ट्रेंडिंग:

>> जिल्ला लिगमा देखिदै नयाँ खेलाडी >> मोबाइल व्यवसायी संघ रुपन्देही जिल्ला कमिटी गठन >> भारतीय राजदुताबासको सहयोगमा निर्मित ३६ कोठे भवन उद्घाटन >> कोईलासबाससहित नेपाल–भारत सीमा नाका दुई दिनका लागि बन्द >> सहकारी पीडितले गरे काठमाडौंमा प्रदर्शन >> नेपालमा केपी-१ र केपी-२ कोरोना भेरियन्ट पुष्टी,तर सामान्य >> लुम्बिनीबाट तिलाैराकोट लगियाे शिशु बुद्ध >> कांग्रेसको अवरोध पछि संसद वैठक जेठ १३ सम्म स्थगित >> कार्यदलको बैठक शुरु >> आईपीएल क्रिकेटको फाइनल प्रवेशका लागि आज राजस्थान र हैदरावाद खेल्दै >> बुटवल हस्पिटल प्रालिको सेवा नयाँ भवनमा >> यस्तो छ आजको मौसम पूर्वानुमान ? >> संघीय संसदको दुवै सदनको बैठक आज बस्दै >> कालिका युवा क्लव रापाकोटले पुरुष भलिवल प्रतियोगिता गर्ने >> गुरुङ राष्ट्रिय परिषदले भव्य रुपमा मनायो बुद्ध जयन्ती >> स्थानीय सरकार जनताको विश्वास जित्न असफल >> बाँदरबाट मकै जोगाउन दैनिक १३ घण्टा पहरा, विकल्पमा बेसार खेती >> तुलसीपुरका बस्तीमा खानेपानीको हाहाकार >> पहिलो ‘मायादेवी ट्रेल रन’ >> राशीअनुसार तपाईंको आजको भाग्य हेर्नुहोस् : आजको राशीफल >> देवता चडेको भन्दै कुपिण्डे तालमा हाम फालेकी महिलाको मृत्यु >> कार्यदलको बैठक निष्कर्षबिहीन >> दुई पासपोर्ट भएका गृहमन्त्रीले उन्मुक्ति पाउंदैनन् : शेखर >> प्रधानमन्त्री लोकतन्त्र सिध्याउने खेलमा : उपेन्द्र >> सहकारी पीडितले भोलिदेखि आन्दोलन गर्ने >> मणिमुकुन्द कलेजको सहयोगमा बुटवल–लुम्बिनी साइकल यात्रा >> दाङले चुम्यो दोहोरी खेलको उपाधि >> लुम्बिनीको भ्रमण गर्न पाउनु विश्वका प्रत्येक नागरिकका लागि गौरवको विषयः प्रधानमन्त्री >> एशिया कपका लागि नेपाली महिला क्रिकेट टोली घोषणा >> यस वर्षको मनसुन अवधिमा ४ लाख बढी घरधुरीका व्यक्ति प्रभावित हुने आकलन >> चीनले सुरु गर्‍यो ताइवानको आकाशमा युद्धअभ्यास >> सिंहासन त्यागेर शान्ति खोज्ने पहिलो मानव बुद्ध : प्रदेश प्रमुख शेरचन >> बुद्धका उपदेश र मार्गदर्शनलाई आत्मसात् गर्न सकेमा  बुद्धजयन्तीले सार्थकता पाउँछ:  मुख्यमन्त्री >> सहकारी छानबिन समिति कार्यदलको बैठक आज बस्दै >> बुद्धले देखाएको अहिंसा, शान्ति, मानव कल्याणको मार्ग आज पनि उत्तिकै सान्दर्भिक छ- प्रधानमन्त्री >> राममणि क्याम्पसलाई पुरानै कर्मचारी नियमावली लागु गर्न अदालतको आदेश >> आज चार प्रदेशमा चट्याङसहित वर्षाको सम्भावना >> सद्भाव फैलाउन बुद्ध शिक्षामा विश्वास गरौँ : प्रधानमन्त्री >> राशीअनुसार तपाईंको आजको भाग्य हेर्नुहोस् : आजको राशीफल >> लुम्बिनीमा उल्लास >> ‘सत्ता र शक्तिको बलमा प्रेसमाथि प्रहार’ >> बुद्ध जयन्ती कि बुद्ध पूर्णिमा ? >> रामग्राममा धातु जात्रा >> वर्तमान समयमा बुद्ध धर्मको सान्दर्भिकता >> लुम्बिनीमा मनोजको मन >> तिनाउ नदीमा डुबेर कालिकाका विद्यार्थीको निधन >> बुटवल देशकै सबल आर्थिक केन्द्र >> रामग्राममा वुद्ध जयन्तीको अवसरमा धातु जात्रा >> राप्ती राजमार्ग बन्द हुने >> गृहमन्त्री र महान्यायाधिवक्ताविरुद्धको रिट दर्ता गर्न आदेश

