खोज

तिलोत्तमा,२५ चैत ।   तिलोत्तमा १ डाइभर टोलको नवीन ज्योति क्लबले आयोजना गरेको प्रदेशस्तरीय मेन्स डबल ब्याडमिन्टन प्रतियोगिताको उपाधि रविन केसी र युवराज पुनको जोडीले जितेको छ । उनीहरु स्म्यास ब्याडमिन्टन क्लब बुटवलका खेलाडी हुन् । लुम्बिनी प्रदेशका ३२ टिमले भाग लिएको प्रतियोगितामा जबई ब्याडमिन्टन क्लबका रक्षा गुरुङ र प्रसाद गुरुङको जोडी दोस्रो भएको छ । यस्तै लाफा समूहका कृष नेपाल र पवन गिरीको जोडी तथा स्म्यास ब्याडमिन्टन क्लबका कमल गौतम र तुल्सी पाडे मगरको जोडी तृतीय भएका छन् ।
प्रतियोगितामा सेमलारका मनसुन थापा उदियमान खेलाडी भएका छन् ।

प्रतियोगिताको उद्घाटन गर्दै तिलोत्तमाका नगर प्रमुख रामकृष्ण खांणले नवीन ज्योति क्लबले ब्याडमिन्टन खेलको विकास र रखेलाडी उत्पादनसंगै सामाजिक काममा राम्रो काम गरेको भन्दै सराहना गरे । उनले तिलोत्तमालाई खेलकुदको हब बनाउन सकिने बताए । यस्तै होराइजन जीबीएसका प्राचार्य गोपाल आचार्यले युवा पुस्तालाई खेलकुदमा जोड्न सके उनीहरु गलत बाटोमा जानबाट रोकिने र हरेक व्यक्ति शारीरिक र मानसिकरुपमा स्वस्थ हुन खेलकुदको धेरै ठूलो भूमिका हुने बताए ।
विजयी खेलाडीहरुलाई क्लबका अध्यक्ष कृष्ण पाण्डे,कार्यक्रम संयोजक विक्रम गुरुङ,ुचिव गंगा गैरे,सहसचिव दीपक भट्टराई, क्लबकै सुमन राना लगायतले पुरस्कार तथा प्रमाणपत्र,मेडल र ट्रफीहरु प्रदान गरेका थिए ।
लुम्बिनी प्रदेशभित्र रहेका खेलाडीहरुमा भएको कला, क्षमता प्रदर्शनको अवसर प्रदान गर्ने र प्रदेशमै खेलाडीहरु उत्पादन गर्ने उद्देश्यले दोस्रो नबिन ज्योति कप पुरुष डबल ब्याडमिन्टन प्रतियोगिता गरिएको र आगामी दिनमा थप राम्रो गर्ने अध्यक्ष कृष्ण पाण्डेले बताए ।

प्रतियोगिताको विजेताले ३० हजार, उपविजेताले २० हजार र तेस्रोले १० हजार रुपैया नगद पुरस्कारका साथै ट्रफी,मेडल र प्रमाणपत्र पाउने छन् भने उदियमान खेलाडीलाई नगद पुरस्कार पाएका छन् । प्रतियोगिता सम्पन्न गर्न तिलोत्तमा नगरपालिकाले आर्थिक सहयोग गरेको थियो ।