्गामा ५० खर्बको खेलोफड्को >> विपक्षीको नाराबाजीबीच प्रधानमन्त्रीले पाए विश्वासको मत >> एमाले बाँकेको अध्यक्षमा निरक गुरुङ विजयी >> इरानका राष्ट्रपति र विदेशमन्त्रीको हेलिकप्टर दुर्घटनामा मृत्यु >> उपेन्द्र यादवको रिटमा आज सुनुवाई हुंदै >> स्थानीय र पश्चिमी वायुको प्रभाव : मेघगर्जनसहित वर्षाको सम्भावना >> प्रधानमन्त्री प्रचण्डले चौथो पटक विश्वासको मत लिँदै >> सडक निर्माणमा ढिलासुस्ती अन्त्य गर >> नेपालको संविधानमा धार्मिक स्वतन्त्रता सम्बन्धी व्यवस्था >> भारतको पानी किनेर प्यास मेटाउँदै स्थानीयबासी >> आर्थिक संकटमा मदरसाः बर्ष दिनदेखि उधारो पढाउँदै शिक्षक >> राशीअनुसार तपाईंको आजको भाग्य हेर्नुहोस् : आजको राशीफल >> सरावलका वास्तविक चौधरी अस्पतालमा, खर्च अभावका उपचारमा कठिनाई >> कांग्रेसलाई रविको प्रश्न– राति प्रधानमन्त्रीको अफर, बिहान छानबिन समिति कुन नैतिकताले दिन्छ? >> एमाले दाङको अध्यक्षमा महासचिव पोखरेलका बहिनी ज्वाई सर्वसम्मत ? >> वडा नं. ३ र ११ को उपाधि दाबेदारी >> प्रधानमन्त्री प्रचण्डले लिन लागेको विश्वासको मतविरुद्ध सर्वोच्चमा रिट >> जीप र मोटरसाइकल ठोक्किंदा दुईजना घाइते >> मालपोत र नापी कार्यालय टिकापुरका प्रमुखविरुद्ध भ्रष्टाचार मुद्दा, २४ करोड जरिवाना माग >> मोबाइल एप्सबाटै मेट्रो कलेजको भवन उद्घाटन >> सात जना लागुऔषध दुर्व्यसनीले गरेका थिए प्रहरी जवान घिमिरेको हत्या >> कार्यदलमा अझै जुटेन सहमति, संसद बैठक अनिश्चित >> बुटवलबाट १३ जुवाडे पक्राउ

स्थानीय तहमा सडक बत्ती बापतको ३७ करोड बक्यौता, किस्ताबन्दीमा बुझाउने तयारी

सडक बत्तीको महसुल असुलीमा सहयोग नगर्ने स्थानीय तहको आगामी सातादेखि सडक बत्ती वा कार्यालयको लाइन काटिने प्राधिकरणले बताएको छ । सहयोग गर्ने स्थानीय तहहरुलाई सम्मान गर्ने तयारी पनि प्राधिकरणले गरेको छ ।
५ बैशाख २०८१, बुधबार
५ बैशाख २०८१, बुधबार

बुटवल, ५ वैशाख ।

लुम्बिनी प्रदेशका स्थानीय तहहरुमा सडक बत्ती बापतको ठूलो बक्यौता उठ्न बाँकी देखिएको छ । प्राधिकरणसँग स्थानीय पालिकाहरुले सडक बत्ती बापतको विद्युत महसुल भुक्तान गर्ने प्रतिवद्धता जनाएका छन् । नेपाल विद्युत प्राधिकरण प्रदेश कार्यालय बुटवलका अनुसार विभिन्न वितरण केन्द्र अन्तर्गत सडक बत्ती जडान गरी महसुल बक्यौता रहेका पालिकाहरुले किस्तावन्दीमा महसुल भुक्तानी गर्ने प्रतिवद्धता जनाएका हुन् ।