राप्ती प्रातिष्ठानमा अत्याधुनिक प्रविधिबाट युरोलोजी उपचार सुरू

२२ चैत्र २०८०, बिहीबार
२२ चैत्र २०८०, बिहीबार

लमही,२२ चैत ।

दाङको राप्ती स्वास्थ्य विज्ञान प्रतिष्ठानमा युरोलोजी सेवालाई थप प्रभावकारी बनाउन नयाँ अत्याधुनिक मेसिन जडान गरिएको छ । लुम्बिनी प्रदेशको स्वास्थ्य मन्त्रालयले अनुदानको रुपमा सहयोगस्वरुप प्रतिष्ठानलाई अहिलेको नयाँ प्रविधिको रुपमा थुलियम् मेसिन प्रदान गरेको हो । लुम्बिनी प्रदेशका स्वास्थ्यमन्त्री राजु खनाल र प्रदेश स्वास्थ्य सचिव डा. जनार्दन पन्थीले संयुक्तरुपमा प्रतिष्ठानका उपकुलपति डा. बिकास लामिछाने र रजिष्ट्रार प्राध्यापक श्याम लम्साललाई मेसिन हस्तान्तरण गरेका हुन् । यो मेसिन देशका सीमित अस्पतालहरूमा मात्र रहेको र अब लुम्बिनी प्रदेशका जनताले युरोलोजी सेवा लिन काठमाण्डौ धाउनु पर्ने अवस्थाको अन्त्य हुने रजिष्ट्रार प्राध्यापक श्याम लम्सालले बताए ।

युरोलोजी सेवालाई ब्यवस्थित, सुरक्षित, प्रभावकारी बनाउन यो मेसिन प्रदेश स्वास्थ्य मन्त्रालयको सहयोगमा प्रतिष्ठानमा थप गरिएको युरोलोजिष्ट डा. प्रवोध रेग्मीले बताए । यो मेसिन जडान भइ सञ्चालनमा आईसकेको छ । मेसिनको सहायतामा किड्नी, नली र पिसाब थैलीको पत्थरी फुटाल्न, प्रोष्टेटको ग्रन्थी र क्यान्सरको जोखिम भएको मासु निकाल्न पनि सकिने छ । युरोलोजिष्ट डा. रेग्मीले सन २०१९ देखि यो मेसिन बिश्वमा प्रयोग भएको जानकारी दिदै छिटो छरितो ढङ्गबाट मिर्गौलामा भएका हरेक किसिमका ढुङ्गा फुटाउन सकिने बताए । उनले अरु भन्दा धेरै राम्रो शक्तिशाली मेसिन प्रतिष्ठानमा आएको भन्दै अन्य मेसिन भन्दा यो धेरै प्रभावकारी रहेको पनि जानकारी दिए । मेसिन जोडिएसंगै युरोलोजी सेवा लिन अब अन्यत्र जानु नपर्ने भन्दै सबै सुविधा प्रतिष्ठानमा रहने छ । मुलुकका ५ वटा अस्पतालमा मात्रै थुलियम् मेसिन जडान गरिएको भन्दै डा. रेग्मीले विर हस्पिटल काठमाडौं र बिपि स्वास्थ्य विज्ञान प्रतिष्ठान धरानमा अहिलेसम्म नरहेको सेवा दाङबाट दिन थालिएको पनि बताए । साथै उनले यो मेसिनबाट बिरामीको अप्रेसन सुरक्षित, भरपर्दो र बिश्वासिलो रहेको पनि उल्लेख गरे । डा. रेग्मीका अनुसार प्रतिष्ठानमा युरोलोजी सेवा अन्तर्गत हालसम्म ३ सय साना तथा ठुलो अप्रेशन गरिएको र सबै अप्रेशनहरु सफल भएका छन् ।

जसअनुसार गएको भदौदेखि हालसम्म डेढ सय मृगौलामा भएको पत्थरीको अप्रेशन गरिएको छ भने प्रोष्टेटसहित अन्य युरोलोजी सेवा डेढ सय जना बिरामीलाई दिइएको छ । प्रदेश स्वास्थ्य मन्त्री राजु खनालले प्रतिष्ठानलाई मेसिन हस्तान्तरण गर्दै आफु दङ्गालीबासी भएकाले पनि मन्त्रालयको सहयोगमा सेवा थप गरिएको बताए । दाङकै मन्त्री र स्वास्थ्य सचिव भएको बेला प्रतिष्ठानलाई अरु सहयोगलाई पनि निरन्तरता दिइने बताए ।

त्यस्तै प्रदेश स्वास्थ्य सचिव डा. जनार्दन पन्थीले प्रदेश स्वास्थ्य मन्त्रालयबाट मेसिन सहयोग गरेर सेवा बिस्तार गर्न पाउँदा खुसी लागेको बताउँदै आफु प्रतिष्ठानको सेवाग्राही पनि भएकाले सबै प्रकारका सेवा थपमा सहयोग हुने बताए । प्रतिष्ठानका उपकुलपति डा. विकास लामिछानेले प्रतिष्ठानलाई मेसिन सहयोग गरेकोमा स्वास्थ्य मन्त्री राजु खनाल, प्रदेश स्वास्थ्य सचिव डा. जनार्दन पन्थीसहित प्रदेश सरकारलाई धन्यवाद दिदै आउँदा दिनमा पनि सहयोग जारी राख्न आग्रह गरे ।

उनले एमबिबिएसको कक्षा सञ्चालनको तयारीको लागि प्रदेश स्वास्थ्य मन्त्रालयले जिल्ला जनस्वास्थ्य कार्यालय दाङको कार्यालय भबन प्रतिष्ठानलाई हस्तान्तरण गर्ने निर्णय गरेकोमा प्रदेश स्वास्थ्य मन्त्री, सचिवलाई पनि धन्यवाद दिए । प्रतिष्ठानका रजिष्ट्रार प्राध्यापक लम्सालले प्रदेश स्वास्थ्य मन्त्रालयको २ करोडको अनुदान सहयोगमा मेसिन प्राप्त गरिएको र सेवा बिस्तारलाई थप सहयोग मिलेको बताए ।

यो खबर पढेर तपाईलाई कस्तो महसुस भयो ?