प्राधिकरणको लुम्बिनी प्रदेश कार्यालय मातहत ११ वटा वितरण केन्द्र छन् । ती वितरण केन्द्रहरुमा ३७ करोड ४१ लाख ५५ हजार ५० रुपियाँ विद्युत बक्यौता उठ्न बाँकी छ । सबैभन्दा धेरै बक्यौता बुटवल वितरण केन्द्र अन्तर्गत छ ।

प्राधिकरणको बुटवल वितरण केन्द्र अन्तर्गत सडक बत्ती बापतको ९ करोड ८० लाख ६८ हजार ३०० रुपियाँ बक्यौता छ । यो २०८० फागुनसम्मको हो । बुटवल उपमहानगरपालिकामा ६५ थान सडकबत्ती जडान छन् भने बिना मिटर जडान भएका सडक बत्ती झिक्ने कार्य निरन्तर रहेको प्राधिकरणका प्रदेश कार्यालय प्रमुख हरिप्रसाद पाण्डेले जानकारी दिए ।

पाण्डेका अनुसार उपमहानगरपालिकाले यही वैशाख १० गतेभित्र नगर परिषदको बैठक राखेर मिटर नभएका सडक बत्तीको महसुल आगामी आर्थिक वर्षमा किस्तावन्दीमा भुक्तानी प्रक्रियामा जाने प्रतिवद्धता जनाएको छ ।

उपमहानगरपालिकाका प्रमुख खेलराज पाण्डेले बक्यौता महसुल बुझाउने कुरामा नगरपालिका तयार रहेको भन्दै आफूले प्राधिकरणसँग कहिलेदेखिको बक्यौता हो, त्यसको विवरण माग गरेको बताए । “बक्यौता तिर्नको लागि नगर परिषदले निर्णय गर्नुपर्छ, एकैपटक ठूलो रकम बुझाउन अप्ठेरो हुन्छ, तिर्नुपर्ने बक्यौता क्रमशः बुझाउँदै जाने गरी अगाडि बढ्ने कुरा भएको छ”–नगरप्रमुख पाण्डेले न्युज बुटवल टुडेसँग भने ।

मुख्यराजमार्गको सडकबत्तीको भुक्तानी उपमहानगरले बुझाउने छ । त्यस्तै उपभोक्ता समितिले बिल भुक्तानी नगरे आगामी असारसम्म बत्ती काटिने प्राधिकरण प्रमुख पाण्डेले बताए । “बुटवल वितरण केन्द्र अन्तर्गतका स्थानीय तहहरुमा समस्या छैन, सैनामैनामा २२ थान र देवदह र तिनाउ गाउँपालिकामा सम्पर्कको प्रयास भैरहेको छ”–उनले भने । बक्यौता प्रमाणित गराई स्थानीय तहबाट क्रमशः किस्तावन्दीमा भुक्तानी गर्न प्रतिवद्धता प्राप्त भएको प्राधिकरण प्रमुख पाण्डेको भनाई छ ।

प्राधिकरणको पाल्पा वितरण केन्द्र अन्तर्गत ७ करोड १६ लाख ४१ हजार ७८० रुपियाँ सडक बत्ती बापतको बक्यौता छ । “पाल्पाको तानसेन नगरपालिकाले मिटर नभएको सडक बत्तीको महसुल भुक्तानी गर्न सहमत भएको छ भने अन्य स्थानीय तहहरुमा समस्या छैन”–उनले भने । त्यस्तै कृष्णनगर वितरण केन्द्र अन्तर्गत ६ करोड २५ लाख ९४ हजार ४८० रुपियाँ बक्यौता छ भने तौलिहवा वितरण केन्द्र अन्तर्गत ५ करोड ५६ लाख ६६ हजार १६० रुपियाँ सडक बत्ती बापतको महसुल उठ्न बाँकी छ ।

तौलिहवा नगरपालिकाले पनि क्रमशः किस्तावन्दीमा बक्यौता बुझाउन सहमत भएको छ । बाणगंगा नगरपालिका, बुद्धभूमि नगरपालिका, यशोधरा गाउँपालिका, शुद्धोधन र मायादेवी गाउँपालिकामा बिना मिटरका बत्तीको संख्या यकिन गरिएको पाण्डेले जानकारी दिए ।

परासी वितरण केन्द्र अन्तर्गत ४ करोड ५७ लाख ४५ हजार ६५० रुपियाँ बक्यौता छ । सुनवल नगरपालिकाले किस्तावन्दीमा बक्यौता भुक्तानी गर्न थालेको छ । प्राधिकरणको भैरहवा वितरण केन्द्र अन्तर्गत ३ करोड ७८ लाख ९७ हजार १५० रुपियाँ बक्यौता छ । प्राधिकरणले सिद्धार्थनगर नगरपालिकाको मिटर जडान भएका १४ सडक बत्तीको सबै बक्यौता असुलेको छ । त्यस्तै मिटर जडान भएको ७ वटा सडक बत्तीको असार सम्ममा असुली गर्ने सहमति जनाएको छ ।

प्राधिकरण प्रमुख पाण्डेका अनुसार मिटर जडान नभएको ५ करोड ६४ लाख ८२ हजारको किस्तावन्दीमा भुक्तानी गर्ने सहमति भएको छ । यद्यपि सिद्धार्थनगरले भने उक्त पुरानो बक्यौथा मिनाहाका लागि उर्जा मन्त्रालयसँग आग्रह गरेको छ । ओमसतिया गाउँपालिकामा मिटर जडान नभएको २ लाख बक्यौता बाँकी छ । लुम्बिनी सांस्कृतिक नगरपालिकाले भने रु ३ लाख ५० हजार बक्यौता गत आर्थिक वर्षमा नै बुझाइसकेको छ । मर्चवारी, मायादेवी, कोटहीमाई र समरीमाईमा भने समस्या नरहेको प्राधिकरणले जनाएको छ ।

प्राधिकरणको बर्दघाट वितरण केन्द्र अन्तर्गत १४ लाख ७७ हजार ३८० रुपियाँ बक्यौता छ । बर्दघाट नगरपालिकाले भने सबै रकम नियमित भुक्तानी गरिरहेको छ । सुनवल, प्रतापपुर, सरावल, विनयी त्रिवेणी र सुस्ता गाउँपालिकाले बर्दघाट वितरण केन्द्रतर्फको सडक बत्ती प्रमाणित गरेको पाण्डेले बताए ।

त्यस्तै नयाँमिल वितरण केन्द्र अन्तर्गत ६ लाख ८५ हजार ८८० रुपियाँ बक्यौता छ । गुल्मी वितरण केन्द्रमा ३ लाख ४९ हजार ३५० रुपियाँ बक्यौता छ । जसमा रेसुङ्गा नगरपालिकाले चालु आर्थिक वर्षमा भुक्तानी गर्ने प्रतिवद्धता जनाएको छ । अमुवा वितरण केन्द्रमा २८ हजार ९३० रुपियाँ मात्र बक्यौता छ । सियारी गाउँपालिकामा मिटर नभई जडान भएका बत्तीको गणना सम्पन्न भएको, गत आर्थिक वर्षसम्म भुक्तानी भैरहेको र बाँकी बक्यौता ३ लाख रहेको प्राधिकरणले जनाएको छ । अर्घाखाँची वितरण केन्द्रमा भने खासै समस्या नरहेको प्राधिकरणको भनाई छ ।

प्राधिकरणले बक्यौता तिर्नको लागि किस्तावन्दीको सुविधा दिएको प्रदेश कार्यालयका प्रमुख पाण्डेले बताए । सडक बत्तीको महसुल असुलीमा सहयोग नगर्ने स्थानीय तहको आगामी सातादेखि सडक बत्ती वा कार्यालयको लाइन काटिने प्राधिकरणले बताएको छ । सहयोग गर्ने स्थानीय तहहरुलाई सम्मान गर्ने तयारी पनि प्राधिकरणले गरेको छ ।

 

 

यो खबर पढेर तपाईलाई कस्तो महसुस भयो ?